Monday, August 17, 2009

ماذا يكمن في نفس الطبيعة؟؟؟

من مدة قريبة كنت قاعدة فاضية وزهقانة بعد امتحان التدريب


اعمل ايه ... اعمل ايه... جريت ع المكتبة عندنا في البيت


وده طبعا لان القراءة عشقي الاول والاخير


بس المشكلة اني وقفت قدام المكتبة وأنا في حيرة فظيعة


المكتبة نصها كتب في التاريخ ...ربعها كتب في الاعلام والدين...الربع التاني ادب بكل انواعه وروايات انجليزية ومجلات العربي


هاا.. بس..ايوة.. في رف فيه كتب سلسلة عالم المعرفة


اهاااااااا...ومشيت بصوابعي علي عناوين الكتب بتاعة عالم المعرفة لحد ما صباعي وقف علي كتاب اسمه


الفلسفة البيئية...من حقوق الحيوان الي الإيكولوجيا الجذرية


انا فاكرة اني قريته قبل كده ... ومعلمة علي صفحات جواه..وحاطة اسهم علي شوية فقرات عجبتني وكمان سابت وراها تساؤلات كتير


بس مفيش مانع اني استرجع اللي فيه من تاني


وطلعته ورحت اوضتي وقعدت استمخ فيه


ووصلت للصفحة رقم 118 ولقيتني حاطة سهم علي الفقرة دي


ويظل موضع ترقب إن كان هذا القادم الجديد قادرا علي البقاء بمقدار ما بقيت الأنواع الحية الاخري.لكن ثمة بالتأكيد فظاظة في الطريقة التي ينظر بها البشر شذرا نحو الحيوانات "الأدني" خصوصا تلك التي انقرضت . فمثلا،نحن نعدّ الديناصورات فاشلة بيولوجيا علي الرغم من أنها وجدت علي كوكبنا طيلة 65 مليون سنة . وقد عبر احد الكتّاب عن هذه النقطة بشكل مبسّط وجميل وقال


نتحدث أحيانا عن الديناصورات الفاشلة ، سيكون الوقت كافيا لإطلاق هذا الحكم عندما يمرّ علينا مجرّد عُشر مدة بقائها.




يا نهار أبيض... احنا فعلا كده ... طب وأنا مستغربة اوي ليه كده؟؟؟


اذا كنا احنا الدكاترة اللي بنعالج الحيوانات البشر اللي زينا بينظروا لينا نظرة دونية


وبيتقال علينا دكاترة بهايم..و..و...و..و


يبقي اكيد مؤكد فيه ناس فعلا شايفين ان الحيوانات دي اصلا مش من حقها انها تستمتع بالطبيعة معانا


وكأننا احنا بس اتخلقنا لوحدنا ع الارض دي ومش عايزين حد تاني من اي جنس اخر يعيش معانا


هو بمزاجنا؟؟؟




فقرة تانية في الصفحة اللي قدامها يعني الصفحة رقم 119 كانت بتقول


إذن ، في حال حدوث الفناء الشامل النهائي والمطلق لنوعنا البشري ( وهذا ما جلبناه بأيدينا؟ ) وإذا لم نحمل معنا جميع الاخرين إلي النسيان، فعندها لن يتمكن مجتمع الحياة علي الأرض من الاستمرار وحسب ، بل من المحتمل جدا أن ازدهاره سوف يتعزز . باختصار ، ان حضورنا ليس ضروريا ، فلو اتخذنا وجهة نظر مجتمع الحياة واعطينا الصوت لمصلحته الحقيقية ، فمن المحتمل جداااا أن نهاية حقبتنا ذات الانشات الستة ستكون موضع ترحيب عارم




هو طبعا اللي كتب الكتاب ده واحد اجنبي وهو عبارة عن تجميع لمقالات بتتكلم عن الطبيعة والبيئة فكون انه يتكلم عن الفناء للجنس البشري وكده ده عندهم عادي ... انا بس لفت نظري في العبارة دي انه فعلا لو تخيلنا... بفرض التخيل يعني.. اننا اختفينا معقول باقي الكائنات هتفرح اوي كده


الانسان دمر كتير اوي


وعذب كتير اوي


تفتكروا لو الكائنات اللي حوالينا دي امتلكت دلوقتي المقدرة علي الكلام والتعبير هتقدمنا للمحاكمة امام محكمة الطبيعة؟؟؟




اترك لكم الجواب




ـــــــــــــــــــــــــــــــــــــــــــــــــــــــــــ


الكتاب: الفلسفة البيئية .. من حقوق الحيوان الي الإيكولوجيا الجذرية


تحرير: مايكل زيمرمان


ترجمة : معين شفيق رومية


صادر عن سلسلة عالم المعرفة


22 comments:

لنحيا فى اجواء الحب said...

انا اول تعليق والا ايه

لنحيا فى اجواء الحب said...

طيب استمر بقى

لنحيا فى اجواء الحب said...

واللا بلاش لاحسن اجمل سفروتة تزعل

اولا ازيك دلوقتى وكمان كل سنة وانتى طيبة
ثانيابالنسبة للموضوع
اكيد واضح ان الانسان انانى جدا ومابيحبش الا نفسه
مع ان الغريبة ان احنا عايشين بسبب الحيوانات دى لان نفعها كبير فى السلسلة الغذائية
واللى انا متاكد منه ان احنا مجرد جزء من السلسلة نختلف بالعقل فقط
ولكن لا اظن ان غرور الانسان يسمح له بان يفكر فى ذلك
مع ان النبى قال"ولولا البهائم لم يمطروا".
دمتى مبدعة

منى سلام مصرى دائما

adel said...

ألبوست عاجبني قوي علي فكرة

وفعلا احنا بننظر نظرة دنيوية للحيوانات مع ان فعليا هما تكوينهم اعقد مننا و هما افضل مننا كمان
:):)

بالنسبة لو انقرضنا احنا هيفرحوا

يمكن صدقيني و يعملو عيد يسموه عيد انقراض الانسان

انا عهاجبني البوست ده قوي
يمكن عشان بحب الحيوانات
بس تصدقي عندي فوبيا من بعضهم
ههههههههه

دموع القمر said...

اولا كل سنة وانت طيبة

بصى كلنا عارفين ان الانسان من طبعة مخرب
يعنى لو الحاجة معدولة يعوجها ويقول لا كدا هى معدولة
وفيه ناس كتير ومبرحمش يعنى اقرب مثال الحمااار بصراحة بيتعذب اوى اوى اوى
دا بقى لو نطق مش عارفة هيقول ايه
ولو بصينا هنلاقى اننا اللى محتاجين الحيوانات دى اى نعم هى مسخرة علشانا بس مش نتعامل معاها بالقسوة دى

تخيلى لو كل الحيوانات انقرضت !!!!

http://hmasat-halema.blogspot.com

http://www.egyfanz.com/beta2/do-1363.html

اتمنى انها تعجبك

EMMY BABY said...

هههههههههههههههههههههههه

احم احم

كدة احنا البشر ممكن ناخد اعدام

فكرتينى بالبوست بتاع سيكووو يابت

بس تعرفى انا اكتشفت ان فى حيوانات واخدة حقها زى البيتس وحيوانات تانية متمرمطة زى الحيوانات الكبيرة وكدة

بس فعلا لو الحيوان قدر يكلم كان قال كتير

تحياتى على هذا البوست الرائع يابنيتى

ايمى

Tamer Alhosiny said...

عزيزتي سفروتة صدفة غريبة جدا لسة حالا
كنت بسمع حوار اذاعي بيتكلم عن هذا الموضوع
لكن من وجهة نظر مختلفة اسماها المحاضر ببابرنامج
التسخير
اي ان الله سخر الكائنات لان الانسان هو المميز عن باقي الكائنات بانه
صاحب الرسالة والمميز بالعقل والاختيار

فانا اعتقد انه في حالة فناء الجنس البشري ستنتهي الحياة علي كوكب الارض
لان الحياة نفسها صممت لهذا الاختبار

تخيلي نفسك في لجنة امتحان بعد تسليم ورقة الاجابة وظهور النتيجة
لن يكون للجنة الامتحان وجود

ههههههههههههه
ايه رايك في المثال ده
ده مش من البرنامج ده وجهة نظري

تحياتي
تامر الحسيني
انسان عاشق حر

blue-wave said...

مممممممممممممممممم
تصدقى خليتينى اول مرة افكر فى الموضوع دا؟؟؟

Dr.A.S. black armor said...

انا حاسس ان ده شىء اكيد ان الطبيعة تفرح لو انقرضنا لاننا اكتر جنس استنزف الطبيعة بشكل همجى
مع ان احنا لو بصينا قد ايه الدين الاسلامى دين منسجم مع الطبيعة
وكل الموجودات اكيد هانغير سلوكيتنا
دمتى بكل الود

♥ Am fOpa'D ♥ said...

يا مرحباااا بيكي يا نوري,,,

بجد بوست عجبني جداً مش عشان تخصص حيوانات او دكاترة بهاايم :D
او حتى عشان فلسفة وبحب حاجة اسمها فلسفة...:D

لاء عشان فعلا وااضح ان مقاطع الكتااب جميلة
نظرتنا للحيوانات بوجهة دنيئة عشان هم ادنى او عشان اول الخلق كان انسان
على الرغم من كده احنا بنتعلم من الحيوانات الفاشلة بحادثة الغراب وقابيل وهابيل
وفعلا الديناصورات الي ذكراها او اثاراها مازلت معمرة حتى الان ول تتحلل عظامها
اما نحن الي عظامنا مغمورة بالميدات والكيماويات مش هتسيب اثر خااالص

بالنسبة لاجابة سؤالك,,,
لو امتلكت القدرة على الكلام عشان تعبر بيه عن احساسها الروحي بالعذاب او حتى بالنظرة الدنيئة
دي ابسط حق ليها ان نتقدم للمحاكمة


بس برده حكمة الخلق ان يكون احدنا عاجز عن التعبير ومعندهوش العقل ليستوعب ذلك
بس عنده نفس بتستعجب ذلك


دمتى يا بنت مبدعة انتي وبوستاتك,,,
:)

mohamed ghalia said...

معاكى حق
نظرتنا للحيوانات غريبة جداااااااا
والى يغيظ اكتر انى النظرة دى اتنقلت حتى فى الطب
اعرف ناس دخلوا علوم ومرضيوش يدخلوا بيطرى عشان مش يتقال عليهم دكاترة حيوانات

ليس فقيرا من يحب said...

السلام عليكم

حلو الموضوع يا سفروته

كل سنه وانتى طيبه يارب

رمضان كريم

سفروتة said...

لنحيا في اجواء الحب
...................
ههههههههههههههههههههههه
سياسة شعب السفاريت تقبل الاحتلال
بشرط تبادل المنفعة
هههههههههههههههههه
شكلي هيست

المهم
منور يا محمد والبيت بيتك وتامر امين وخيري رمضان وكله كله يعني

كل سنة وانت طيب

عندك حق في كل اللي قلته
بس مش كل البشر بيفكروا كده للاسف

ولك مني ايضا سلام مصري
دمت بخير
:)

سفروتة said...

adel
......
ربنا يخليك يا عاااااادل

هههههههههههههههههههههه
تصدق حلو عيد انقراض الانسان ده
هو بيبقي امتي؟؟
:D

هههههههههههه
يا عادل البوست تحت امرك
اتفضله يا سيدي
ومعاه خط فودافون هدية
ها ايه رأيك
عرض محصلش
:D

منور يا عادل
دمت بخير
:)

سفروتة said...

دموع القمر
...........
وانتي طيبة يا قمر

حلو اوي اخر جملة في التعليق
تخيلي لو الحيوانات انقرضت
فعلا احنا ممكن نعمل ايه ساعتها

ربنا خلق كل حاجة لحكمة معينة
مينفعش نيجي احنا ونبوظ الدنيا

ميرسي ليكي بجد
ونورتيني ودايما منورة
دمتي بخير
:)

سفروتة said...

EMMy BABY
...........
هههههههههههههههههههههههههههه
اعدام مرة واحدة
تصدقي ده حكم قليل والحيوانات كده تبقي رأفت بينا

علي فكرة يا ايمي مش كل الحيوانات الاليفة واخدة حقها
في جزء برضه بيشهد قسوة الانسان
يا بنتي بنو البشر مش مخليين حاجة

منورة يا فندم
دمتي بخير
:)

سفروتة said...

Tamer Alhosiny
.................
اهاااااااااا ما انا سمعت البرنامج
:)


تخيلي نفسك في لجنة امتحان بعد تسليم ورقة الاجابة وظهور النتيجة
لن يكون للجنة الامتحان وجود
ـــــ
عجبني اووووووووووووي المثال ده
هو انا بس كنت بتخيل اننا لو انقرضنا باقي الكائنات فرضا يعني ممكن تعمل ايه

لكن طبعا كلنا عارفين انه بفناء بني الانسان ستفني الحياة من علي الارض

نورت يا تامر
دمت بخير
:)

سفروتة said...

blue-wave
..........
:)
ايه يا دكتور
هتفضل تفكر كتير كده
عايزين حلووووووووول

منور يا دكتور عمرو
ويارب دايما
دمت بخير
:)

سفروتة said...

Dr.A.S. black armor
.....................
مع ان احنا لو بصينا قد ايه الدين الاسلامى دين منسجم مع الطبيعة
وكل الموجودات اكيد هانغير سلوكيتنا
ــــــــــــــ
بجد عندك حق في الكلمتين دول يا دكتور
فعلاااااااااااااااااااااااااا

ربنا يهدينا بجدددددددد

دم بكل الخير
:)

سفروتة said...

♥ Am fOpa'D ♥
...............
مرييييييييييييييييييييييييييييم
بجد انا قريت تعليقك اكتر من مرة
حقيقي استمتعت بيه اووووووووووووووي



بس برده حكمة الخلق ان يكون احدنا عاجز عن التعبير ومعندهوش العقل ليستوعب ذلك
بس عنده نفس بتستعجب ذلك
ــــــــــــــ
والله انتي اللي مبدعة بجددددددددددددددددددددددددددددد

دمتي بكل الخير يا مريومة
:)

سفروتة said...

mohamed ghalia
................
نفسي النظرة دي تتغير بجددددد

لاننا كلنا في النهاية مخلوقات
وكل مخلوق فينا مسخر لحكمة معينة

دمت بخير
:)

سفروتة said...

ليس فقيرا من يحب
...............
وعليكي السلام

ربنا يخليكي يارب

كل سنة وانتي طيبة

دمتي بخير
:)