Friday, March 13, 2009

مجتمع المدونين


بداية كده انا قصدت ان العنوان يكون مجتمع المدونين وليس مجتمع التدوين
لاني هتكلم عن الاشخاص المدونين وليس مدونات الاشخاص
:))
توهتوا
طووووووويب
بصراحة كده من يوم لقاء المدونين وانا الكلام ده واقف في زوري وعايز يخرج ويأبي ان يظل في حبة صمت


نبتدي الكلام وخليكم معايا واحدة واحدة


دلوقتي انا بشوف تعليقات ناس كتير في مدونات كتير وفي مدونتي
بجد بحس اني قدام ناس فكرها عالي اوي
فاهمين الدنيا كويس اوي
مثالية ملهاش حدود



ولما روحت لقاء المدونين
قابلت ناس بجد اعجبت بفكرهم جداااااااااااااااااااااا
ناس رااااااااااااااااااااااااااااااائعين بجد
وكنت سعيدة اوي وانا بتكلم معاهم



لما بروح الكلية اعرف ناس كتير قوي ماشاء الله عليهم
دماغهم بجد تستاهل ان الواحد يحترمها



كل اللي اتكلمت عليهم فوق دول ايه
شبااااااااااااااااب
صح؟؟
ايون شباب


ودايما فيه جملة بسمعها كتير اوي وفالقين دماغنا بيها
لما اي حد كبير يطلع يتكلم في التلفزيون او الراديو

الشباب هما مستقبل البلد دي
!!!!!!!!!

طب يا عم الحج الشباب اهو زي الفل
فين بقي المستقبل الوردي
اللي بتتكلموا عليه ده


بجد انا لمست الموضوع ده قوي من ساعة لما دخلت التدوين
حسيت ان المدونين دول مجتمع لوحدهم
ولما سألت بابا
قاللي اصل دول الفئة المثقفة الواعية اللي عندها فكر
طب انا ملقيتش كده بس في التدوين
لقيته برا كمان


اومال ايه اللي بيحصل
هل احنا فالحين في الكلام وبس
ولا عاجزين عن تنفيذ اللي بنقوله
ولا هما مش عايزينا ننفذ اللي بنقوله



والله بجد هتجنن
احنا زي الورد
بس محتاجين اللي يروينا باستمرار
والله احنا ي الفل
وانا مقتنعة بده تمام الاقتناع
بس لحد امتي هنوصل لمرحلة التنفيذ ؟؟؟؟؟؟؟؟؟؟؟؟؟؟؟



حد يجاوب عليا

24 comments:

mohamed ghalia said...

أقلك إمتى
لما كل واحد فينات\ يحدد طموح ويبدأ يشتغل
لما نشتغل أكتر مبنتكلم
لما نبطل نلقى كل حاجة على ظروف البلد ونسيب أخطائنا
إستنينى فى موضوعى الجاى على مدونتى إن شاء الله يكون فيه حلول

سفروتة said...

mohamed ghalia
..................
ياااااااااااااااااااااااااااااه يا محمد
انا لسة مجاوبة ع السؤال بتاع الطموح ده من شوية

وفعلا بسعي اني احققها وبعمل كل جهدي

مع انه في ناس كتير جداااااااااااااااااااااااااااا بتحبطني

بس انا هبدأ بنفسي زي ما قولت

ومستنية موضوعك الجاي ان شاء الله

نورت يا محمد
ويارب دايما
دمت في سعادة

مسدس صغير said...

هيييييييييييييييييييييييه
هى الدنيا كده
نعمل ايه بس فى الحظ الحلو بتاعنا
اللهم لا اعتراض
انا مثلا من الرعيل الاول للمثقفين فى مصر من التلاتينيات وجاى عملت ايه؟؟
لسه مخلص حقوق من 3 سنين ولسه متجوزتش
حد يقول كده فى الدنيا؟؟
ههههههههههه
بوست رائع
احييكى عليه

MǿиY El-Shreef said...

لما يا يفروته البلد حالها ينصلح من اكبر راس فيها لحد اقل حد فيها .. الشجره الي جذرها فاسد مش بتنمو صح او مش بتكمل نمو اساسا الشباب عندنا بقى فروع شجره جذرها فاسد .. ربنا يصلح الحال وكل ده يتنفذ ياريييت ..

romansy said...

سفروته
دلوقتى اتمنيت ان اكون فى كوكب السفاريت
الكوكب اللى الملكه خايفه على الشعب ونفسها وبمجرد التفكير انها تسعد كل شباب الكوكب
بس الحكايه ان فى كوكبنا الحكايه مختلفه شويه لان لاسف فيه حاجات كتير محظوره للشباب المتفوقين ومقصوره بس على بعض الفئات من الناس
االلى بيدفعوا اكتر
لسه فيه حاجه غلط فى كوكبنا
ممكن مع انتخابات الملك الجديد
فيه حاجات تتغير

حررروووف said...

كلامك حاسينة واشيفينة بس هما بيرموا علي الشباب والمشكلة مش ف الشباب في حاجات تانية كتير
بوست رائع دمتي بلف خير

نعكشة said...

اعتقد انه مفروض احنا اللي نروي نفسنا بنفسنا و نمد جزورنا جامد في الارض عشان منحتاجش حد يروينا

الفكرة مش حد يروينا
الفكرة محدش يقطع شجرتنا بعد ما حاولنا نقويها

ونكبرها

و نعليها

بس

سلام عليكِ

blue-wave said...

زى مانتى قولتى بالظبط
احنا بنتكلم حلو اوى
لكن مش بننفذ حاجه
يمكن علشان مفيش قدامنا هدف
ويمكن علشان الهدف بعيد اوى
ويمكن علشان مفيش حد بياخد بايدنا

سفروتة said...

مسدس صغير
.........
اهلا مسدس بيه

طيب تفتكر ليه كل ده حصل معاااااااااااك؟؟

ما هو انت لو تستخدم المسدس اللي معاك ده
كنت عملت اللي انت عايزه
:))

برضه مش جاوبت علي سؤالي يا مسدس بيه
عموما انا ذات نفسي مش لاقية اجابة
خير

نورتني يا فندم
دمت بكل ود
:)

سفروتة said...

MǿиY El-Shreef
..................
عندك حق يا موني

نورتيني يا بنوتة
دمتي بكل ود
:)

سفروتة said...

romansy
..........
ههههههههههههههههههههههههههههههههه
ماشي يا عم
كوكب السفاريت يرحب بكم
بس للزيارات مش للاقامة
ها
هههههههههههههههههههههههههههههههه

............
لسه فيه حاجه غلط فى كوكبنا
ــــــــــــــــ
امتي بس الحاجة الغلط دي تتصلح
امتي

نورت يا فندم
دمت بكل ود
:)

سفروتة said...

حررروووف
...........
اهه انا بقي نفسي الحاجات التانية الكتير دي تتصلح

نورتيني يا حروف
دمتي بكل ود
:)

سفروتة said...

نعكشة
...........
اعتقد انه مفروض احنا اللي نروي نفسنا بنفسنا و نمد جزورنا جامد في الارض عشان منحتاجش حد يروينا
ـــــــــــــــــ
انا معاكي في النقطة دي بس واحنا بنروي نفسنا في ناس كده بتيجي في النص كل وظيفتها الاحباااااااااااااااااااااااااااااااااااااااااط

وفي الوقت ده بنبقي محتاجين اللي يشجعنا
مش هيكفي اننا نعتمد علي نفسنا فقط عشان حالنا ينصلح

نورتيني كتير يا نعكوشة
ويارب دايما
دمتي بكل ود
:)

سفروتة said...

blue-wave
...........
ويمكن علشان مفيش حد بياخد بايدنا
ـــــــــــــــــــــ
هي دي يا دكتور
كتير مننا عنده هدف
بس اللي يشجعه

نورت يا دكتور
دمت بكل ود
:)

Eno said...

محتاجين كلنا نسعي من اجل هدف واحد محدد

لكن طول ماكل حد بيفكر في تراك لوحده مش هيكون في ترابط وبالتالي مش هيكون في انجاز

موضوعك مهم جدا وحلو جدا :)

”*°•.˜”*°•..سونه..•°*”˜.•°*”˜ said...

hi.
السلام عليكم .
جميل منك احساسك ده
بجد لو كل واحد يكون قلبه على غيره هتكون الدنيا احسن بكتير
واحساسك صح جدااااااا انا كمان شيفه فى الشباب طموح وافكار روعه وكويسه جدا بس اكيد الامكانيات هى العقبه وكمان عدم الصقه من الكبار فى الصغار
تحياتى ليكى على هذا البوست
((***ســـونه***)).

مـجـنـووون said...

في ناس كويسه كتير في اللبد

بس يا خسارة مش لقين الي يقف جنبهم ويتبني أفكرهم واحلامهم

الوقت قريب أن شاء الله بس كل واحد يعمل إلي عليه وأن شاء الله ربنا هيسهل الحال

تقبلي مروري سيدتي الجميلة
مجنووون

norahaty said...

ومين اللى حيديهم الفرصة للاثبات !
إن كان من اول رأس الدولة الى لخر الدولة قاعديييييين على الكراسى ومش عايزيين يسيبوها خالص الا الى ال(غفير)او
البساتين او السيدة نفيسة مثلاً

EMMY BABY said...

ينقصنا ضعف الهمة لتنفيذ ما نقول وما نؤمن به

سفروتة said...

Eno
.....
فعلا يا اينو ده سبب من الاسباب اللي عاملة فينا كده

صحيح فيه نفوس ضعيفة كتير
وفعلا محتاجين حل للموضوع ده

نورتيني كتير يا بنوتة
دمتي بكل ود
:)

سفروتة said...

سونة
......
وعليكم السلام

الامكانيات
ودي كمان سبب من الاسباب

نورتي يا سونة
دمتي بكل ود
:)

سفروتة said...

مجنووون
.........
ما هي المشكلة يا مجنون ان الناس الكويسة دي مش بتظهر زي الناس التانية
اموت واعرف ليه

نورت يا مجنون
دمت بكل ود
:)

سفروتة said...

norahaty
...........
ههههههههههههههههههههههههههههه
كده يا دكتور احنا هيزورونا بعيش وحلاوة
بس بجد احنا محتاجين تغيير جذري
فعلااااااااااااااااااااااااااا
عايزين الفكر الجديد يظهر
طول ما هما قاعدين مش هنعمل حاجة

نورتي يا احلي دكتورة
دمتي بكل ود
:)

سفروتة said...

EMMY BABY
............
والله يا بنتي انا بشوف ناس كتير عندها همة وبتشتغل بس مغمورين
وده لانهم عايزين يقتلوا كل حاجة حلوة فينا
عارفة جملتك دي المفروض تطبق عليهم هما
اللي ماسكينها
ااااااااااااااااااااه بس لو يبقي فيه ضمير وتخطيط كويس
كنا هنبقي فلة

نورتي يا مامتي
اموووووووووووووة
:)