Tuesday, March 24, 2009

عامل مدرج الفسيولوجيا


هناااااااااك في كليتنا الغراااااء

حبيبة الملاييـــــــــــــــــــــــــــن

وانت داخل قسم البيوكيمستري

هتلاقي يافطة متعلقة مكتوب عليها

الدور الثالث ... مدرج الفسيولوجيا



بناخد في المدرج ده مادة اسمها آداب وتقاليد مهنة الطب البيطري


الدكتور اللي بيدينا المادة متعود انه يشرب كوباية شاي وفنجان قهوة ورا بعض


طبعا لزوم الصحصحة والمخمخة


وفي يوم العامل اللي بيجيب الشاي للدكتور اتأخر جداااااااااااااااااااااا

وجاب الشاي تقريبا في نهاية المحاضرة


وانا قاعدة لقيت البت ايمي بتقوللي


شايفة الراجل مبتسم ازاي؟؟



انا سرحت كتييييييييييييييييييييير جدا لما قالتلي الجملة دي

بالرغم من انه داخل بالشاي متأخر يعني ممكن الدكتور كان يعاتبه قدامنا او حتي بينه وبينه الا انه داخل ومبتسم ابتسامة انا شفتها جميلة جدا مع اني متأكدة انه طفحان وعدمان من الكلية دي

وبالرغم من ان ملامحه بان عليها التجاعيد وجسمه نحيف وعنده انحناءة بسيطة في ظهره الا ان كل ده لم يخفِ الابتسامة الجميلة اللي قابل بيها الدكتور


بعد الابتسامة الجميلة دي فضلت افكر

انه مهما كنا بنعاني من ضغوط

او مشاكل في حياتنا

مش لازم نمحي الابتسامة من قاموس تعاملاتنا اليومية

ومع نفسنا كمان


علي المستوي الشخصي

الكلية عدمانا العافية

وطالع عنينا فيها

ومتبهدلين اخر بهدلة

وتقريبا السياسة المتبعة من قبل الادارة هي


تقوقع الطالب وانكبابه علي الورق وعدم مطالعته لما يدور حوله


لاني فعلا بجد اكتشفت في وقت من الاوقات اني مش عارفة حاجة عن العالم اللي عايشة فيه

لمجرد اني في كلية بنزل من بيتنا ستة ونص الصبح وارجعله سبعة تمانية بالليل

يعني زي ما بيقولوا من الضلمة للضلمة


ومع ذلك وبالرغم من كل ده

بحاول علي قد ما اقدر اني ابتسم للدنيا

عشان عارفة اني مش هاخد من التكشيرة اي حااااااااااااجة

وبحاول اعمل كل اللي نفسي فيه

وهبدأ عصر جديد من الانطلاق

وزي ما قلت لبابا

الحياة مش مذاكرة بس يا والدي

:)

مردش عليا علي فكرة

عشان كلامي صح طبعا

:)


بكرة احلي

ان شاء الله

44 comments:

MǿиY El-Shreef said...

سا الخير ياعسل ( فيس بيبتسم ابتسامه عريضة اهو )

عندك حق اوي ع فكرة .. انا نفسي افهم الناس دي ربنا يباركلها بتقدر تضحك ازاي وهي ف حياتها البسيطه دي .. يمكن عشان ماحبوش التعقيد او مجربوش جنونه الله اعلم .. كل الي اعرفه ان قلبهم ابيض وصافي وناس بركه كده .. عشان كده ربنا مديهم رضا وتلاقي بسمتهم ع وشهم دايما .. يارب دايما تفضلي مبسوطه يا سفروته (=

عمرو وجيه said...

آآآآآآآآه فكرتيني يا سفروتة بالمرة الوحيدة اللى حضرت فيها

آداب وتقاليد

أطردت فيها


من ساعة حلفت انى مرحش تاني



بس لفتة جميلة منك


فعلا فيه ناس معدمة و سعيدة في نفس الوقت


توفيق الحكيم قال مرة فى مقال ليه


إن الدنيا فيها تلت كور

الكورة الاولى الصحة والتانية المال والتالتة راحة البال

مافيش بني آدم يقدر يمسك التلاتة مع بعض لازم واحدة تقع منه


مافيش شئ كامل فى دنيتنا الجميلة اللذيذة الفانية



شكرا لهذه اللمجة الانسانية الجميلة دي


جزيت خيرا يا سفروتة

smilyrose said...

عارفة يا سفروتة


مهما كنا بنتعب وبنتبهدل


بس خديها من اختك الكبيرة


بلاش التكشيرة وشيل الهم


بيخلو الواحد يكبر قبل اوانه


وفى كل الحالات مهعما عملنا

دا مش هيغير من واقعنا شئ


لكن البسمة هتغير كتيييييييييير


وتدى لقلبنا امل لبكرة


ودا على فكرة عن تجربة


لانى بعانى فى الدراسات العليا وضغط الشغل والسفر


وحاجات كتير قوى


ودايما مكشرة وشايله الهم


وبعدين اخرتهم ايه


كان لازم اشيل دا كله وابعده عنى


وبحاول انى اكون دايما مبتسمة حتى فى اشد حالات المى


smilyrose

وردشان

روح الحب الصادق

Eno said...

الابتسامه مهمه جدا في حياتنا

جربي كده يوم تنزلي من البيت مبتسمه وشك بشوش هتحسي بالفرق هتحسي اني نظره الناس ليكي مختلفه وتعاملهم معاكي كمان

ربنا يجعل كل اللي جاي احسن :)

تحياتي :)

mohamed ghalia said...

والله ده شعارى فى الحياة بكرة دايما أحلى

EMMY BABY said...

ههههههههههههههههههههههه عجبتنى اوى بتاعة تقوقع الطالب وانكبابه على الورق انا حاسة بكدة جدااااااااااا دلوقتى

اااااااه يانى يانى فين ايام الفشل

فعلاااااااااا الابتسامة والله بتغير جوانا حاجات كتير اوى يارب نفضل علطول مبتسمين للحياة ويفضل بكرة احلى

norahaty said...

حبيبتى إن شاء الله بكرة احلى من النهاردة بس ما يمنعش ان بابا على حق برضه من كونه ماضحكش او من انه ما علقش على كلامك لان فعلا فعلا فعلا ومفروض وللاسف كمان فى بلدنا دى انك
تخدى الشهادة الاول وبعدين احفظى حتى لو تحبى )دليل التليفونات )

norahaty said...

وبعدين دا انتى فى رفااااااااهية
بتنزلى الساعة 6ونص الصبح وزحلااااانه على روحك ؟الله يرحم الايام اللى كنت بنزل فيها الساعة 5ونص وغلاوتك 5ونص ولو اتاخرت ثانية يبقى اقعد احسن وماروحش الكليه:حاروح اقعد فى المدرج فى الاخررررررررررررررررررررررررررررر
وانا لو ماكانش بردون يعنى(بق) المحاضر فى ودنى ما ببقاش مبسوطة :)

fashkool said...

سفروته يا سفروته
ازيك يا سفروته
جميله الابتسامه ان تكون على وجوهنا دائما
فلا التكشيره حتحل المشاكل ولا وجع القلب
يبقى ما فيش غير الابتسامه

كليتكم يا سفروته من اصعب الكليات ومش عارف على ايه يا حسره
هى وكلية العلوم مظلومتان فى مصر
كان الله فى عونكم

تحياتى

safa7_karmooz said...

:D

اجدع ابتسامة لاجدع سفروتة هنا

على فكرة او لحاجه بعملها الصبح قبل ما اغسل وشى انى اضحك وانا ببص فى المراية ^_^

اصحى يا مصر : اسلام ديو said...

دايماً بيقال ان الصبر مفتاح الفرج
والصبر هو اللى خلاه يبتسم وميزعقش
لأن الصبر دا قوة ربانية

تحياتى وانا ضفت مدونتك للمدونات اللى بتابعها لأنها فعلاً جميلة

تحياتى مرة تانية

أبو العريف said...

دا صمتك
امال كلامك عامل ازاي
مدونتك جميله جدا
دمت بكل خير

كيكى said...

سفرووووووووووووووووووووتة
ازييييييييييييييييييك
ياعسل بعيد عنك كنت مقطوعة من النت من ساعة اخر مرة شوفتك فيهاااااا
اخيرا اخدت افراج
**زغرطى بقى**
عارفة انا دايما والله اقول ان بكره احلى عارفة طول مافى امل فى حياه
عووووووووووووووووووو

عرفة فاروق السيوطى said...

السلام عليكم

الحياة مش مذاكرة بس

عرفت ذلك منذ مدة وسعيد به

أما عن الابتسام ففيه الجمال وراحة النفس

ربنا يقويكى ويوفقك

تحيتى

عاشقة الأحزان said...

السلام عليكم ورحة الله وبركاته
سفروته تقبلى مرورى الاول لمدونتك وان شاء الله مش الاخيره
ويارب يسعد ايامك كلها وتبقا مافيش فيها حزن
تقبلى مرورى
وسلالالالالالالالالامى

gogo!sf said...

سفروته
عندك حق طبعا اننا لازم نبتسم
مهما كانت نسبه التعقيدات

بس بجد الواحد مش عارف يبتسم حتى وهو مبسوط ومش فى اى مشاكل بقى متأكد انه
حتى لو ضحك فلازم بعدها نكد فبناخدها من اصرها ومش نضحك خالص ولو ضحكنا عشان نرضى الناس فده مش بيكون من قلبنا

على فكرة بقى انا مرة قولت لبابا ان المذاكرة مش طول الوقت لازم استريح شوية او اهرج عشان لما ارجع اذاكر تانى اعرف اركز
عارفة كان رده عليا اية
قالى روحى اتكفى على المذاكرة يمكن تطلعى دكتورة ولا مهندسة زى عمامك واخدت طبعا اللى فى النصيب

بجد انا طولت عليك جدا وكمان فى اول زيارة ليا بس معلش ان شاء الله مش هتكون الاخيرة

بس كل اما افتكر موضوع المذاكرة ده بيضحكنى بجد جامد

تقبلى مرورى

عاشقة الاحزان
جوجو

MOHAMMED said...

فعلاً يا سفروته مافيش احسن من الابتسام والضحك وكفايه ان الرسول الكريم وصانا بيها وقال ( تبسمك في وجه أخيك صدقه ) يعني لما نبتسم في وش بعض ناخد حسنات ، الله حاجه حلوة قوي
بالأضافة ان الابتسام والضحك بيطول العمر ويزيد الصحه بعكس الهم والنكم بيسببوا امراض كتتتتير أوي
آسف على الاطاله بس موضوعك جميل
ـــــــــــــــــ
اتمنى تشرفيني على مدونتي الجديده ( طريق النجاح ) وان شاء الله يجعل ايامك كلها نجاح وفرحه
http://tareekelnagah.blogspot.com/

msafa said...

كويس ان فى ناس عندها استعاد تضحك

amy said...

تعرفى ...الدكتور فى المحاضرة الاخيرة اتنرفز من واحدة وكان هيطردها..الا انها ابتسمت وقالتلة انا اسفة يا دكتور...رد عليها الدكتور بحكمة جميلة ..قالها لولا سلامك سبق كلامك لاكلت لحمك قبل عظامك...بجد ..برغم النرفزة اللى كان فيها الا ان الابتسامة كانت عاملة زى السفنجة امتصت كل الغضب فى لحظة..
من فترة قررت انا وانتيمتى امنية ان الابتسامة تكون دايما معانا مكان مانروح ..مش بس كدة ونحاول نرسمها على وشوش الناس ونعلمهم ازاى يبتسموا...
طب تخيلى انا كنت فى الطريق للمترو ولاقيت راجل بيقرب من كل الناس وبيضحك فى وشهم ويقولهم ابتسموا...فى ناس افتكرتة مجنون لكن فعلا كان اعقل اللى ماشيين ..لانة عرف ازاى يبتسم
وكمان سبحان الله لو لاقيتى حد دخل مكان وهوة مبتسم تلاقية عامل زى الشمعة نورت المكان كلة ..
كالمعتاد يا سفروتة موضوعك رائع..
والى لقاء قريب..تحياتى

طوبة ذهب وطوبة فضة said...

انا عارفه العامل ده على فكره من اطيب الشخصيات اللى قابلتها فى الكليه وفعلا ذى البسمه فى وسط كابه الكليه وخنقتها ربنا يديم عليه البسمه دى اللى كنت بحب اعدى من قدام المدرج عشان اشوفه قبل الامتحانات كنت بتفائل بيه جدا

نعكشة said...

فكرتيني
واحدة صاحبتي كانت مستنياني في مرة
فانا جايالها من بعيد
فضحكتلي كدة و قالتلي
ماشاء الله ماشاء الله
بالظبط زينا
قولتلها يعني اية
قالتلي 1- ماشية تمدي
2- ضاربة بوز يقطع الخميرة من البيت

من ساعتها فكرت ليه ممشيش وانا مبتسمة
يمكن شخص يشوفني ببتسم آخد فيه حسنة
على رأي الحديث " تبسمك في وجه أخيك صدقة"

بالنسبة بقة للانشكاح و الانشراح للحياة
فدة مش عارفة اعملة

عامتاً اول سلمة هيا لاابتسامة
ولما بفتكر بعملها
ربننا ييسر اللي جاي بقة

سلام عليكِ

الازهرى said...

انتى لسه برضه بتقعدى جنب ايمى
يا بنتى الحقى نفسك

المهم
الابتسامة ليست مجرد شعارا للحياة فى رأيي بل هى الحياة نفسها

http://fritend.blogspot.com/2009/01/blog-post.html

تحياتى دوما

سفروتة said...

MǿиY El-Shreef
..................
سا النور يا ثكر
:)

فعلا يا موني الناس دي عشان عايشين حياة بسيطة
فمعندهمش حاجة توجع دماغهم
عشان كده تلاقي البسمة مش مفارقاهم
ربنا يديم عليهم السعادة
ويسعدنا احنا كمان

نورتيني يا موني
دمتي بكل ود
:)

سفروتة said...

عمرو وجيه
............
آآآآآآآآه فكرتيني يا سفروتة بالمرة الوحيدة اللى حضرت فيها

آداب وتقاليد

أطردت فيها


من ساعة حلفت انى مرحش تاني
ـــــــــ
نعم؟؟؟؟؟؟؟؟؟؟
والغياب حضرتك
سيبك من انك اطردت او لأ
بس فيه حاجة اسمها غيااااااااااااااااااب
هو فاضل مرتين تاني او تلاتة حاول تحضرهم بجد




عجبني اوي اللي قاله توفيق الحكيم
فعلا تلات كور الواحد مش بيقدر يحققهم كلهم في الدنيا


شكرا علي ثنائك الطيب يا عمرو

ودايما منور
دمت بكل ود
:)

سفروتة said...

smilyrose
............
يااااااااااااااااااااااااااااااااااااااااااااه علي كلامك ياروز

بجد جبتي المفيد

التكشيرة وشيل الهم ملهومش لازمة خالص

والبسمة اللي بتدينا امل في بكرة

ربنا يديم عليكي السعادة يارب

نورتيني يا قمر
دمتي بكل ود
:)

سفروتة said...

Eno
......
ازيك يا بنت يا اينو
كيفك وكيف احوالك
يارب تكوني بخير


جربي كده يوم تنزلي من البيت مبتسمه وشك بشوش هتحسي بالفرق هتحسي اني نظره الناس ليكي مختلفه وتعاملهم معاكي كمان
ـــــــــــــ
جربتها فعلا وفرقت معايا كتييييييييييييييييييييييييييييير


نورتيني يا ثكرة
دمتي بكل ود
:)

سفروتة said...

mohamed ghalia
..................

والله ده شعارى فى الحياة بكرة دايما أحلى
ـــــــــــــــ
طبعا مقدرش اقول حاجة
صاحب كوكب السعادة هو اللي بيقول الكلام ده
يبقي اكيد بكرة احلي ان شاء الله
بكرة احلي بينا وبعملنا وبحبنا للحياة وحبنا لربنا وارضاؤه

نورت يا محمد
دمت في سعادة
:)

سفروتة said...

EMMY BABY
...........
ههههههههههههههههههههههه عجبتنى اوى بتاعة تقوقع الطالب وانكبابه على الورق انا حاسة بكدة جدااااااااااا دلوقتى
ـــــــــــــــ
هههههههههههههههههههههههههههههههه
حاسينها طول الوقت يا ايمي

يارب بكرة يبقي احلي دايما
يااااااااااااااااااااااااااااارب

نورتي يا مامتي يا حبيبتي
دمتي بكل ود
:)

سفروتة said...

norahaty
............
اهلا اهلا يادكتور
منورة حبة صمت



حبيبتى إن شاء الله بكرة احلى من النهاردة بس ما يمنعش ان بابا على حق برضه من كونه ماضحكش او من انه ما علقش على كلامك لان فعلا فعلا فعلا ومفروض وللاسف كمان فى بلدنا دى انك
تخدى الشهادة الاول وبعدين احفظى حتى لو تحبى )دليل التليفونات
ـــــــــــــــــــ
بس كمان يادكتور العقل بيقول اني مش هفضل طول الخمس سنين معرفش حاجة غير الطب وبس وياريته اصلا بيعلمونا عدل كمان
يعني اتخرج بعد الخمس سنين لا افقه اي شئ في شئ في الدنيا
طبعا مينفعش
انا مقلتش اني ههمل مذاكرتي
لكن قولت
ان الحياة مش مذاكرة وبس
في حاجات تانية كتير اوي ممكن نعملها ونحس معاها بالسعادة عشان نكسر ملل المذاكرة

سفروتة said...

norahaty
..........
وبعدين دا انتى فى رفااااااااهية
بتنزلى الساعة 6ونص الصبح وزحلااااانه على روحك ؟الله يرحم الايام اللى كنت بنزل فيها الساعة 5ونص وغلاوتك 5ونص ولو اتاخرت ثانية يبقى اقعد احسن وماروحش الكليه:حاروح اقعد فى المدرج فى الاخررررررررررررررررررررررررررررر
وانا لو ماكانش بردون يعنى(بق) المحاضر فى ودنى ما ببقاش مبسوطة :)
ــــــــــــــــــ
ههههههههههههههههههههههههههههههههههههههههههههههههه
رفاهية؟؟؟
والله كلنا تعبانين يا دكتور

انا كنت كده زي حضرتك في سنة اولي لازم اقعد في البنش الاول عشان افهم واسمع كويس واشوف كويس
بس بعد كده لقيتها مش فارقة
ورا من قدام
كله زي بعضه
المهم اني اكون فايقة
وده بفقده في المحاضرات المملة
بنااااااااااااااااام
اما المحاضرات اللي دكاترتها عندهم فعلا بريزينتشن سكيلز عالية
ببقي مبسوطة جداااااااااااا وانا في محاضرتهم
وببقي قاعدة ورا كمان
دلوقتي اللي بقي يأثر معايا طريقة شرح الدكتور
مش مستوي البنش
:)

نورتيني كتير يا دكتور
ويارب دايما
ومتحرميناش من زياراتك الجميلة
دمتي بكل ود
:)

سفروتة said...

fashkool
...........
عمو فشكول
يامرحبا يامرحبا


جميله الابتسامه ان تكون على وجوهنا دائما
فلا التكشيره حتحل المشاكل ولا وجع القلب
يبقى ما فيش غير الابتسامه
ـــــــــــ
صح يا عمو عندك حق


كليتكم يا سفروته من اصعب الكليات ومش عارف على ايه يا حسره
هى وكلية العلوم مظلومتان فى مصر
كان الله فى عونكم
ـــــــــــــ
ودي كمان عندك حق فيها
لو اهتموا بكليتنا شوية
هتبقي حاجة تانية خاااااااااااااااااااااااالص
كليتنا دي عايزة بوست لوحده


نورتيني يا عمو فشكول
دمت بكل ود
:)

سفروتة said...

safa7_karmooz
................

واجدع ابتسامة مني لابو السفاحين كلهم

جميل اللي انت بتعمله كل يوم الصبح ده

ويارب الابتسامة متفارقكش ابدا

تحياتي
دمت بكل ود
:)

سفروتة said...

اصحى يا مصر : اسلام ديو
...........................
دايماً بيقال ان الصبر مفتاح الفرج
والصبر هو اللى خلاه يبتسم وميزعقش
لأن الصبر دا قوة ربانية
ـــــــــــــــــ
انت قصدك ع الدكتور صح؟؟
هو فعلا الدكتور مش بيكلم اللي بيضايقه من اول مرة
بيصبر عليه مرة واتنين
وساعات كمان بيتغاضي عن اللي بيحصل
هو بيأدب الشخص بس بطريقة حكيمة جداااااااااااااااااااااااا


ميرسي يا اسلام
ربنا يخليك


ونورت حبة صمت
دمت بكل ود
:)

سفروتة said...

ابو العريف
.............
كلماتك اخجلتني يا ابو العريف
ميرسي بجد
وان شاء الله تنور المدونة دايما

دمت بكل ود
:)

سفروتة said...

كيكي
........
لا مش معقووووووووووووووووووووولة
اخيرااااااااااااااااااااااا ظهرتي
صحيح
اظهر وبان عليك الامان
ههههههههههههههههههههههههههههههههههه

مبروك ع الافراج يا فندم


عارفة انا دايما والله اقول ان بكره احلى عارفة طول مافى امل فى حياه
ـــــــــــــــ
برافو عليكي يا كيكي
هو ده الكلام

نورتي يا ثكر
دمتي بكل ود
:)

سفروتة said...

عرفة فاروق السيوطى
........................

جميل كلامك يا عرفة عن الابتسام

ودايما في سعادة ومبتسم ان شاء الله

نورت المدونة
دمت بكل ود
:)

سفروتة said...

عاشقة الأحزان
.................
وعليكم السلام ورحمة الله وبركاته

مرورك مقبول طبعا يا فندم
وان شاء الله تتكرر الزيارة مرات ومرات

نورتي المدونة
دمتي بكل ود
:)

سفروتة said...

gogo!sf
.........
جوجو

بس بجد الواحد مش عارف يبتسم حتى وهو مبسوط ومش فى اى مشاكل بقى متأكد انه
حتى لو ضحك فلازم بعدها نكد فبناخدها من اصرها ومش نضحك خالص ولو ضحكنا عشان نرضى الناس فده مش بيكون من قلبنا
ـــــــــــــــ
اهه ده بقي الاعتقاد السلبي اللي لازم كلنا نغيره
لما نبقي مقتنعين من جوانا اننا مش هنفرح ولو فرحنا هنرجع نحزن تاني يبقي ده اعتقاد سلبي عن شئ ملوش وجود الا بادينا احنا
بادينا اننا نفرح
وبادينا اننا نحزن

اما عن والدك
فانا ضحكت جامد والله
معلش هما الابهات كده
:)
ربنا يخليه ليكي يارب

نورتي يا قمر
دمتي بكل ود
:)

سفروتة said...

MOHAMMED
...........
عندك حق في اللي قلته يا محمد
ومنقدرش نقول حاجة بعد نبينا عليه الصلاة والسلام
يكفي ان ديننا بيحثنا علي الابتسامة

نورت يا محمد
دمت بكل ود
:)

سفروتة said...

msafa
.......
الحمد لله

:)

سفروتة said...

amy
.....
سلامك سبق كلامك لاكلت لحمك قبل عظامك
ــــــــ
اهااااا
هو الدكتور قال كده عشان البنت اللي نرفزته؟؟؟
هههههههههههههههههههههههههههه
وانا اقول هو ايه المناسبة
ليه بيقول كده
اصلي منتش مركزة يا بنتي ساعتها
ما علينا


جميييييييييييييييل جدا انك تقرري انك تفضلي علطول مبتسمة
وتزرعي البسمة في كل اللي حواليكي

وانتي كالعادة يا بنيتي منورة بتعليقاتك الجميلة دي
ويارب متحرمش منها ابداااااااااااااااااااا

نورتي يا ملكة كوكب الزهور
دمتي بكل ود
:)

سفروتة said...

طوبة ذهب وطوبة فضة
..........................
جممييييييييييييل انك كنتي بتحبي تشوفي ابتسامته
فعلا البسمة دي شئ جميل

نورتيني يا قمر
دمتي بكل ود
:)

سفروتة said...

نعكشة
.........
هههههههههههههههههههههههههههههههههههههههههههههههههههه
ضحكتني قوي
قالتلي 1- ماشية تمدي
2- ضاربة بوز يقطع الخميرة من البيت

ياريت لو كل الناس تفكر كده انهم يمشوا وهما مبتسمين
هنبقي سعداء فعلا

نورتيني يا نعكوشة
ومتحرمش من زياراتك ابداااا
دمتي بكل ود
:)

سفروتة said...

الازهرى
..........

اهلا اهلا يا فندم
هههههههههههههههههههههههههههههه
ومقعدش جنب ايمي ليه
ايمي دي حبيبة قلبي
اطلع انت منها بس
:))


الابتسامة ليست مجرد شعارا للحياة فى رأيي بل هى الحياة نفسها
ــــــــــــ
هو ده الكلام
الابتسامة هي الحياة نفسها
بابايا بقي فيلسوف يا اخواتي
هههههههههههههههههههههههههههههههههه

حبة جد بقي
فعلا يا ازهري
الابتسامة هي الحياة لانها بتدينا امل في الحياة
وبتزيل اي هم ممكن نكون شايلينه جوانا
والاجمل انك تلاقي ناس فعلا طول ما انت معاهم بتبتسم بحق مش بتزييف
ياريت لو فعلا كل الناس تشجع بعض انهم يفضلوا دايما مبتسمين

انا شفت الموضوع
وعجبني جداااااااااااااااااااا
تسلم يا ازهري
وتسلم داغك وطريقة كتابتك

دمت بكل ود
:)