Sunday, March 8, 2009

هيــــّصوا يا سفاريــــــــت



حالة من الصخب والضوضاء وعدم الهدوء تجتاح المملكة السفروتية منذ عدة ايام





استعدادا لاقامة الاحتفال الكبير والذي تقيمه مليكة مملكة السفاريت بمناسبة يوم ميلادها المبجل




الثامن من مارس





حيث اتممت عامها التاسع عشر





وقد تضافرت الجهود واحتشدت الحشود لحضور هذا الاحتفال المهيب




تعبيرا عن حبهم لمليكتهم وراعية امنهم سفروتة هانم





وقد امرت سفروتة هانم (اللي هي انا) بطرح العملة الجديدة لمملكة السفاريت






الساتيه السفروتي




معلنة بداية عهد جديد من الاموال السفروتية متمنية لشعبها دوام الانفاق وتنفيض الجيوب





كما قام فنانو المملكة العظام بعمل جدارية كبيرة بطول كوكب السفاريت تعبيرا عن مدي حبهم لمليكتهم وسيرفع الستار عن الجدارية عند بدأ الاحتفال





وقد اعلنت السلطات المختصة بأن يوم الثامن من مارس هو يوم العطلة الرسمية لكل افراد الشعب السفروتي




وقد تلقت سفروتة هانم العديد من برقيات التهنئة من ملوك ورؤساء الكواكب المجاورة متمنين لها دوام الصحة والعافية وطولة العمر وراحة البال




............................................


علي فكرة عايزة اقول ان شهر مارس ده شهر العظماااااااااااااااء





طبعا لانه فيه يوم ميلادي




يوم ميلاد جدي العزيز



يوم المرأة العالمي ... 8 مارس برضه



يوم المرأة المصرية ... 16 مارس



يوم الام



يوم ميلاد بابا العزيز

يوم ميلاد المدونة العزيزة زي الهواااااااااا ... ونفس يوم ميلادي كمان .. هنيئا لكي يا بنيتي

يوم ميلاد دكتور محمود عندنا في قسم السمك ... وبرضه في نفس يوم ميلادي



يوم ميلاد المدون محمد غالية ...عرفنا ده من التعليقات .. هنيئا لك يا محمد ميلادك في شهر العظماء



مذبحة القلعة :))







.............................................




عشان محدش يبقي له حجة ادي التورتة الكبيرة اللي عملوها طباخين المملكة


شايفين الناس محتشدة ازاي


يللا يا اولادي بالهنا والشفا


كلوا من الدور اللي يعجبكم







والمثاثـــــــــــــة دي عشان الانسة كيارااااااااااااااا












اما بقي البسبوسة دي عشان السيد المبجل رومنسي عشان ميبقاش له حجة





اهيه البسبوسة اهيه









السيد المبجل تامر الحسيني معجبوش ياكل من التورتة اللي هياكل منها عامة الشعب .... اصله نازل قدامي في الانتخابات السفروتية ...وطبعا عشان شعبي يحبني اكتر واكتر وينتخبني بداله احب اهديه التورتة الملكية اللي مبتنكشفش علي حد ابدااااااااااااا وبتتحط كده في المتحف السفروتي والناس تتفرج عليها


كان نفسي اجيبلك ملوخية يا تامر


:))




كل سنة وانتي طيبة يا نوران



ويارب تحققي كل اللي بتتمنيه




ربنا يخليكوا ليا يا بيتي التاني ويا جيراني المدونين




اسيبكم بقي تستمتعوا بالاحتفال العظيم




ولتبدأ مراسم الاحتفال

42 comments:

مسدس صغير said...

كل سنة وانتى طيبة.
بس انا معترض ان شهر مارس هو شهر العظماء.
شهر يوليو هو شهر العظماء
ومارس متزعليش.
وانتى بتقسمى المصاصات والبسبوسة على الناس كده طب واحنا هناكل تورتة بس؟؟
عااااااااااااااا
مليش دعوة انا عايز بسبوسة وعايز مصاصة كمان..
ههههههههههه
كل سنه وانتى طيبة وعقبال 100 سنه كمان.
كفاية..

مسدس صغير said...

يا لهوى بالى
بوه بوه بوه
آآآآآآآآآآآآنى أول تعليج؟؟
يا تلتميت مبروك.
زغرطى ياللى منتيش غرمانة..

كيــــــــــــارا said...

هييييييييييييييييييييييييييه مثاثه انا ليا مثاثه

اما اروح اشوف الاحتفال عن ايه اصل عنيا لمحت المثاثه نسيت نفساويتي وبلوجرو والدونيا

هروح وارجع :)

كيــــــــــــارا said...

كووووووووووول سنه وانتى طيبه

بجد خبر تحفففففففففففففه

والاتحف منه المثاثه :-P

كل سنه وانتي طيبه

والمراه طيببه
ومذبحه القلعه طيبه :)

مـجـنـووون said...

كل سنة وأنتي بألف خيررررر

ويا رب الأيام القادمة تكون احسن من الأيام الماضيه

وعقبال مليون سنه

تقبلي تهنئتي
مجنووون

Eno said...

كل سنه وانتي
طيبه ياسفروته وكل السفريت طيبين

انا هاخد حتت توته ليه وحته لفوكس ماشي ؟؟

كل سنه وانتي طيبه كمان مره يانور :)

mohamed ghalia said...

كل سنة وانتى طيبة ياسفروته
كل سنة وانتى الى طاعة الله اقرب
كل سنة وانتى بينا
أنا كمان مواليد شهر مارس
يلا سلام

سفروتة said...

مسدس صغير
.............
آآآآآآآآآني لو منك
كت طخيت عيارين من المسدس اللي حداك ده
عشان اول تعليج
:))
ـــــــــــــــــــــ
علي فكرة شهر مارس هو اللي شهر العظماء ... كفاية ناي متسجلة بيه عند الحكومة
:))

يا سيدي ما التورتة كتيرة والحمد لله
اللي هياخد مثاثة ملوش تورتة
وكذلك البسبوسة
اه
هي حاجة واحدة
قوية ومفترية انا
نياهاهاهاهاهاها

وانت طيب يا مسدس بيه
متشكرة جداااااااااااااا
ودايما منور
كل التحية
:)

amy said...

بصفتى المتحدث الرسمى لكوكب الزهور ...بقدم تهانيناالوردية لكوكب السفاريت..ونقدم تورتة الزهور بالكريمة والشوكولا..ونتمنى ان تنال اعجابكم..
كل سنة وانتى الى طاعة الله اقرب
كل سنة وانتى طيبة..

سفروتة said...

كيارا
.........
كركورة حبيبتي
يللا يا ستي استمتعي بالمصاصة
مش حرمتك من حاجة اهه
:))

وانتي طيبة وبألف خير يا جميلة
دمتي بكل ود
:)

*shosho* said...

كل سنة وانتي طيبة ياسفروتة هانم
ولا أقولك السيدة سفروتة هانم
اول زيارة ليا على خبر يوم ميلادك

طريقتك عسولة أوي على فكرة

وكل عام وانتي الى الله أقرب
تحيتي..

سفروتة said...

مجنووون
...........
وانت بألف خير يا مجنون
يااااااااااااااااااااارب
يسمع منك ربنا

يللا روح الحق نصيبك في التورتة
قبل ما تخلص
:))

نورتني ويارب دايما
دمت بكل ود
:)

سفروتة said...

Eno
....
وانتي طيبة وبألف خير يا اينو يا ثكرررررررررة

يا فندم انتي تاخدي التورتة بحالها
والاستاذ فوكس ياخد الحتة اللي تعجبه كمان
:)

نورتيني يا قمر
دمتي بكل ود
:)

سفروتة said...

mohamed ghalia
..................
وانت طيب يا محمد
كل سنة وانا بينكم فعلا
لانكم بجد حاجة جميلة اوي في حياتي
ربنا يخليك يارب

نورت يا محمد ويارب دايما
دمت في سعادة
:)

سفروتة said...

amy
......
يا هلا يا هلا
كوكب الزهور جاء عندنا
منورة يا ايمي

ربنا يخليكي ليا يارب
طبعا اكيد التورتة هتعجبني وتعجب كل شعب السفاريت
وبلغي تحياتي لكوكب الزهور

وانتي طيبة يا ثكررررررررررة
منورة دايما
دمتي بكل ود
:)

سفروتة said...

*shosho*
..........
ههههههههههههههههههههههههههههه
قولي اللي يعجبك يا فندم
اول زيارة وان شاء الله متكونش الاخيرة
ربنا يخليكي يارب
وانتي طيبة وبألف خير

نورتيني ودايما منورة ان شاء الله
دمتي بكل ود
:)

موناليزا said...

كل سنة وانتى طيبة ياحبيبتى وعقبال110 سنة

طوبة ذهب وطوبة فضة said...

كل سنه وانتى طيبه ياقمرايه ويارب اشوفك دكتوره قد الدنيا ومحققه كل اللى بتتمنيه ياررررررررررررررب

الازهرى said...

يسعدنى ويشرفنى كرئيس لوفد كوكبنا الغالى
بالاصالة عن نفسى ونيابة عن حكام الكوكب وشعبه ان ننقل لكم ارق تحياتنا وامنياتنا بعام سعيد
وعقبال 143 سنة ونص

بس 19 سنة برضه
يعنى من سن ابنى الوسطانى زى ايمى
هنيئا لكم اولادى

سفروتة said...

موناليزا
...........
وانتي طيبة يا قمراياااااا
بس 110 سنة كتير عليا
:)
ربنا يخليكوا ليا ياااااااااااااااارب

دمتي بكل ود منمونة
:)

سفروتة said...

طوبة ذهب وطوبة فضة
...................
وانتي طيبة يا احلي دكتورة بيطرية بتقفش في الفراخ
:))

ربنا يخليكي يا دهب
ويارب احقق فعلا اللي بتمناه
وانتي كمان تحققي اللي بتتمنيه

دمتي بكل ود
:)

سفروتة said...

الازهري
........
الباشا الكبير
ورئيس وفد الكوكب المجاور

............
يسعدنى ويشرفنى كرئيس لوفد كوكبنا الغالى
بالاصالة عن نفسى ونيابة عن حكام الكوكب وشعبه ان ننقل لكم ارق تحياتنا وامنياتنا بعام سعيد
وعقبال 143 سنة ونص
ـــــــــــــــــــ
هههههههههههههههههههههههههههههههه
اشمعني يعني ونص دي
ما تخليها 144
هههههههههههههههههههههههههههههههه
ربنا يخليك يا ازهري
وعقبال ما نبعتلك الوفد السفروتي يوم ميلادك ان شاء الله

...........
بس 19 سنة برضه
يعنى من سن ابنى الوسطانى زى ايمى
هنيئا لكم اولادى
ـــــــــــــــ
ههههههههههههههههههههههههههههههه
معلش بقي
ولادك زادوا سفروت
متخافش هجيب اكلي وشربي معايا
مش هكلفك في المصاريف اصلا
ده انا سفروتة
:))

نورت يا ازهري
دمت بكل ود
:)

EMMY BABY said...

بجد والله بوست جميييييييل اوى

كل سنة وانتى طيبة يا حبيبتى يا اغلى صحبة عندى يا سفروتى

ويااااااااارب السنة دى تبقى اجمل من اللى قبلها وتحققى فيها كل اللى بتتمنيه

كان نفسى اكون اول كومنت واول واحدك تقلك عقباااااال مليون سنة واحنا مع بعض

بجد الناس دى كلها مش كفاية علشان عيد ميلادك مفروض فعلا يكون يوم عالمى هههههههههه دى حبة مجاملة هه متركزيش ولا تتغرى

اممممممممممممممممواة

انا هاخد تورتتى الحقيقية فى الكلية

تحياتى

ايمى

سفروتة said...

EMMY BABY
...........
ايمااااااااااااااااااااااااااااااااااااااااااااااان

ناديتك والليل جفاني
وضوتي اتنبح وناتي ولا سامعاني

هههههههههههههههههههههههههههههههههههه
ايه رأيك في الدخلة دي

بجد بجد بجد بجد ومهما فضلت اقولك من كلام برضه مش هتعرفي انا بحبك قد ايه ولا انتي غالية عندي قد ايه

ربنا يخليكي ليا يارب يا اغلي صديقة في الدنيا دي كلها

وانتي طيبة يا حبي

ههههههههههههههههههههههه
ماشي هبقي اجيبلك التورتة في الكلية بس يارب تلحقيها
:))

..............

بجد الناس دى كلها مش كفاية علشان عيد ميلادك مفروض فعلا يكون يوم عالمى هههههههههه دى حبة مجاملة هه متركزيش ولا تتغرى

ـــــــــــــــــــ
حتي لو كانت مجاملة كفاية عليا انها طالعة منك انتي

اممممممممممممممممممممممممواه

دمتي بكل ود
ودامت صداقتنا الي الابد
:)

نعكشة said...

كل سنة وانتي بخير و بصحة و عافية و كريستال و هلا


يا رب في سنتك الجديدة دية من عمرك تحققي احلامك اللي محققتيهاش
وتتمني احلام جديدة تحطيها في المخططات و تحتحقق يا رب

عقبال شوية سنين كمان
كفاية عليكي
عشان الشعب ميزهقش
ولا اقولك
هوه هيلاقي مين غيرك يحكمه

عقبال مليوون سنة

سلام عليكِ

من غير عنـــوان said...

ياللا حالا بالا هنوا أبو الفصاد
حيكون عيد ميلاده الليله أسعد الأعياد

romansy said...

سفروته سفروته
كل سنه وانتى مسفرته اكتر من الاول
وتبقى ملكه فعلا فعلا
بس من على كل السفاريت على عرش قلب السفروت اللى هيخطفك
عقبال ميت مليون الف سنه
وشكرا شكرا شكرا على البسبوبه الجميله مع انى خدت قر ونق جامد
بس كلتها لوحدى برضه

يايت بقى تقبلى هديتى
http://noorin.jeeran.com/
sweeting.........jpg

سفروتة said...

نعكشة
.........
وانتي طيبة وبألف خير يا نعكوشتي

ياااااااااااااااااااااااااااارب يا نعكوشتي يارب

............
عقبال شوية سنين كمان
كفاية عليكي
عشان الشعب ميزهقش
ولا اقولك
هوه هيلاقي مين غيرك يحكمه
ــــــــــــــــــــ
ههههههههههههههههههههههههههههههههههههههههههههههههههه
طبعا مش هيلاقي غيري يحكمه
صحيح فيه ناس عايزين ياخدوا مني الحكم بس ده لا ممكن اطلاقا ابداااااااااااااااااا
وحتي بعد اما اموت روحي هي اللي هتحكمهم
:))

ربنا يخليكي يا نعوشة يارب
وميحرمنيش من زياراتك
دمتي بكل ود
:)

سفروتة said...

من غير عنوان
..............
فليحيا ابو الفصاد
هيـــــــــــــــــــــــــــــــــــه

هههههههههههههههههههههههههههههههههه
ربنا يخليك يا فندم

واشكرك ع الزيارة الجميلة دي
ويارب دايما منور
دمت بكل ود
:)

سفروتة said...

romansy
.........
وانت طيب يا رومنسي
هههههههههههههههههههههههههههههههههههههههههههههههه
يعني اتسفرت اكتر من كده اروح فين يعني
ها
اختفي
؟؟؟؟؟

...............

وشكرا شكرا شكرا على البسبوبه الجميله مع انى خدت قر ونق جامد
بس كلتها لوحدى برضه
ــــــــــــــــــــ
هههههههههههههههههههههههههههههه
عشان تعرف بس ان شعب السفاريت مش بخيل ولا حاجة
ها
وان كان ع القر والنق يا سيدي ما انت كلتها لوحدك اهه
يعني منقصش منها حتة
:))

نورت يا فندم
دمت بكل ود
:)

سفروتة said...

علي فكرة بقي
الهدية مش عايزة تفتح يارومنسي
عااااااااااااااااااااااااااااااااااااااااااااااا

بس برضه متشكرين يا فندم
تعبناك معانا

Tamer Alhosiny said...

عزيزتي الملكة السفروتية الجميلة

كل سنة وانتي وشعبك السفروتي هايص وفرحان
ومليان جداريات جميلة تشيد بنجاحاتك في ادارة المملكة

وكمان الشعب مهيص وفرحان ومعاه

ستاسيت كتير قوي
وهايص

وعقبال متبقي ملكة كوكب الارض وتعيشينا في نعيم احنا كمان يارب
اللهم امين

كل سنة وجللتك طيبة

واسمحي اقدم فرقة الموسيقي الملكية وهي بتعزف
هابي بيرس داي تو يو
يا سفروتة
هابي بارس داي تو يو

http://www.youtube.com/watch?v=Kqx8UvrFZBg

مع خالص ولائي وتحياتي لجلالتك
وامنياتي للشعب السفروتي العظيم

وعقبلنا يارب

Tamer Alhosiny said...

مش هنسي اقر علي المدعو رومنسي
الباشا معملو بسبوسة مخصوص

وكمان الانسة كيارا علي المساسات

واحنا يا عيني غلابة
هناكل تورتة مع العامة

انا بقي مبحبش التورتة ومش واكل

انا عايز اكل
اي حاجة مش موجودة
هه بقي
جبوهالي

smilyrose said...

كل سنة وانتى طيبة

يا اجمل سفروته فى الدنيا

وعقباااااااااااااااااااااااال

مليوووووووووووووووووووووووون

سنننننننننننننننننة

ويارب نشوفك اجمل عروسة سفروته

فى الدنيا

ياريت نصيبى من الببسوسة

هههههههههههههههههههه

smilyrose

وردشان

روح الحب الصادق

سفروتة said...

Tamer Alhosiny
................
وانت طيب يا فندم
ويارب متنجحش في الانتخابات
:))

علي فكرة انا جبتلك التورتة الملكية اللي اصلا مش بنخلي حد ياكلها
عشان تعرف بس ان احنا كرماء

..............
وعقبال متبقي ملكة كوكب الارض وتعيشينا في نعيم احنا كمان يارب
اللهم امين
ــــــــــــــــــــــــ
لالالالالالالالالالالالالالا بلاش كوكب الارض
انا كفاية عليا اوي كوكب السفاريت
عايشين في هدوء وراحة بال
كمان عايزيني انزل الارض؟؟
ده انتوا بتحبوني اوي
:)


............
واسمحي اقدم فرقة الموسيقي الملكية وهي بتعزف
هابي بيرس داي تو يو
يا سفروتة
هابي بارس داي تو يو
ــــــــــــــــــــ
ميرسي بجد
حالا هروح اسمع الفرقة الموسيقية

................
مع خالص ولائي وتحياتي لجلالتك
وامنياتي للشعب السفروتي العظيم
ــــــــــــــــــــ
كل التحية لسيادتكم
ميرسي بجد يا تامر
ونورت المدونة وصفحة التعليقات
دمت بكل ود
:)

سفروتة said...

smily rose
............
وانتي طيبة يا قمررررررررررررررررررررررر

ربنا يخليكي يارب

اما عن نصيبك في البسبوسة
فطبعا انتي تاخدي بسبوسة زي ما انتي عايزة
هو رومنسي يقدر يتكلم؟؟؟
هههههههههههههههههههههههههههههههههههههههههههههههههههه

ربنا يخليكي يا سمايلي
ودايما منوراني يا ثكرة
دمتي بكل ود
:)

romansy said...

http://noorin.jeeran.com/sweeting.........jpg

الهديه شغاله يا سفروته

مش بقولك فيه قر

علشان تصدقى

سفروتة said...

romansy
...........
ميرثي كتيييييييييييييييييييييييير
يا رومنسي

دي ليا وللشعب علي ما اظن
:))

اه ما هو باين كان فيه قر
ربنا يستر واكمل لحد العشرين بس

dodda said...

كل سنه وانت طيبه

زى الهوا said...

ضيفى عليهم ميلاد اعظم العظماء (( زى الهوا )) , لأ وكمان سمعت ف الراديو انه عيد ميلاد الجزر التربيعى ف شهر تلاتة اسألينى بقى ايه الجزر التربيعى دا اصلا اقولك ماعرفش , بس اكيد حد عظيم يعنى طالما ف شهر تلاتة

هابى بيرث داى بس 19 سنة نونه اووووووى

سفروتة said...

dodda
.........
وانتي طيبة يا دودا

ميرسي اوي

ربنا يخليكي

:)

سفروتة said...

زي الهوااااااااااا
....................
هههههههههههههههههههههههههههههههههه
ضفنا اسمك يا فندم
والحمد لله

بس مين الجذر التربيعي ده؟؟؟
ما علينا

وانتي طيبة يا مووووووووحا
ربنا يخليكي يااااااااااااااارب

:)