Tuesday, July 21, 2009

تلاتة مستفزة وتلاتة فرستني


تلك المواصلة اللعينة

(الميكروباص)

وخاصة تلك الكنبة الخلفية التي دائما ما تقترن بهذه الجملة

(اربعة ورا يا أفندية؟؟؟)


من هذه الكنبة كان هذا الموقف المستفز بكل معاني الكلمة


انا وصديقتي (ايمان نبيل... دي علي فكرة غير ايمي بيبي)كنا مدعويين لحضور محاضرة بعنوان نحو حياة افضل وكان المحاضر ولد زميلنا في الدفعة ... يعني الموضوع كان شبيه بالعروض الخاصة للافلام السينمائية

المكان كان في المنيل

السيد محمد جمال زميلنا تكرم ووصفلنا نركب ازاي من الجيزة

هنركب ميكروبااااااص السيدة عيشة

ماشي ... تمام وزي الفل ومعترضناش


ركبنا الميكروباص ولحظنا العاثر انه كان فيه مكانين فقط فاضيين وفي الكنبة اللي ورا خالص

كان قاعد راجل علي طرف الكنبة وواحدة ست قاعدة علي الطرف التاني

يعني المكانيين الفاضيين كانوا فين؟؟ في النص ما بينهم

طيب مفيش مشكلة احنا هنيجي ناحية الست شوية والراجل كان محترم بصراحة ولزق في الشباك

الست الحلوة الامورة بقي قالت لنا ايه؟؟

ايه مالكم كده ما تدخلوا شوية انتوا خايفين ولا ايه ولا انتوا من الحزب اللي بيقول ان اللي يقعد جنب الرجالة يخش النار؟؟

وصوتها كان عالي جدااااااااااااااااااااا

والعربية كلها رجالة اساسا

كنت هموت وارد عليها بس للاسف عِرق الاحترام نقح عليا واحترمت سنها وان العربية كلها كمان رجالة

وسكت وحطيت جذمة قديمة في بقي

ولما العربية وصلت لنهاية كوبري عباس

ايمان بتقول للسواق

ايوة علي جنب لو سمحت

قامت الست اياها الحلوة الامورة دي قالت ايه

كمان اسمها لو سمحت؟؟؟؟؟ علي صوتك شوية يا ماما وقوليله علي جنب


والله بجد انا كنت ماسكة روحي من الضحك بالعافية ولساني كمان

بجد كان نفسي اديها كلمتين محترمين

بس اعمل ايه في عِرق الاحترام اللي نقح عليا ساعتها ده


بجد انسانة مستفزة
مستفزة
مستفزة

تلاتة مستفزة


المشكلة اننا مش مضايقينها في القعدة

لاننا اصلا رفيعين


..........


في كده ناس دايما يحبوا يعملوا لنفسهم شوو في اي حتة

وبأي طريقة

طب طالما هي بتكره حزب اللي يقعد جنب الرجالة يخش النار(حزب عجيب بصراحة واول مرة اسمع عنه) مقعدتش بقي جنب الراجل ليه؟؟؟؟؟؟؟؟؟؟؟؟

فرستني

فرستني

فرستني

تلاتة فرستني


45 comments:

الازهرى said...

أول تحية لكوكب السفاريت العام

الازهرى said...

وكمان تانى تحية

الازهرى said...

هى لو ايمان فى نفس حجمك
يبقى يعتبر الكرسى الاخير برضه تلاته راكب بس
انتم الاتنين بنفر واقل كمان

المهم الحزب ده كويس وجميل ومحترم
لكن نشأ فين ؟ وامتى ؟

المهم لو لقيتى اى حد بيحب الاستعراض طنشيه وانتى الكسبانة لانهم فى الاغلب فارغين داخليا ومش هتستفيدى اى حاجة منهم

ويعنى لازم تتعلموا اقعدوا فى البيوت أحسن

الازهرى said...

وعلشان تلاتة بتستفزك
أخد الرابع

walaa gobashy said...

والله معاكي حق
اما هي مش من الحزب ليه مفعدتش جنب الراجل؟؟؟
يمكن كانت من الحزب الجديد اللي بيقولوا عنه ده

هو كان اسمه ايييييييييييييييه ؟؟
اه اسمه حزب اللي يدخل في اللي مالوش فيه يكسب
علي فكرة ده حزب ممتااااااز واعوانه كتييييييييييير ويظهر كده لو دخل في الانتخابات هيكتسح ويسوووود ويبقي الحزب الحاكم في بلدنا
تحياتي

MǿиY El-Shreef said...

احم احم

يادي الميكرو باظ الي تاعب كل الناس

انا كرهت المواصله دي والله من كتر ماسمعت عنها ههههههه

وايه الست العجيبه دي دانا فرستني 5 مش تلاته بس :D

ايه الجنان ده

سيبيها دي هي الي منضمه لحزب احشر مناخيري ف كل حاجه ههههههه

مووووووووواه

EMMY BABY said...

ههههههههههههههههههههههههههههه

والله انا بتحصل معايا مواقف من دى بالهبل

بس حقيقة ست مستفزة فعلا

اتارى كل لما اقول للسواق على لو سمحت هنا الاقى اللى فى الميكروباص بيبصولى انى اجنبية ههههههههههه عرفت السر دلوقتى فى لو سمحت

هو ازهرى ماله محتل الكومنتات كدة ايه الظلم ده

mohamed ghalia said...

ههههههههههههههههه
يابنتى متشغليش بالك اساسا
احنا بنشوف فى المواصلات دى عجب عجاب
يلا كبرى عباس نور
هههههههههههههههههه

طوبة ذهب وطوبة فضة said...

m3lsh fe nas t5noa kda a7sn 7aga ank mardtesh 3la el sh5sya el t7ra el dm de fkrteny bl giza wlsayda 3esha

romansy said...

اربطوا الاحزمه
وسدوا ودانكوا احنا الان فى مملكه سفروته

romansy said...

على فكره كده شكلكم ضايقتوا الست الاموره دى وشكل كده نص ستات مصر هتدخل النار وبعدين هى كمان خايفه تدخل النار علشان كده قعدت جنب الشباك التانى
وبعدين كويس انك اتفرستى بقى وان فيه حد خد بتار الحارسالغلبان اللى انضرب عندكم

لنحيا فى اجواء الحب said...

اولا بعد السلامات والذى منه مدونتك رائعةجدا جدا جدا ونظامها شيق جدا ودى كانت اول زيارة ومش هتكون الاخيرة نرجع لموضوعنا احمد الله انى لم اكن من اهل المدن ولكنى من احدى القرى والتى مازالت فيها الحياة هادئة اجى من الكلية اروح ورشتى وبالليل النادى وليس فيها دوشة الميكروباسات لانها كتير والناس قليلين وباتالى مافيش زحمة ولا اتعرض لهذه الزحمة الا عند الذهاب للكلية وبالتالى ربنا معاكوا ومنى سلام مصرى دائما

Tamer Alhosiny said...

مجرد تصحيح املائي

قل
هنركب ميكروبااااااص السيدة عائشة
ولا تقل
هنركب ميكروبااااااص السيدة عيشة

تحياتي
تامر الحسيني

علي فكرة لسة هعلق دي بس ملاحظة سريعة

كيــــــــــــارا said...

هههههههههههههههههههههههههههههه


سيبك انتي كله الا 3 فرستني

هههههههههههههههههههههههههههه

موتيني من الضحك

بنشوف من النوعيات دي كتير كبرررررررررري

سفروتة said...

ازهررررري
...........
بداية كل السفاريت بيشكروك علي التهنئة الكريمة وكمان علي تخليصهم من عقدة رقم تلاتة
واحتلالك لاربع تعليقات في المدونة
وبكده نحب نقولك انك فزت معانا بالجائزة الكبري







































مثــــــــــــاثــــــــــــــــة بالفراولة
طعمها لذيذ
:D


ام هند
علي فكرة بقي الكرسي كان اربعة مش تلاتة
هههههههههههههههههههههههه
سبحان الله كنا واخدين حيز من الفراغ
:D

فعلا احلي حاجة التطنيش والله بتجيب نتيجة هايلة واتضح ان الاوفر دوز مش بتعمل توكسيستي
:D

اما بقي الجملة الاخيرة دي هعتبر نفسي مشفتهاش خااااااااااااااااااالص وهطنشششششششششش
هههههههههههههههههههههههههههههههههههههههههههههه


نورت يا فندم
دمت بخير
:)

سفروتة said...

walaa gobashy
...................
بس هي للاسف كانت فاهمة الحزب بتاعها غلط لانها مكسبتش ولا حاجة
بالعكس اعتقد ان كل راجل في العربية اتريق عليها من جواااه وقال عليها مجنونة
او ربنا يشفيها
اصل ملهاش غير كده

نورتيني ولاء في اول زيارة
دمتي بخيررررررررر
:)

سفروتة said...

MǿиY El-Shreef
................
مووووووووووووووووووووووووووني
يا اهلا يا اهلا

ههههههههههههههههههههههههههه
بكرة تيجي مصر وتركبيها يا منمن
متستعجليييييييييييييييش

نورتيني يا ثكرررر
دمتي بخير
:)

سفروتة said...

EMMY BABY
................
ااااااااااااااااااااااااه فعلا يا بنتي
ما أكثرها مواقف الميكروباص
دي عايزة مجلدات ومجلدات

ههههههههههههههههههههههههههههههههههههههههه يا بنتي بيقولك دلوقتي المؤدب بقي في نظر الناس اليومين دول هو اللي قليل ادب
اصلهم ماشيين بمبدأ
اقلب الازازة يبقي لك عازة


ههههههههههههههههههههههههههههه
شكلك طمعانة في المثاثة بتاعة ازهري
خلاث خلاث هجيبلك علبة مثاثات بحالها
ها مبثوطة
:D

نورتي يا احلي ايمي في الدنياااا
:)

سفروتة said...

mohamed ghalia
...................
ههههههههههههههههههههههههههههههههه
والله ع ندك حق يا محمد
الميكروباصات دي بيئة مناسبة جدا لاي موقف ممكن تتخيله

شكلك كده من مرتادي كوبري عباس
ابقي سلم عليه كتير
:D


نورت يا فندم
دمت بخير
:)

سفروتة said...

طوبة ذهب وطوبة فضة
......................
اه والله يا دهب عندك حق
في ناس خنيقة كده ورخمين جدااااااااااااااااااااااااااااا
بس هنعمل ايه
مضطرررين نستحمل

نورتيني يا ثكررر
:)

سفروتة said...

romansy
..........
ايه سدوا ودانكم دي
اااااااااااااااااااااااااه
ماشي ماشي
هعديهاااااا المرة دي
عشان انت في كوكبناا دلوقتي

وكمان فرحان فيا اني اتفررررررررررست
ااااااااااااااااااااااااااااااااااااااااااااااه
مش عارفة مبقوق مننا ليه يا استاذ
ده انتوا ناس عجيبة
وبعدين حارس ايه اللي ضربناه ده
اشهدوا يا أهل بلوجرررررررررررر
رومنسي بيتبلي علينااااااااااااااااااا
وانا اطالب برفع قضية وتبقي قضية رأي عاااااااام وكل المحطات لازم تتكلم عنها
ده انتهاك للسفاريت وزعزعة للامن القومي السفروتي
ونحن لن نهدأ ابدااااااااااا
وعلي فكرة بقي
احنا سحبنا الاعانات تاااااااااااااني
:D

ههههههههههههههههههههههههههههههههههه
عاجبك يعني النرفزة اللي انا اتنرفزتها دلوقتي
شوف بقي خسيت كام كيلو
اخخخخخخخخخخخخخخخخخخخخخخخخ

نورتني يا فندم
دمت بخير
:)

سفروتة said...

لنحيا في أجواء الحب
...................
اولا: بعد السلامات والتحيات
لك كل التحية والتقدير والاحترام من شعب السفاريت
وميرسي جدااااااااا لكلامك عن المدونة
اخجلتم تواضعنا

ثانيا:هههههههههههههههههههههههههههههههه والله انت تحمد ربنا علي كرمه ليكم
بجددددددددددددددد حياة القرية دي احلي حياة
وبالذات بقي لما تكون زي عندكم كده زي ما بتقول مازالت هادئة وجميلة
ادعي ربنا بس ميحصلش ليها غزو زي ما قري كتير بقت متمدنة وفقدت رونقها وطابع القرية الجميل

نورتني
دمت بخير
:)

سفروتة said...

Tamer Alhosiny
..................
هههههههههههههههههههههههههههههههههههههه
ماشي يا تامر
متشكرين
انا بس كتبتها كده لانهم بيقولوها كده
السواق بينادي من شباك الميكروباص ويقول
سيدة عيشة سيدة عيشة سيدة عيشة
وساعات كمان يقول
سيدة سيدة سيدة
بس من غير عيشة
:D

لكن طبعا متشكرين علي لفت انتباهكم لينا

طيب فين التعليق بقي؟؟؟؟؟
منتظرين


نورت يا فندم
:)

سفروتة said...

كياراااااااااااا
..................
ههههههههههههههههههههههههههههههههههههههههههههههههههههه
عجبتك تلاتة فرستني؟؟
اهم حاجة انك ضحكتي
دي كفاية والله

نورتيني يا كركورة
دمتي بخير
:)

كيــــــــــــارا said...

هههههههههههههههههههههههههههههههه

اديني قرتها تاني في التعقيب وموتيني من الضحك ههههههههههههههههههههههههههههههههههه

Eno said...

ههههههههههههههههههههههههههههههههه
هههههههههههههههههههههههههه
ههههههههههههههههه

معلش ياسفروته والله انا عارفه العينات دي هو انا جتلي عقده وقعدت في البيت من شويه من الاذكياء المتفذلكين دول في الاخر قررات اني مش اخرج ولا اشتغل بسبب العينات اللي بقيت تقريبا 70 % من الشارع المصري

معلش ياحببتي ولا تزعلي نفسك يارب تعضها البطه السوده الوحشه الشريره من بقها اللي قال كلام وزعلك ده
تحياتي:)

سفروتة said...

كيارا
........
ههههههههههههههههههههههههههههههههههههههههههههههه
ماشي يا كركر
بس كده الضحكة الجاية بربع جنيه
:D

ههههههههههههههههههههه

سفروتة said...

Eno
.......
ههههههههههههههههههههههههههههههههههههههههههههههههههه
اديكي قعدتي في البيت وسلمتي من بتوع الميكروباص
طلعتلك الست اياها اللي جايبالك عريس
هههههههههههههههههههههههههههههههههههههههههههههههههههههههههه

معلش ياحببتي ولا تزعلي نفسك يارب تعضها البطه السوده الوحشه الشريره من بقها اللي قال كلام وزعلك ده
ـــــــــــــــــ
والله ماقادرة امسك روحي من الضحك
بجد تحففففففففففففففففففففففففففففففففة
هههههههههههههههههههههههه
البطة السودا تاكلها
ده هي اللي هتاكل البطة يا بنتي

نورتيني يا اينووو يا قمرررررررر
:)

Eno said...

ايه ياسفروته سبتهم في الشارع نطولي في البيت

يابنتي اوعي تغلطي في البطه السوده الوحشه دي شريره اوي وبتقدر علي كل الناس بشرها ده

هبقي احكيلكم حكاية البطه السوده دي مره عندي في البلوج:)))


تحياتي:)

akeed said...

اختى العزيزة ان الحياء يكاد يختفى من معظم الناس الا من رحم ربى هذه المرأه لو تعرف مدى حرمانية هذا الفعل ان تلمس الرجال فيوجد حديث مرعب لذلك قال رسول الله صلى الله عليه وسلم " لإن يطعن فى رأس احدكم بمخيط من حديد خير له من ان يمس امرأه لا تحل له " وطبعاً الحديث بالنسبة للمرأة ايضاً فلبس دخول النار و حسب ولا كن طعنه فى الرأس ايضاً .


تحياتى على هذا الموضوع الهادف جداً
المدونة اكثر من رائعة

saragebaly said...

ههههههههه

والله ليكي حق تتفرسي بجد

وبعدين ايه الحزب الجديد دة كمان؟؟

ربنا يهدي ياااااارب

تحياااتي

سارة

سفروتة said...

Eno
.....
ماثي يا ثكر
منتظرين الحكااااااااااية
:)

سفروتة said...

akeed
.......
ياريت تعرف والله بجد
قبل ما تتلفظ بأي كلمة
ربنا يهديها علي نفسها الاول قبل ما يهديها ع الناس

شرفت بمرورك الكريم
واتمني دوام التواصل

دمت بخير
:)

سفروتة said...

saragebaly
............
ههههههههههههههههههههههه
شفتي يا بنتي
ده انا اتفرست حتة فرسة
يلا خير
ربنا يهديها

نورتيني يا سارة
ويارب دايمااااا
دمتي بخير
:)

فرفشة الوان said...

عادي بتحصل كتيررررررر والناس المستفزة كتير وبيكونوا العا مت الست دي مت مرة

Darsh said...

فيه ناس كتير كده على فكرة مش غريبة على المصريين

المشكلة اني ما بحبش اتكلم مع حد اصلا في المواصلات...

و ما بحبش حد يدخل في شئوني الخاصة في المواصلات ...

مرة كنت بقرأ جرنان في الميكروباص و انا مسافر

الراجل من ساعة ما قعد جنبي و هو دافس راسه في الجرنان عندي و رامي كتفه حاشرني جنب الحيطة و انا مش طايق الحر

و مستحمل علشان ده راجل كبير

فأيدي جت على خبر .. و الله ما اعرف انه بيقرا الخبر ده... انا لو اعرف ما كنت قطعت أيدي قبل ما اطلع الميكروباص ... لقيته راح شايل ايدي وحطها جنبي و كمل قراية

المشكلةانه مش شاب بيرخم ... ده راجل كبير و بيتصرف بجدية مش هزار

جاي أقلب الصفحة لقيته بيزغري

كل اللي عملته ساعتها رحت مديله الجرنان و قايله ... اتفضل حضرتك اقراه براحتك .. انا مش بتاع جرايد على فكرة ... انا أمي أصلا مش بعرف اقرا، ده انا ماسكه منظرة:) ...

راح باصصلي وقال .. عالم غريبة ... ما كان م الأول طيب

و لما نزل ... خد الجرنان معاه :(

عمرو وجيه said...

ههههههههههههههههههههههه


اللي يعيش في الدنيا يا ما يشوف


موقف غريب يا سفروتة بس الاسف انك كتمتي غضبك

لان كتمان الغضب قوة

تحياتي لك

وعذرا للغياب

سفروتة said...

فرفشة الوان
.............
والله يا بنتي مش عارفين نعمل معاهم ايه المستفزين دول
والجو حر اليومين دول
والواحد مش ناقص

نورتي في اول زيارة
وان شاء الله متكونش الاخيرة
دمتي بخير
:)

سفروتة said...

Darsh
...........
هههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا مش ممكن بجد
الموقف بتاعك ده تحففففففففففففففففففففة
معقولة فيه ناس كده فعلا
ههههههههههههههههههههه
ربنا يهديهم بجد

نورت يا درش
دمت بخير
:)

سفروتة said...

عمرو وجيه
...........
اهلااااااااااااااااااااا
عمرو
عاش مين شافك

كتمان الغضب قوة
بس فرسة من جوة يا عمرو

ربنا ما يوري حد اللي بيحصل في المواصلات

نورت بعد غياب
ولا داعي للاعتذار
:)

كاتب مصري said...

صدر العدد السابع عشر من مجلة رؤية مصرية بالمفاجأة القوية الجديدة .. تصميم وبرمجة مختلفين تماما ليواكبوا نجاحات المجلة ويتفقوا مع مادتها وأقلامها
دعوة خاصة مني أنا رئيس تحرير المجلة لزيارة المجلة والتفاعل معنا فيها وإبداء آرائكم .. سجل عضويتك وارسل مشاركتك .. معنا فؤيق كامل من المحررين والصحفيين يقومون لكل أعباء المجلة لتخرج لكم في أبهى صورة وأجمل منظر
ننتظر تشريفكم
دمتم بخير
إبراهيم العدوي

زى الهوا said...

ههههههههههههه

كنت هقولك كدة والله طب ماتقعد هيه جنب الراجل طالما الموضوع عادى عندها وانتى وصحبتك بقى حورين على الاقل كنتوا هتعرفوا تصرفوا نفسكم

انا برده زيك كدة بابقى محترمة اوى وماباردش على الناس لدرجة باحسنى ف كوكب غيرهم ههههههههههه

أحمد فاروق الشاذلى said...

ماتركبيش الميروباص تانى

صدفة جميلة said...

اوك سمعنا شكوتك باذن الله هانسعى لتغير الكنبه وكمان وضع ميكرفون بجوار كل راكب لتنبيه السائق بوقت النزول
علشان ربنا يستر ومحدش ينفرس
بس بصراحه انا باه مفروس كل الناس دى عندك وتعرفى مدونتهم وانا لا ليه مش عارف
اوك على العموم مش هالف فى مدونتك ولا هادور الا لما تردى الزياره وتعطينى تصريح المرور حتى لا اتعرض لمخالفات اثناء التجول فى مدونتك وتجاوز التعليقات وكثرة الكلمات كفايه وبعد ازنك هاربط الحزام واقولك سلام

micheal said...

والله كويس انكوا متخانقتوش معاها من الاول..ده انا اتعصبت لما قريت البوست
:)
تحياتي