Sunday, July 12, 2009

سنتااااان من الحب والايخاء


كــل سنــة وانتــي .. طيبـــة يا مدونتـــي

وبعودة الايام

تفرحــي وتتهنــي .. وفــ عيـــدك نغنـــي

احلي الكلام



فلينقشع الصمت

وليبدأ الرغي

إيذانا منا نحن(سفروتة هانم) بمرور عامين كاملين علي دخولي عالم التدوين



في الاول لازم اقول اني عندي بنوتة اكبر من حبــــة صمــــت

اللي هي سكوب واللي منها بدأت اكتب وادون وانجذب للعالم العجيب ده



اول بوســـت كتبتــه هنا في حبـــة صمـــت

قلت فيه اني هكتب عن اي حاجة سواء الحاجة دي خلتني افرح، ارقص، اغني، احزن او ابكي

وده فعلا اللي حصل ... كل بوست كان بيحمل معني واحد من المعاني اللي فوق دي

وانا بقلب في دفاتري القديمة قصدي (صمتي القديم) فليت الارشيف كله واستعدت ذكريات ومواقف كل بوست

وقريت الكومينتات كمان

وكل بوست كان بيفكرني بحاجة معينة

ياااااااااااااااااااه يا اولاد

لما الواحد يقعد مع نفسه كده ويفتكر في

هدوء وصمت ووقت الفجرية

بجد احساس راااااااااااااااااائع



ام هند

مبسوطة اني لسة معاكم ويارب افضل معاكم علطول

مبسوطة عشان كل بوست بكتسب ناس جديدة وآراء جديدة وافكار مختلفة

مبسوطة عشان بجد بحس انكم عيلتي التانية ...وده اجمل احساس



جميع جيراني المدونين مدعويين لحضور الاحتفال بالمملكة

ملحوظة : الدخول ببطاقات الدعوة الرسمية اللي عليها الختم السفروتي من ورا.... ركزوااا ها اهم حاجة الختم يا جماعة

ــــــــــــــــــــــــــــــــــــــــــــــــــــــــــــــــــــــــــــــ
حاجة كده هقولها لنفسي متاخدوش في بالكم انها لحظة الجنون
بت يا نوران
انتي مبسوطة باللي بتعمليه ده
هو انتي واخدة الاجازة عشان ترتاحي ولا عشان تنزلي كل يوم
يا بنتي ده كفاية التدريب المتخلف بتاع الكلية كمان هتحملي نفسك فوق طاقتها وتنزلي مزارع وكمان تروحي الراديو
طب انتي بتعملي كده ليه؟
حاسة ان كل حاجة اتكربست فوق نفوخك صح؟
مش لاقية وقت تقعدي معاهم في البيت
ولا تشوفي صحابك
ده حتي البت ايمي مقصرة معاها
طب افهم بس انتي ناوية علي ايه؟
عايزة تبقي فين؟
الطب ولا الاعلام؟
طب ولو اختارتي الطب
هتبقي مشاريع ولا ابحاث زي ما كنتي طول عمرك بتتمني ولسة بتحلمي بحلمك الكبير
فاكراه؟؟
فاكراه يا نوران
طب ولو اختارتي الاعلام
هيبقي راديو الحكومة ولا راديو النت؟
بيني وبينك يا بنتي انتي هتنفعي في الاتنين وبشهادة الجميع
بس مجالك؟؟
انتي اصلا اخدتي كورس الارانب ليه؟؟
طب نزلتي المزرعة امبارح ليه؟
طب بتفكري جديا انك تروحي تدربي في عيادة حيوانات اليفة ليه؟
ما هو بصي بقي
حاجة واحدة بس
بس عارفة انتي ممكن تربطي الاتنين ببعض
هبقي اقولك ازاي بعدين
بس المشكلة دلوقتي في الزنقة المنيلة بنيلة اللي زنقتي نفسك فيها
يا بنتي ده انتي كمان شوية وهتختفي وهتبقي محتاجة ميكروسوب فعلا عشان يشوفوكي بيه
اهدي كده واركزي
ورتبي افكارك
وربنا يهديكي يا بنتي
بجد ربنا يهديكي
انا عارفة كان مستخبيلك فين ده كله

30 comments:

طوبة ذهب وطوبة فضة said...

اولا ياستى كل سنه ومدونتك جميله ولذيذه واموره ذى صاحبتها ثانيا عن الحيره اللى انتى فيها فكرتينى بنفسى اخر سنتين نزلت الصيدليه ونزلت مزارع ونزلت عياده بيتس ونزلت معمل تحاليل وشركه ادويه كمان كل ده عملته بس انا كنت عارفه ليه انا كنت عايزه اعرف ايه اكتر مجال ممكن يشدنى او يعجبنى انتى برضو فرصه اعملى كل حاجه وجربيها عشان تقدرى تختارى وتقررى ايه اللى يناسبك وايه اللى هيشدك والحاجه اللى هتحبيها هى اللى هتكملى فيها معلش هى الحيره بتبقى فى الاول بس لكن بعدين هتعرفى انتى عايزه ايه بالظبط ربنا يكرمك يارب وتكونى اجمل دكتوره ياقمرايا

romansy said...

الف مبروك يا سفروته
الف مبروك دا مش علشانك لوحدك
دا علشانا كلنا علشان استحملنا سفروته سنتين بحالهم اتغيرت حاجات وظهرت مدن جديده وبالذات فى المملكه السفروتيه
على العموم انا هحضر الحفل من غير دعوه
وعلى فكره انا غيرت الحراس بتوعى استوردت اتنين ياكلوا الزلط
ههههههههههه
ها خدى بالك بقى

أبو العريف said...

يااااااااااااه
دانتي قديمه قوي
سنتين
ولسه ما اتخنقتيش مننا


عموما ياستي
كل سنه وحضره الحبة صمت طيبه
وعقبال السنه اللي بعد الجايه
اصلي غالبا مش فاضي السنه الجايه

تحياتي

mohamed ghalia said...

كل سنة ومدونتك طيبة
وكل سنة وانتى طيبة
ولازم تتعبى عشان تتعلمى
ربنا يعينك
دمتِ فى سعادة

الازهرى said...

كل لحظة والمدونة وصاحبتها بخير وسلام

انا اليومين دول فى نفس حيرتك دى
اتجه لفين
يعنى ان على رأي الى بيقول سبع صنايع والذهن ضايع لانى مش عارف اختار ما بينهم

سيبك انتى المهم
النتيجة عملت ايه انا اطمنت على الصغنونة التانية وسألتها عليكى طنشت
شكلها كارهاكى قوى
انا باهدى النفوس طبعا

ربنا معاناكلنا ونقدر نحدد اتجاهنا

سفروتة said...

طوبة دهب وطوبة فضة
....................
اولا : وانتي طيبة يا دهوووبة
ثانيا : يعني الاعراض دي طبيعية يا دكتور؟
ههههههههههههههههههههههههههههههه
والله فعلا انا مش عارفة اعمل ايه
بس اكيد خير يعني
ربنا يسهل يارب

نورتيني كتير كتير كتير يا دهب
ودايما منورة
دمتي بخير
:)

سفروتة said...

romansy
...........
الله يبارك فيك يا فندم
وبعدين ايه استحملتوا سفروتة سنتين دي
والله اقطع الاعانات عنكم تااااااااااااني
وشوفوا بقي هتعيشوا ازاي يا شعوب الارض
ال مستحمليني ال
(وش شورييير )

وبعدين يعني بتهددني بحراسك اللي بياكلوا الزلط؟؟
انا بتوعي بياكلوا الحديد
نياهااهاهاهاهاهاهاهاهاهاها
لا مفر يا رومنسي لا مفر
يا ابني محدش يقدر عليا
ههههههههههههههههههههههههههههههههههههههههههههههههههه
لن تنعم امريكا

ابقي اتكلم علي قدك بعد كده يا استاذ
:D


نورتني يا فندم والله
ودايما كده منور حبة صمت
دمت بخير
:)

سفروتة said...

ابو العريف
...............
ههههههههههههههههههههههههههههههه
اه قديمة من ايام الكتاب والشيخ جزرة

لالالالالالالالالالالالا اتخنق منكم ايه بس
انا اقدر

وانت طيب يا فندم
ههههههههههههههههههههههههههه انا بقي احتمال مبقاش فاضية السنة اللي بعد الجاية
:D

نورت يا ابو العريف
الا هو انت تعرف ايه بالظبط؟؟؟
ههههههههههههههههههههههه
دمت بخير
:)

سفروتة said...

mohamed ghalia
................
وانت طيب يا محمد
فعلا عندك حق لازم اتعب

نورتني
دمت بخير
:)

سفروتة said...

الازهري
........
وانت بالصحة والسعادة يا والدي

من الواضح ان الحيرة دي مرحلة لازم الواحد يمر بيها وخصوصا لما يحس انه خلاص هيبقي مسؤول عن نفسه كمان شوية ولازم يحدد
بجد ربنا يعينا كلنا

النتيجة يا فندم
جبت جيد

اما عن ايمي
فانا قلتلك قبل كده اطلع انت منها بس
هههههههههههههههههههههههههههه
محدش يعرف يدخل بينا والله لو عمل ايه
وبعدين فيه حد يوقع بين بناته؟؟
ابهات آخر زمن صحيح
:D

نورت يا فندم
ودايما منور
دمت بخير
:)

كيــــــــــــارا said...

كوووووووووووووووووول سنة وسفرتتانا طيبه

وفعلا انا بحبك اوووووووووووووووووووووووي واوووووووووووووووووووووووووووي كمان

Dr.A.S. black armor said...

كل سنة وانتى ومدونتك بالف خير وسلامة وكلام جميل
بجد مدونتك من الاماكن اللى الواحد بيحب يزورها
اما بالنسبة لبقية البوست
فليه نصيحة واحدة بس اتبعى حلمك اينما كان لكن اوعى تعيشى حلم حد تانى

سفروتة said...

كيــــارا
............
وانتـــــــــــــــــــــــــــــــــــــي وطيبة يا كركورة

وانا والله بحبك اوووووووووووووووووووووووووووووووي
بجد انتوا اجمل اخواااااااااااات
ربنا يخليكوا ليا

:)

سفروتة said...

Dr.A.S. black armor
........................
وانت طيب وبخير وسعادة يا دكتور
بجد ربنا يخليك والله
اخجلتم تواضعنا

اما عن النصيحة
بحاول والله
وربنا يسهل
ادعولي انتوا بس

نورتني
دمت بخير
:)

Nour said...

كل سنة ومدونتك طيبة يا سفروتي وعقبال 100 سنة يا رب ليكي وليها يا رب


اما عن موضوع الحيرة بقى فاحب اقولك انتي مش لوحدك حيرانة ده وباء ومتفشي تقريبا اليومين دول زايد شوية عند ناس كتييير بس عموما يا بنتي جربي عشان تقدري تحددي لنفسك وتقرري انتي حبيتي ايه اكتر وشايفة نفسك فين اكتر
وربنا معاكي ومعانا يارب

ليكوريكا said...

ملحوظة : الدخول ببطاقات الدعوة الرسمية اللي عليها الختم السفروتي من ورا.... ركزوااا ها اهم حاجة الختم يا جماعة

----------------------------

:(

شكلي مش هعرف ادخل واشرب بيبسي واكل جاااطوووووووه :)

كل يوم ومدونتك طيبه

سفروتة said...

Nour
.......
نووووووووووووووووووووووووور
وانتي طيبة يا قمررررررررررررر
ربنا يخليكي ليا يارب

...........
هههههههههههههههههههههههههههه
طب وطالما هي وباء ومتفشي مش المفروض نبحث الامر ونعمل مصل مضاد للحيرة ونطعم بيه العيال عند سن 12 يوم؟؟

هههههههههههههههههههههههههه
متسألنيش ليه 12 يوم


نورتيني يا ثكرررررررررر
وعايزة اشوفك هنا علطول
ان شاء الله

ربنا يكرمنا جميعا
دمتي بخير
:)

سفروتة said...

ليكوريكا
...........
ههههههههههههههههههههههههههههههه
لا متقلقش هشوفلك اي صرفة كده وادخلك
ودي تيجي برضه السيد ليكوريكا بجلالة قدره يجي لحد باب المملكة وميدخلش؟؟
لا دي تبقي عيبة في حق السفاريت

وانت طيب وبألف خير يا ليكو
نورتني
دمت بخير
:)

norahaty said...

السلام عليكم ورحمة
الله تعالى وبركاته
وكمان صباح الخير
سنتـــــــان
ياسفروتة؟بصحيح؟
كل لحظة وانتى بالف خير
وصحةوعافية وعقبال سنتين بعد
المائة من التدوين اللذيذ اللطيف
يارب وتكون استقريتى على حاجة احسن دا انا دوخت على الحكاية اشحال صاحبة الحكاية؟قلبى معاكِ وعليكِ
ربنايوفقك لما يحب
ويرضى ويرضيكِ به.

سفروتة said...

norahaty
...........
وعليكم السلام ورحمة الله وبركاته
دكتورة نور يا مرحبا يا مرحبا
منوووووووووووورة بجد
ووحشتيني جداااااااااااااااااااا
وانتي طيبة وبألف خير يارب
ادعيلي بجد يا دكتور اخلص من الحيرة دي
يارب

دمتي بألف خير
:)

EMMY BABY said...

سفروتى

كل سنة ومدونتك بخير يا اجمل واحلى صديقة فى الدنيا دى كلها

مقصرة ايه بس دانا والله اللى لسة انهاردة كنت بفكر نفس التفكير الاسود بتاعك ده انى مقصرة فى حقك حتى ياربى نفسى الحيرة

مش غريبة علينا دايما تفكيرنا واحد

بس عجبتنى اوى فليت البوستات القديمة دى ههههههههههههههههههههههههه
بيطرى مهما بعدتى

بالنسبة للاخ ازهرى فعلا اطلع انت منها احنا سوا سوا طول العمر ان شاء الله

اممممممممممممواة

وحشتينى

تحياتى

ايمى

blue-wave said...

ههههههههههههههههههه
ك سنه وانتى ومدونتك بالف خير

زى الهوا said...

سفرووووووووووته


كل سنة ومدونتك طيبة , ويارب عوقبال لما يبقوا عشر سنين

كيكى عوووووو said...

مبروك ياسفروته ياااااه الوقت بيجرى ع طول كدة؟؟
بالنسبة للكمتان الى قوتليهم لنفسك انتى جننتينى معاكى انتى طب ولا هندسه ولا مزارع للارانب ولا هتفلحى فى الارض ولا اية بالظبط انتى مين يابنتى؟؟

سفروتة said...

EMMY BABY
............
وانتي طيبة وبكل خير يا أغلي الناس
لا انا فعلا مقصردة بجد بس اعذريني
اما عن التفكير الواحد ده فده شئ مفروغ منه يا بنتي احنا واحد اصلا

ههههههههههههههههههههههههههههه طب اقول ايه غير فليت؟؟؟
قولي انتي بس وانا اكتبها

اما السيد ازهري فأنا رديت عليه بقي واظن يعني المفروض الاب يحسن علاقته ببناته
ولا ايه يا ازهري
:D

نورتي كتييييييييييييييير
امووووووووووواة

سفروتة said...

blue-wave
...........
وانت طيب وبألف خير يا دكتور
نورت
:)

سفروتة said...

زي الهوا
.........
موووووووووووووووووووووحا
وانتي طيبة ياموحااا ربنا يخليكي يارب
نورتيني
:)

سفروتة said...

كيكي
........
الله يبارك فيكي يا كيكي
ااااااااااااااااه يا بنتي سنتين وعدوا بسرعة

هههههههههههههههههههههههههههه انا بتاع كله يا بنتي
بيطري بشري اعلام سياسة اقتصاد
كل اللي قلبك يحبه يعني
:D

نورتيني بجد
دمتي بخير
:)

εïзأنا التيεïз said...

السلام عليكم ورحمة الله ..

أولا : كل سنه ومدونتك بخير وعقبال مليوووووون سنه :)

ثانيا : الله يوفقك في حياتك يا رب
وتقدري تجمعي بين الاتنين طالما بتحبيهم المهم متضغطيش على نفسك كتير ومتخليش حاجه تطغى على التانيه اعطي لكل مجال منهم حقه
المهم تخرجي من كل التعب ده بتجارب ودروس حياتيه مفيده تخليكي تحسي بكيانك وإنك عملتي حاجه
مش فجأه تفوق تلاقي عمرك مر منك وحاجات فاتتك

بالتوفيق ..

سفروتة said...

انا التي
..........
اولا: وانتي طيبة وبألف خير وصحة وسعادة

ثانيا:ربنا يخليكي يارب ويكرمك
بجد متشكرة اوي علي كلامك الجميل ده

نورتيني
ويارب دايما
دمتي بخير
:)