Thursday, October 22, 2009

في السريع


في السريع
شعاري الفترة الحالية
وده لان كليتنا الغراء علمتنا اننا نعمل كل حاجة بسرعة بداية من الترم ده
ومش قادرة افسر الموضوع ده ويا تري اسبابه
علي كل حال انا طبعا بقالي فترة مش متواجدة هنا في مدينة
المدونيين
وده برضه بسبب كليتنا الغراء
والقرف والبهدلة اللي احنا فيها

اما الان
فمع كام خبر في السريع من راديو سفروتة
لاني ورايا امتحان اوبئة والمادة بصراحة لا تطاااااق




اخبار الكلية

كليتنا الغراء بجامعة المعز لدين الله الفاطمي يدوب ممن اسبوع عرفت انه النظافة من الايمان
واصدرت منشور ملكي بيحتم علي كل طالب وبجدول زمني معين المساهمة في تنضيف المدرجات
H1N1وده طبعا بعد ذوبعة فيروس
واللي بيعتقد البعض انه بانتهاء الازمة ستعود الكلية الي سابق عهدها
مع العلم ان الكلية لم تتخذ اي اجراء ضد صناديق القمامة المنتشرة في ارجائها ولم تفعل شيئا ازاء ما يوجد امام عنابر
العجول(وانتوا فاهمين قصدي) وانت رايح علي سكشن الولادة
وعجبي


بعد قضاء فترة ثلاث سنوات من السجن المشدد وبداية العام الرابع من المدة اصبح من البديهي ان يقول الدكتور في الاسبوع الاول (ان شاء الله في امتحان يوم كذا ) والمشكلة لا تكمن هنا وانما تكمن في الغيرة الفظيعة التي تسيطر علي باقي الدكاترة فبمجرد ان يتفوه هذا الدكتور الاولاني بكلمة امتحان ..تتكرر هذه الكلمة علي ألسنة الباقي
اشمعني هما يعني


بعد ان تسربت الي مسامع اساتذة قسم التغذية انه بعض الطلبة مبتفهمش من دكتور طارق في السكشن وانهم مبيحضروش سكشنه وبيحضروا في سكشن تاني...حلف السيد المبجل رئيس القسم مية يمين انه مفيش حد يحضر برة سكشنه وعلق فرمان بذلك امام مدرج 5 واللي مش هينفذ القرار ذنبه علي جنبه
مبسوط يا عم طارق...اي خودعة


يناشد سكان قصدي طلبة الفرقة الرابعة القائمين علي سكشن الباطنة
انهم يعالجوا البقرة المسكينة اللي بتعاني من
diarrhea
بقالها اسبوعين تقريبا
كل ما تدخل السكشن نلاقي عندها نفس الحالة
صبرها يارب

اما الان فإليكم بيان بمواعيد امتحانات الميد تيرم


ولا اقولكم بلاش عشان متتصدموش

ـــــــــــــــــــــــــــــــــــــــ

اخبار سفروتية

بعد ان ساد اللغط وكثر الكلام حول اللقاح المزمع استيراده لعلاج اللي متتسماش قررنا نحن في مملكة سفروتة عدم استيراد اللقاح عاملين بمبدأ الباب اللي يجيلك منه الريح سده واستريح


اعاني هذه الايام من حالات نووووووووووم عميقة لا تتناسب مع الوضع الحالي وما تشهده الساحة الدراسية من امتحانات تطرق الابواب
سيبكم انتم .. مفيش احلي من النوم


الان انا في محاولات جدية لاتخاذ خطوات هامة في تخصص الارانب
لقيت نفسي فيه


بعد محاولات عديدة قررت اني مرجعش اسرة سمارت فيت تاني ولا اني اشارك في اي اسرة جديدة ...لعدة اسباب منها الفقر الفكري اللي محاوطني اليومين دول معرفش ليه...تقريبا من كتر حبه ليا..والمزاج المتقلب


الثلاثاء القادم 27 / 10 في تمام العاشرة صباحا
هكون موجودة في جامعة القاهرة
في معهد البحوث والدراسات الافريقية
وده لأن بابيتو (بابا يعني)العزيز هيناقش رسالة الدكتوراة بتاعته
"الاشراف في مصر والنوبة في عصر المماليك"
جيراني المدونيين الدعوة عاااااااااااااااامة لاي حد يحب انه يحضر بجد هينورني ويشرفني وهبقي مبسوطة اوووووي انه حضر المناقشة


توماااام يا بشر؟؟

ــــــــــــــــــــــــــــــــــــــــ

ومن الاخبار العالمية



بلاش بلاش
كلها تغم النفس

كفاية عليكم كده
هروح اشوف الاوبئة بقي
انها تناااااااااااااديني




31 comments:

romansy said...

اول تعليق

وسرك فى بير



ل


رومانسى

romansy said...

جاسوس
جاسوس

ايه دا دا
انتى ناقله اخبار الكليه كلها على الملا كده
متعرفيش ان دى اسرار بيطريه

أحمـــــــــــــد أبو العلا said...

امتحان اوبئه؟

ربنا يعافيكي من جنان الدكاتره

الموضوع مش عشان النظافه ولا الانفلونزا

الموضوع انهم عايزين يوفروا تمنعما النظافه
وعجبي

adel said...

بصي لظروف تجبرني علي الرد المختصر

تخصص ارانب ؟؟؟؟
وهتسيبي طيور السنونو لمين ؟؟
:):)

سفروتة said...

romansy
..........
يا بختك ياعم
اول تعليق
محدش قدك
والحراس بقوا يسمحولك بأول تعليق
:D

ههههههههههههههههههههههههههههههه
اسرار بيطرية ايه بس
انا لو عليا اصور فيديو وانشر ع الفيس عشان الناس تعرف المعاناة
وصوتنا يوصل للمسؤلين
ونطلع في برنامج طارق علام
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

منور يا عم الرومانسيين
:)

سفروتة said...

احمد ابو العلا
..............
اااااااااااااااااااااامين
بجد فعلا ربنا يعافينا منهم

انت تعرف احنا اصلا عندنا نقص في العمالة
مفيش عمال نظافة في الكلية

هو فعلا صدق اللي قال رب ضارة نافعة
من ساعة ما الطلبة ساهموا في الموضوع
والمدرج بقي فعلا نضيف ويشرح القلب

سفروتة said...

adel
......
يا مرحبا يا مرحباااااااا

بصيت اهه
ماااااشي يا سيدي
بس ليا في ذمتك كومينت
:D

يا عادل عيب عليا اوي لما اتخصص سنونو
ومصر تمتلك اكبر متخصص في السنونو
انت يا عااااااااااااااااااااادل
ربنا يخليك لكل طيور السنونو
ااااااااااااااامين
:D

mohamed ghalia said...

ربنا يعينك وبالتوفيق فى الإمتحان

زى الهوا said...

بجد ربنا يكون فى عونك ياسفروته

كيكى عوووووو said...

هو وباء الامتحانات عندكم الدكاترة تغير من بعض يقوم الوباء منتشر
عااااااااااااااا
صبرنى ياااااااارب
شكلك ياعينى مش طايقة مامى كليتك
والجاموسة ولا بقرة فكرتينى بفيلم سور الصين العظيم لمة راح عند جد لى وشاف الراجل الى عيان قال: هو راجل دة معندوش اهل بيسألوا عليه!!!
مبروك لبابا

amy said...

ياااااااااااااااة يا سفروتة...تعرفى انا اول مرة اشوف جيش خمس سنين مع الحبس الجماعى والمشدد ...على فكرة احنا داخلين السنة دة وعارفين ان اول كلمة هنسمعها ..احنا متاخرين..اكيد عارفها...هما اتاخروا انهم يقولها من اول يوم فقالوها من تالت يوم......
وبالنسبة لسكاشن التغذية..باقول بلاش نتكلم فى السياسة احسن..
والف الف الف مبروك...للدكتور عمو حسن
...

طوبه فضه وطوبه دهب said...

بصى يا بنتى كلنا كنا قلنا كدا واتريقنا كتير على الكليه وطلعت عنينا فيها انا فاكره دكتور اول ما دخل لنا اول اسبوع قعد يدى محاضره تلت ساعات قلنا له كفايه يا دكتور قال بسرعه عشان متاخرين كنا بندخل اول اسبوعين عارفين التالت ميد ترم دايركت اتعودى وما تمليش وهتعرف الترم الجاى ان الاوبئه او الابيدميولوجى اعبط ماده فى الكليه وبكره تقولى دهب قالت لما تشوفى الجراحه والولاده والمواد اللى بحق ربنا اما باباكى بقى الف مليوم مبروك وعقبالك ياقمر تكونى اجمل دكتوره وعلى فكره الجاموسه اللى عندها دايريا دى حاله طبيبعيه من الخوف اللى بتحس بيه لان الحيوان عنده ذاكره عاليه جدا للربط بين الروايح والاماكن اول ما تدخل السكشن وتعرف اللى هيحصل لها اللى هو اللى بالى بالك بقى بتجيلها الحاله عدل بصراحه الله يكون فى عونها دى بيشتغلوا عليها من ايام ما كنت فى تالته ربنا يكرمك يارب وتبقى دكتوره عسوله ولسه عند وعدى اول ما انزل الكليه وربنا يفرجها وافتح اميلى هقابلك ياقمر

كيــــــــــــارا said...

ارانب واوبئة

لا ياعم

انا هشيل الاسم هههههههههه

كيــــــــــــارا said...

ربنا معاكي ويوفقك ياقمر

norahaty said...

شووووووووية
أخبار فى السريع
أنما ايه :عســـــــل
وتفوح منهم رائحة(المجهود)
الجبار! اللى بتعمليه واللى (كلنا )عملناه قبلك (مش انتى لوحدك ياعنىP
PPPPPPPPPايوة حبيت اقولك يعنى
ههههههههههههههههههههههههه
معلش ما ضاقت الا لما فرجت بأذن الله
وبكرة أحلى من اللى بعده:):)
تمنياتى بالتوفيق والنجاح

ليس فقيرا من يحب said...

يارب عين سفروته يارب

وساعدها وخلصها من الليله دى على خير

والف مبروك مناقشه بابا للدكتوراه

وعقبالك يا جميل ان شاء الله

blue-wave said...

يااااااااااااااة
بقالى كتير ماجتش هنا
وانتى بقالك كتير مازورتينيش
وبقالك فترة مش بتكتبى
يارب يكون المانع خير

معتز شاهين - باحث تربوي said...

تحيايت على تلك المدونة الخفيفة
وعلى تدوينتك الدسمة

وكل عام وأنت بخير بمناسة العشر الأول من ذي الحجة .. تقبل الله منا ومنكم صالح الأعمال

ويبقى التواصل

سفروتة said...

mohamed ghalia
.................
ربنا يخليك يا محمد

نورت
:)

سفروتة said...

زي الهوااااااا
..............
آآآآآآآآآآآآمين يا موحاااااا
امين

:)

سفروتة said...

كيكي عووووووو
...............
ههههههههههههههههههههههه
ودلوقتي مبقيتش اطيقها اكتر من الاول
ااااااااااااااااااااه
بجد حاجة تقرف

الله يبارك فيكي يا ثكر
:-*

سفروتة said...

amy
.......
صديقتي العزيزة
يا بنتي ده مش جيش
والله الجيش ارحم
دي كتيبة اعدام
:D

الله يبارك فيكي يا حبي
وعقباااااااااااالك يارب
:)

سفروتة said...

طوبة فضة وطوبة دهب
....................
ااااااااااااه يا دهب
بجد الاوبئة دي متخلفة
وبالذات جزء المعدية

الله يبارك فيكي يا دهب يا ثكر
وعقبالك يارب
ونباركلك كلنا ان شااااء الله
:-*

سفروتة said...

كيارا
..........
كركورتي
وحشتيني اووووووووووووووووووووووي
ههههههههههههههههههههههه
شيلي

ربنا يخليكي يارب
:-*

سفروتة said...

norahaty
...........
منوووووووووووووورة يا دكتور والله
وحشتيني جداااااااااااااااااااااااا

ياااااااااارب بكرة احلي
ياااااااااااااااااااارب

بجد ادعيلي اوي يا دكتور
:-*

سفروتة said...

ليس فقيرا من يحب
...............
امين يارب
يارب نخلص من المؤبد ده بجد

والله يبارك فيكي يا قمر
ربنا يخليكي يارب
:)

سفروتة said...

blue-wave
...............
دكتور عمروووووووووووووووووو

يااااااااااااااااااه
انا بجد كده اتأكدت اني عندي الحاسة السادسة
والله والله يا دكتور امبارح كنت مفتكرة حضرتك جدااااا
اصلي دخلت ع المدونة امبارح وافتكرت بقي الناس اللي كنت بزورهم ويزوروني وافتكرت حضرتك قوووووووووي
بس كسلت ارد ع الكومينتات وازور الناس
بعيد عنك الكلية مكرهاني في عيشتي
وبجد سدت نفسي عن كل حاجة
ومبقيتش عايزة اكتب هنا كمان
بس سبحان الله لما شفت تعليقك النهاردة بجد عرفت ان احنا فعلا كلنا اخواااااااااااااااااااات وان التدوين ده اجمل حاجة بتربطنا كلنا ببعض...
لانها بجد مش صدفة اني افتكرك امبارح واشوف تعليقك النهاردة

وان شاء الله ارجع ازوركم واكتب هنا كمان
بس اخرج من مود الكلية المقرف ده
والامتحانات اللي مبتخلصش

نورتني بجد
:)

سفروتة said...

معتز شاهين
............
ربنا يخليك يارب
متشكرة بجد علي ثناءك

وكل عام وحضرتك بألف خير

ونورت المدونة
:)

ليس فقيرا من يحب said...

كل سنه وانتى طيبه يا حبيبتى

عيد سعيد عليكى وعلى كل حبايبك يارب

norahaty said...

كل سنة وانتِ
بخير ياسفروتة
عيد سعيد بأذن الله
شدى حيلك بقى وركزى
وخلصى وتعالى بسرعة بقى
مش انتم فى اجازة نصف العام
ولا لأ؟

The illusionist said...

الف الف الف كل سنه وانتى طيبه يا سفروته
عيد سعيد علكى يا رب ربنا يعيده عليكى بالخير واليمن والبركات