Sunday, August 9, 2009

حدث في حياتي


اولا : بجد بجد بجد بشكركم جدااااااااااااااااااااااااااااااااااااااااااااااااا ووالله مش عارفة اقولكم ايه يا أحلي اخوات

الحمد لله ماما خرجت من المستشفي امبارح ورجعت البيت بالسلامة

بجد متشكررررررررة اوي ليكم كلكم ولكل اللي سأل علي ماما سواء بالتليفون او ع الايميل او في المدونة

وربنا يخليكم ليا يااااااااااااااااااااااااااااارب

يا احلي اخوات


ثانيا : البوست ممكن يكون طويل شوية

ممكن تحسوه ملخبط

ممكن يكون بالنسبة لبعضكم مش ذو اهمية او مش هيقدم جديد

بس هو بالنسبة لي مهم اوي

وتأريخ لحدث مهم اوي في حياتي

وبعد اذنكم يعني انا لازم أأرخه هنا في المدونة


ــــــــــــــــــــــــــــــــــــــ

الفترة الاخيرة يعني نقدر نقول من سنتين كده

بدأت تتواجد احداث في حياتي اثرت فيا اوي

انتبهت ليها جداااااااا

يمكن عشان بدأ تفكيري يكبر ومداركي توسع انتبهت للاحداث دي

بدأت اشوف كل حدث بمنظور مختلف

لو كنت في سن قبلها مكنتش فكرت فيه بالطريقة دي


طب بيطري ..كانت حدث... ومازالت لانه كل يوم تفكيري بيتغير

اسـرة سمـارت فيـت .. حدث

ايمي بيبي .. حدث

راديو كام..اللي سبته من اسبوعين.. حدث

التدوين..اكبر حدث

تجربتي مع الكتابة الساخرة.. حدث

هو .. حدث

مركز البيوتكنولوجي.. حدث وحدث مهم جدا كمان

سفروتة نفسها .. بعتبرها حدث بحس انها حاجة مستقلة عن نوران ليها وقت لازم تظهر فيه ووقت لازم تختفي فيه ههههههههههههههه محدش يقول عليا اتجننت


لكن فيه حدث مختلف اوي .. كان نفسي اعيشه من زمان..بس ياتري كنت هحس بيه اوي كده لو حصل من زمان؟؟


ام ميناس


الحدث بدأ في

الاربعاء 5 - 8- 2009

غرفة 642 بمستشفي معهد ناصر


بابا : نوران دي ام ميناس.. من غزة بلد الابطال

نوران : اهلا وسهلا .. نورتوا مصر

ام ميناس : مصر منورة بأهلها

بابا : تخيلي يا ام ميناس نوران في سنة كام.. رايحة رابعة طب بيطري.. واللي يشوفها ميقولش عليها كده

نوران : ههههههههههههههههه خلاص يا بابا لازم بقي الفضايح دي في كل حتة


وضحكنا كلنا ودخلت ميناس وعرفت انها رايحة تالتة ثانوي قسم ادبي وشكلها هي كمان ميقولش عليها انها في ثانوية عامة خاااااالص ...سفروتة كده زيي


ام ميناس : لكن ليش ما دخلتي طب البني ادمين .. كنتي بقيتي طبيبة للبني ادمين احسن وعالجتي ماما

نوران : ههههههههههههههههه والله هي حكاية طويلة .. بس علي فكرة الطب البيطري برضه مجال لذيذ


ام ميناس جاية عشان تعالج بنتها ميناس عشان عندها حصوة في الكلي وبتعملها هنا تفتيت وبقالهم شهر في مصر المفروض كانوا يسافروا في اليوم ده اللي هو الاربع بس المعبر اتقفل وملحقوش يسافروا ومنتظرين انهم يمشوا الاربع الجاي


مكنتش متخيلة اني ممكن اقابل حد وجها لوجه من فلسطين وكمااااان من غزة ... يعني المعايشة للضرب والحصار والنار والصواريخ ... يعني المعاناة بمعناها المر


كنت بتمشي في الاوضة من كتر الزهق .. بعيد عنكم زيارات المستشفيات لا تحتمل اكتر من نص ساعة .. بس بابا كان سابنا ومشي عشان معاه شغل وانا واخواتي كنا مستنيين عمي يجي ياخدنا

ام ميناس كانت قاعدة علي شنطة كبيرة اووووي كان فيها الاغراض بتاعتهم

وانا بتمشي كده عيني جات في عينها فابتسمت ليها ابتسامتي المعهودة(يعني الابتسامة الهادية الخجولة)فشاورت لي بايدها اني اجي اقعد جنبهااا

قعدت وبدأت لحظة الاستجواب

هههههههههههههههههههههههههههههههههه بقول محدش يقول علياا مجنونة


نوران : فلسطين حلوة؟؟

ام ميناس : اي حلوة فَلَسطين .. بس اليهود الله ياخدهم ما مخلين شئ... غزة جزء صغير من فَلَسطين..نحنا ياللي ساكنين بغزة بيقولوا علينا المهاجرين ..اليهود واخدين فَلَسطين كلها ليهم

نوران : اهااا..طيب هو الاحداث الاخيرة اللي حصلت دي كانت يعني ........ وقبل اما اكمل لاني بصراحة مكنتش عارفة اكمل هي اتكلمت

ام ميناس : نحنا كنا في وسطها..وسط الضرب والنيران..كنا بنام ونقول انه ما رح نصحي تاني .. بتبقي نايمة وخايفة ليجي عليكي صاروخ.. بتعرفي نحنا ولادنا كلهم بيشتغلوا في المقاومة ..ما نتمني غير الشهادة .. صار لنا اكتر من 60 سنة محتلين مو معقول اننا نترك القضية وفَلَسطين لليهود هيك... نحنا بنعرف انه مارح تنتهي الحرب الي يوم الدين بس احنا بنقاوم ورح نضل نقاوم

نوران : والله انتوا فعلا ابطال انكم صامدين وسط الضرب والنار ... بس انا بجد نفسي اعرف يعني هو عندكم هناك فيه بيوت كده وعمارات زي هنا ومحلات وكده يعني؟؟ اصل انا بصراحة مش بشوف في التليفزيون غير حاجات مهدومة وبيوت واقعة وكده

ام ميناس : ابتسمت وقالتلي .. اي عندنا زي عنديكم بس اليهود ما بيخلوا شئ .. اي حدا بيبني بيت او مصنع او يعمل تجارة بيخربوها .. اشجار الزيتون والبرتقال كل ما نزرع اشي بيقلعوه اليهود.. صرنا نعاني من نقص بالادوية والغذاء ... الطفل عندنا ما بيعرف ايش طفولة .. ايش يرفه عن نفسه ولا بيفكر انه يلعب حتي ..عايشين بخوف منتظرين بأي لحظة انه ينضرب علينا صاروخ او البيت ينهد

نوران : اااه... دول بيضربوا المدارس كمان بجد ربنا ينتقم منهم ذنبهم ايه الاطفال يعني

ام ميناس : ما عندهم رحمة .. ما بيفرقوا ما بيعرفوا .. اي حدا مستهدف وبيته بيكون جنب مدرسة المدرسة بيقصفوها هي كمان... بتعرفي نحنا ما عندنا كلية طب .. اللي بدوا يدرس طب بيسافر ع برا يروح امريكا روسيا مصر باكستان وفيه منهم اللي بيرجع وفيه اللي ما بيرجع

وبعدين جبنا في سيرة عباس وفتح وحماس .. وشوية شوية دخلنا في موضوع الفساد بس لميت نفسي وقلت خليني ساكتة بدل ما افتح في الكلام واروح في الرجلين

علي الساعة سبعة كده كنت بقاوم النوم بس مقدرتش وقمت سندت كده بايدي علي شنطة الاغراض بتاعة ام ميناس ونمت ومحسيتش بنفسي

ولما صحيت قالتلي

ام ميناس : هيك يا نوران انتي كأنك رحتي ع غزة وجيتي... نحنا بنام في المعبر هيك علي شنط الاغراض باليومين والتلاتة منتظرين فتح المعبر

نوران : كان الله في عونكم بجد


وبعدين عمو جه اخدنا وسلمت عليها وعلي ميناس بس نسيت اخد رقم تليفونهم

لما ماما رجعت قالتلي انهم اخدوا رقم التليفون عشان نطمن عليهم من وقت للتاني وبابا كمان كتبلهم عنوانا عشان يزورونا قبل ما يسافروا

بجد نفسي اشوفهم تاني اوووووووووووووووووووي


ميناس دي حتة سكرة

والام في عينيها نظرة الفلسطينية اللي نفسها ترجع بلدها وارضها ...نفسها تنام وهي مطمنة ...نفسها تعيش هي وولادها زي ما شايفة المصريين عايشين(مع انها متعرفش اللي فيها والفساد المهبب اللي هنا اللي العن من الاحتلال)بس برضه بقول الحمد لله اننا كفاية بنام واحنا مطمنيين انه مفيش صاروخ هيجي علينا

كانت مفاجأة ليا اني اشوف حد من فلسطين

كنت مبسوطة اوي بكلامي معاها ونفسي اسمعها تاني وهي بتحكيلي عنهم

حسيت من كلامها اني مسؤولة

لازم اعمل حاجة عشانهم وعشان فلسطين

عايشين وسط هم كبير اوووووووي

اليهود مسممين عليهم عيشتهم

فعلا كان الله في عونهم


انا اتكلمت مع ام ميناس كتير اوي

بس حبيت انقل المشهد العام للي حصل
يعني ده جزء بسيط اووووووي من رغيي معاها


ونأسف للرغي الكتير اللي رغيته

(وش مكثوف)

دمتم بخير


41 comments:

مسدس صغير said...

الحمد لله ان ربنا خرج ماما بالسلامة
ونسأل الله لها الشفاء العاجل شفاءً لا يغادر سقما
فلولا العذر لشنقناكى رميا بالرصاص
ههههههه
احييكى على البوست وكل سنة وانتى طيبة

adel said...

اولا حمدالله علي سلامة ماما
واحداث كتيرة الصراحة
سسيبتي كام ليه ؟؟؟

الشاعر الحزين said...

الحمد لله طبعا على سلامة ماما

ويارب يكمل شفاءها فى أسرع وقت

وطبعا الحديث شيق جدا بالرغم من الألم اللى فيه

لكن أكيد استفادتى كتير من الحوار

دمتى بالخير

ليس فقيرا من يحب said...

السلام عليكم

كل سنه وانتى طيبه يا حبيبتى

وحمد الله على سلامه ماما

بوست جميل

تقبلى تحياتى
فى حفظ الله

EMMY BABY said...

حمد الله على سلامة مامتك يا نوران

بالنسبة للبوست انا عمالة اعيط والله حاسة انى مخنوقة اوى بجد انا مش بستحمل كدة وعلشان كدة مبحبش اشوف الاخبار

ربنا ينتقم منها ويحرر الاقصى وفلسطين

كنت بحلم دايما اموت شهيدة وانا بحرر الاقصى

بجد الموقف مؤثر اوى جالك نفس تنامى بعضها يا شيخة هى دى سفروتة

تصدقى اول مرة اعرف انى حدث مهم فى حياتك وياترى اثرت عليكى ازاى ؟؟؟

انتى اعقل سفروتة شفتها فى حياتى على الفكرة مينفعشى البوست ده ميهمش حد لانه مهم لكل مسلم حاسس انه مفروض يعمل حاجة

تحياتى

ايمى

smilyrose said...

سفروته

الحمدلله ان ماما بخير

وبصحه جيدة ويارب يتم شفاؤها على خير

وبجد انتى من الناس اللى حبيتهم فى

التدوين او على الفيس توك

وبجد دايما معا

dalia said...

"وش فخور اوى بيك"

Darsh said...

ألف سلامة على مامتك ده أولا طبعا

أما بخصوص ام ميناس فدي حظها كويس انها قدرت تيجي تجيب بنتها تتعالج

انا بيتهيألي فيه آلاف هناك ما بيعرفوش يعدوا ييجي يتعالجوا عندنا من قطاع غزة

اما بتوع الضفة الغربية فدول مش عارف لما بيحبوا يتعالجوا و الامكانيات مش مساعداهم بيروحوا فين

و الله فعلا ربنا يكون في عنهم :(

Eno said...

حمد الله علي سلامه ماما ياسفروته
ربنا يفرج كرب اهل فلسطين ويفك حصارهم
سؤال في ودنك بأه مين >> هو؟:)))

لنحيا فى اجواء الحب said...

مرحبا بعالم السفاريت
اولا حمدالله على سلامة ماما
هقولك على حاجة

احنا عايشين جوا دايرة فيها فتحة صغيرة كل مانكبر شوية الفتحة دى توسع شوية
ساعات المشاكل والافراح بيقونا ان احنا نشوف اكتر الحياة ماشية ازاى

ربنا يوفقك

منى سلام يااجمل سفروتة

مصرى دائما

لنحيا فى اجواء الحب said...

اللهم حرر الاقصى ممما هو فيه

اللهم اعطنا القوة لمواجهة انفسنا قبل اليهود

طوبة ذهب وطوبة فضة said...

7amdllah 3la slamt mamtk ya amr wrbna m3a am menas wokl el flastnen wm3ana fl wslna lo

كيــــــــــــارا said...

الف حمدالله علي السلامه لطنط وربنا يكمل شفائها علي خير

adel said...

تجوبيني علي موضوع كام بقي وليه سبتيها ؟؟؟

قشطة و قوليلي علي المدونة عندي عشان اشوف الرد

adel said...

رديت عليكي و مستنينك قريب
:):)

adel said...

رديت عليكي و مستنينك قريب
:):)

Dr.A.S. black armor said...

الحمد لله ان ماما رجعت بيتها بالسلامة
ربنا يديم عليها العافية
اما البوست فاكيد ده جزء صغير من هم كبيييييير بيعيش فيه اخوانا كل يوم بس زى ما قلتى المهم نفكر ممكن نساعدهم ازاى
وان كنتى بتقولى اننا امنين فى مصر فده شىء مش مستمر لو فضلت الحالة كدة لان اليهود لو قدروا يبلعو اللى باقى من فلسطين مش هايسيبوا حد فى حاله
دمتى بخير

سفروتة said...

مسدس صغير
...........
الله يسلمك يا ابو صلاح
امين يارب
هههههههههههههههه
متقدرش تشنقني يا ابو صلاح

وانت طيب يا فندم
دمت بخير
:)

سفروتة said...

adel
.......
الله يسلمك مسيو عادل
ههههههههههههههههههههههههههه
انا كلت احداث في النص والله عشان متزهقوش
هما كتير
بس دول اهمهم طبعاااااا
وكام بقي انا قلتلك هنااااااك عند الحكومة
:D

سلامات
ودمت بخير
:)

سفروتة said...

الشاعر الحزين
..............
الله يسلمك يا فندم
بجد متشكرة اوي
امين يارب العالمين

اهااا انا كنت مستمتعة بكلامي معاها
يكفي انها بتتكلم لهجة غير لهجتنا دي في حد ذاتها حاجة اول مرة تحصلي

دمت بكل الخير
:)

سفروتة said...

ليس فقيرا من يحب
.................
وعليكم السلام
وانتي طيبة وبألف خير
الله يسلمك يا فندم
ميرسي اوي

ربنا يخليكي
لكي كل التحية
في حفظ الله

سفروتة said...

EMMY BABY
.............
لله يسلمك يا احلي ايمي في الدنيااااااا
اااااااااااااه يا ايمي انا كنت قاعدة بجد ومش عارفة اعملها ايه
انتي لو كنتي قاعدة معاها بقي
كنتي عملتي ايه

هههههههههههههههههههههههههههههه
الا النوم مبعرفش اقاومه خاااااااااااااالص

اه طبعا سيادتك حدث
وعرفتي ليه انك حدث امبارح
ثح ولا مو ثح
:D

دمتي بكل الخير ايمي
:)

سفروتة said...

smilyrose
.............
الله ليكي وحشة كبييييييييييييييييييييييييييييييرة اوووووووووووووووووووووووي يا بنت يا سمايلي

يارب يا روز يارب
ربنا يخليكي يا بنيتي

وانتي كمان والله وربنا يعلم انتي من الناس اللي بحبهم قد ايه
وبتنوري الستاتيس بتاعتي ع الفيس والله بكلامك الرقيق يا ثكر انتي

وان شاء الله معا دااااااائما

تحياتي يا ثكر
دمتي بخير
:)

سفروتة said...

dalia
.......
"وش مكثوف اوي بجد"

ربنا يخليكي يارب يا داليا
ودايما كده منوراني

دمتي بخير
:)

سفروتة said...

Darsh
........
الله يسلمك يا درش

عارف يا درش معهد ناصر مليان فلسطينيين جايين عشان يتعالجوا
ام ميناس بتقولي انهم معندهومش داترة هناك
وعندهم نقص في الادوية كمان
بجد كان الله في عونهم والله

ربنا ينصرهم علي اليهود يارب

نورت يا درش
دمت بخير
:)

سفروتة said...

Eno
......
الله يسلمك يا اينووووووووووووووووووو

امين يارب العالمين
ربنا يفرج همهم وكربهم يارب

اما بقي بخصوص السؤال
فهو ده يبقي هو
:D

نورتي يا قمرررررررررررررر
دمتي بخير
:)

سفروتة said...

لنحيا في اجواء الحب
.....................
عالم السفاريت يرحب بكم يا فندم
:)

الله يسلمك
متشكرة اوووووووي

صح عندك حق في اللي قلته

وربنا يفك كرب اهل فلسطين يارب

كل التحية
دمت بخير
:)

سفروتة said...

طوبة فضة وطوبة ذهب
....................
الله يسلمك يا دهب يا ثكرررررر
امين يارب العالمين

نورتي يا كتكوتة
دمتي بخير
:)

سفروتة said...

كيااااااااااارا
.................
الله يسلمك يا كركورة
يااااااااااااااارب يا بنيتي

نورتي يا ثكر
دمتي بخير
:)

سفروتة said...

adel
......
تمام يا فندم
انا جاوبت هناك
وكله تماااااااام

:)

سفروتة said...

Dr.A.s.black armor
.....................
لله يسلمك يا دكتور

عندك حق ده جزء صغير اوي
انا حسيت الهم واملعاناة في عينيها بجدددددددددددددددد
ربنا كون في عونهم

وربنا يستر علينااااا

نورتني يا دكتور
دمت بخير
:)

mohamed ghalia said...

كل سنة وانتى طيبة
وحمدا لله على سلامة ماما
جميل أوى إنى يكون فى نقاط مضيئة ونقاط تحول بالشكل ده فى حياتنا
فرصة حلوة أوى بجد انك تقابلى حد من فلسطين يمكن ده يهون عليه
دمتِ فى سعادة

الازهرى said...

لالالالالا
بقى ايمى حدث
يا بنتى دى هيئة الأحداث كلها

بصى بقى
فى كلمتين هنا
الأولى بخصوص انك تأرخى عن حياتك ودا فى رأيي شىء جميل كنت أنا نفسى مفتقده جدا يعنى على الرغم من نشاطاتى من زمانى صعب تلاقى عندى صور
كلها عن اصحابى ومانعين عنى اخدها

والتانيه بخصوص فلسطين
فعلا فى ناس كتير مجاهدين هناك وربنا يكون فى عونهم وكتير مننا بيحاول يساعدهم على مقدار ما ربنا يقدره
لكن برضه فيه فساد وبيبقى غالبا فى السلطة مش فى الشعب

طولت عليكى انا كمان

ألف سلامه للوالدة الغاليه
وبلغيها سلامى
وكل سنه وهى وانت ووالدك وكل احبابكم واصحابكم طيبين وبخير وسلام

زهرة الحب said...

السلام عليكم

بصراحه مدونتك جميله ورومانسيه اوى

وحمد الله على سلامة والدتك

اتمنى ان تشرفينى فى مدونتى المتواضعه

♥ Am fOpa'D ♥ said...

الحمد لله يا نوري,,,حمد لله على سلامة ماما
ربنا يخليها ليكي وخليكي ليها ياارب

حلووة احداث حياتك,,,وخااصة ما يتعلق بيبطري
طبعا حقك يتغير كل يوم فكرك ده كل ثاانية يا بنتي
:d

بالنسبة لام مينااس والقضية الفلسطينية
مهما نقلتي مش هيتوفي العذاب الي عايشين فيه
او حتى مشاعرهم الي حاسينها على بلدهم
الفرق بينا وبينهم بالفعل ان احتلالهم بدمار يهودي واحتلال باسلحة مادية
اما مصر بلدنا العزيزة محتلة فكرية والي محتلينها مننا

لك الله يا أمة!!!

كل سنة وانتي طيبة يا نوري

سفروتة said...

mohamed ghalia
................
وانت طيب يا محمد
الله يسلمك...متشكرة اووووي

واكيد فعلا لقائي بأم ميناس كانت نقطة حلوة اوي في حياتي وعمري ما هنساهم

نورت يا محمد
دمت بخير
:)

سفروتة said...

الازهري
........
تؤتؤتؤتؤتؤتؤتؤ
وبعدين بقي
متغلطش في ايمي كده تاني مرة
وانت عارف بقي انها هي اللي بتصرفلك معاشك كل شهر ...شوف بقي لما تعرف انك قلت عليها كده شوف مين هيروح يصرفلك معاشك
(وش مطلع لسانه)

اما بخصوص الكلمتين
الكلمة الاولي
بقي ياازهري مش عارف تاخد صورك من صحابك
وعاملنا فيها ابو المقالب هنا في بلوجر
مش مصدقة خاااااالص
:D

الكلمة التانية
هو الفساد مش غالبا في السلطة
لا ده اكيد في السلطة
وانا وام ميناس اتناقشنا في الموضوع ده علي فكرة

يا خبر يا أزهري انت تطول براحتك
علي الاقل تعوض النقص اللي عندنا في المملكة بشان مسألة الطول دي
:D


الله يسلمك يا فندم
والسلام وصل
وبتقولك الله يسلمك
وانت بالصحة والسلامة
ورمضان كريم

دمت بخير
:)

سفروتة said...

زهرة الحب
..........
وعليم السلااااام
ربنا يخليكي يااااااااااااارب
الله يسلمك
وان شاء الله هكون عندك

نورتيني ونورتي حبة صمت
دمتي بخير
:)

سفروتة said...

♥ Am fOpa'D ♥
................
الله يسلمك يا مريومة
ربنا يخليكي يارب

اما عن بيطري فيا بنتي احنا بنغير فكرنا كل ساعة مش كل يوم

عندك حق في كلامك عن القضية الفلسطينية

كل سنة وانتي طيبة يا مريومة
دمتي بخير
:)

Selfmeaning said...

حمد لله على سلامة مامتك

سفروتة said...

Selfmeaning
.............
الله يسلمك يا سيلف
ربنا يخليكي
متشكرة جداااا

نورتيني
:)