Thursday, February 26, 2009

معاناة بالطو ابيض

المشهد
الغرفة مظلمة ...من بالخارج يظن انها هادئة تماما...فهذا ما حدث معي
ولكن ما ان دخلت الي الغرفة حتي سمعت اذناي ما سمعته
حراااااااااااااااااااااااااااااااااااام عليها
هي مش حاسة بيا ولا ايه
كل يوم رايحة جاية وجاية ورايحة
وانا متمرمط معاها
مفيش ولا شفقة ولا رحمة
سنتين متبهدل معاها في التشريح والفورمالين وريحة المشرحة الفظيعة
اعااااااااااااااااااااااااااااااااااااااااااا
ولا الكيميا والالوان الغريبة اللي كانت بتعملها فيا
مش كفاية حمض الكبريتيك المركز اما وقع عليا
ولا ايديها لما كانت بتتبهدل بالمحاليل ومتلاقيش غيري عشان تبهدلني بيها
انتي ايه يا شيخة مبترحميش
حسي بيا شوية
لا وايه
السنة دي بقي
بكتريا وفيروسات
يادي القرف
يادي القرف
ويوم البكتريا ده بكره نفسي فيه
بعد اما بتخلص
تقوم مطلعة ازازة الديتول
وتغسل ايديها
ياربي علي ريحته
بتعصبني جدااااااااااااااااااااااااااااا
ولسة ياما هشوف
ستريبتوكوككس وستافيلوكوككس والسل كمااااااااااااااان
لااااااااااااااااااااااااااااااااااااااااااااااااا
انا لازم اوضع حد للمهزلة دي
انا لسة هستني كمان لرابعة وخامسة
انا لازم اخد موقف
ايوة ... اول لما تمد ايدها عشان تاخدني هقوم ماسكها من ايدها وبالايد التانية اديها بالقلم
وهقولها
ايييييييييييييييييييييييييييه مش لاقية غيري تتشطري عليه
هههههههههههههههههههههههههههههههههه
اكيد اكيد مش هتعرف ترد عليا وهتتخرس خالص وتبقي تلبس اي حاجة تانية
ولا يارب تروح كده وتدخل السكشن وتتهزأ مظبوط من الدكتور
وشكلها يبقي وحش قدام زمايلها
وبعد ما سمعت اسطوانة الغل دي من هذا البالطو
طبعا عقدت العزم اني مش هنوله اللي في باله ابدا
ومن سكات وبنظرة خبيثة له
مديت ايدي علي البالطو التاني اللي متعلق جنبه
وبصيتله وقولتله
هأ .... خليك كده مركون يا ابيض

31 comments:

مـجـنـووون said...

هو علشان تعب معاكي وشاف معاكي كتير

اول ما يتكلم ويشتكي من التعب تستغني عنه بالسهوله دي

علشان بس تعرفي ان البنات مفترين حتي من الجماد


تقبلي مروري
مجنووون

romansy said...

اما انتى
اقولك ايه بس
بس بعد كل دا بكل سهوله تركنيه وتحرميه منك بسهوله
اه منك انتى

انا حره said...

هيا كلها سنه رابعه وهيترمى رميه الكلاب مش هيطلع غير فالامتياز

يالا ياقمر عقبال البالطو الاسود والشابوه بتوع التخرج

EMMY BABY said...

ااااااااه يا ندلة رمتيه


هههههههههههههههههههه

بس احسن يستاهل لانه اصلا رضى انك تلبيسه يا سفروتة

هو طبعا ليه الشرف انا بهزر يا بنيتى

ولسة ياما هيستحمل لسة بدرى السنتين الجايين بعشرة اصلا

تحياتى

مامتك ايمى

سفروتة said...

مجنووون
..........
ههههههههههههههههههههههههههههههه
بالطو قليل الادب
عمال يشتم فيا
اسيبه يعني
انا حرمته مني وركنته في صمت
وده اسوأ انواع العذاب
هههههههههههههههههههههههههههههه

مالهم البنات بس يا مجنون
دول غلابة والله
والرجالة ظالمينهم

مرورك مقبول طبعا
ما انت دخلت عند واحدة مجنونة برده
:))

سفروتة said...

romansy
..........
اما انتى
اقولك ايه بس
ــــــــــــــ
اما انا ايه؟؟؟
ها
لا والنبي لا تقول يا رومنسي
ههههههههههههههههههههههههههههههههههههههه
غريب يارومنسي غريب

اعمله ايه يعني؟
ما هو لازم يستحمل
وبعدين يعني انا باخده كل يوم
ما انا باخد اخوه كمان
هو بس اللي مش مقدر النعمة اللي هو فيها
بيتغسل كل اسبوع
ويتنشر كده بشماعته ع الحبل
اه والله
بس بس يا رومنسي متخلينيش اتكلم اكتر من كده
ده اسمه بالطو ناكر للجميل
:))))))))))

نورتني يا رومنسي
كل التحية
:)

سفروتة said...

انا حرة
..........
لا احنا في بيطري عندنا البالطو ده اساسي


يالا ياقمر عقبال البالطو الاسود والشابوه بتوع التخرج
ـــــــــــــــــــــــ
ياااااااااااااااااااااااااااااارب
يسمع من بقك ربنا

نورتيني يا قمر
كل التحية
:)

سفروتة said...

EMMY BABY
.............
هههههههههههههههههههههههههههههههههههههههههههههه
مابلاش انتي يا ايمان
ده احنا في الهوا سوا
مسيرك تسمعي البالطو بتاعك وهو بيقول عليكي كده

وبعدين اصلا اصلا دي قمة الديموقراطية
اني انشر كلام المعارضة
:)))))
اه ما هو البالطو من حزب المعارضة

يلا يلا متخلينيش افتي كتير
احتمال تزوريني بعيش وحلاوة
:))

نورتيني يا بنت
كل التحية
بنتك ثفروتة
:)

arsenalwy said...

ليه الافترى ده

انتى بتستقوى عالبالطو

سعدت بمرورى عندك

arsenalwy said...

ليه الافترى ده

انتى بتستقوى عالبالطو

سعدت بمرورى عندك

blue-wave said...

هههههههههههههههههههههههه
والله معاة حق
دا حنا بنفترى عليه بشكل:))

كيــــــــــــارا said...

هههههههههههههههههههههههههههههههههههه


تحففففففففففففففففففففه هههههههههههههه

والله انتي عثل

سفروتة said...

arsenalwy
...........
هههههههههههههههههههههههههههه
افتري ايه بس
هو انا كويته بالنار لا سمح الله؟
هههههههههههههههههههههههههه

اكيد انا اللي اسعد بمرورك عندي
نورتني بجد
تحياتي
:)

سفروتة said...

blue-wave
...........
ههههههههههههههههههههههههههه
ماشي يا دوك
قويه عليا
انت مش بتسمع البالطو بتاعك ولا ايه؟
ههههههههههههههههههههههههه
نورت يا فندم
تحياتي
:)

سفروتة said...

كيارااااااااااا
..................
والله انتي اللي عثـــــــــــــل يا كركورة

وحشتيني جدااااااااااااااااا

نورتي يا ثكرة

تحياتي
:)

مـجـنـووون said...

بالله عليكي مظلومين

بصي حوليكي شوفي الستات بتعمل ايه

وأحلي حاجه في الدنيا الجنون

تقبلي مروري
مجنووون

Tamer Nabil said...

طيب ينفع كدة

تسيبى الريس مركون



بعد ما تتعب معاكى

لا كدة زعل

ولازم تصالحية

ههه

ربنا يكرمك

تحياتى

اقصوصه said...

هههههههههههههه

مسكين البالطو

شايل وساكت :)

ليكوريكا said...

قعد يعمل معايا كده

لحد مواحد اتحرق :(


والتاني واحد خدجه وجابلي واحد تاني من وسعه بغرق فيه

هيعمل ايه بقي

قدره

وكل ميسر لما خلق له

نعكشة said...

هوه الخسران
هههههههههههههه

لأ بجد عجبتني خليك كدة مركون يابيض

ربنا يعينك يا بنتي
و يعين البالطو التاني بقة

و اما نشوف التاني هيرجع يعيط عشان تاخدية تاني بدل التراب و الكرنة اللي فيها

سلام عليكِ

mohamed ghalia said...

أنا محمد غالية
وجاى اقولك انى سعيد جدا بتعرفى على حضرتك فى حفلة التوقيع
دمتى فى سعادة

Eno said...

هههههههههههههههههههه
يااااااااه معناه بحق وحقيقي

ايه يابنتي ده ارحميه شويه :)

انتي انسانه حلوه اووووووي ربنا يكرمك يارب :)

سفروتة said...

مجنووون
..........
هههههههههههههههههههههههههههههههه
انا مش هرد بقي
احنا اتكلمنا بما فيه الكفاية النهاردة
بجد كان يوم جميييييييييييييييل جدااااااااااا
وسعيدة بمعرفتك بجد
وكل اللي شفتهم النهاردة

:)

سفروتة said...

Tamer Nabil
...............
هههههههههههههههههههههههههههههه
قال اصالحه قال
ده هو اللي يعتذر
بلاطي اخر زمن
هههههههههههههههههههههههه

نورت يا تامر
:)

سفروتة said...

اقصوصة
.........
هههههههههههههههههههههههههههههههههههه
ماشي يا اقصوصة
قويه عليا قويه

نورتي يا قمر
:)

سفروتة said...

ليكوريكا
..........
فعلا يا ليكو
كل شئ مسير لما خلق له

معلش ع البالطو اللي اتاخد واخدت بداله واحد واسع عليك
ابقي ضيقه
هههههههههههههههههههههه
عذاب التضييق ده برضه
صح؟

معلش يستحمل

:)
نورت يا ليكو
ومتغيبش كتير

سفروتة said...

نعكشة
..........
هههههههههههههههههههههههههههههه
عندك حق هو الخسران هيتبهدل تراب بعد اما كنت بغسله بالكلور والاريال

نورتيني يا نعكوشة
تحياتي يا ثكررررررررررررررة
:)

سفروتة said...

mahamed ghalia
................
منور يا محمد
انا اللي بجد سعيدة جداااااااااااااااااااااااااااااااااااااااااااا اني شفتكم النهاردة
بجد ناس جميلة قوي واتمني انه يكون فيه تواصل دائم ما بينا ان شاء الله

دمت في سعادة
:)

سفروتة said...

Eno
........
هههههههههههههههههههههههههههه
شفتي يا بنتي
انا بس حبيت انشر رأي المعارضة

علي فكرة انتي اللي بجد انسانة جميلة اووووووووووووووووووووووووووي وبريئة وباين عليكي انك حد طيب قوي
بجد فرحانة جدااااااااااااااااااااااااا اني اتعرفت عليكي النهاردة

دمتي بكل ود يا ثكرة
:)

norahaty said...

يااااااااااااااخبر على البالطو
اثناء الدراسة واللى شافه معايا
فى سنوات المعامل والكيميا مأساة
بعيد عنك ياسفروتة حمض الكبرتيك
ده أكل اكل فى القماش
يلا اه دونيااااااا

سفروتة said...

norahaty
.............
ههههههههههههههههههههههههههههههههههه
ايــــــــــــــــــــــه دوووونيااااااا
وحدووووووووووووووووووووووووووووووه
ههههههههههههههههههههههههههههههههههههههه
والله يا دكتورة تعرفي انا نفسي بس اوضح نقطة مهمة جداااااااااااااا
وهي ان البوست ده صحيح اسمه معاناة بالطو ابيض
لكن المعني الحقيقي اللي اقصده
هو معاناتنا احنا الطلبة
والغلب اللي بنشوفه من الكلية

نورتيني يا دكتورة
ويارب دايما
دمتي بكل ود
:)