Thursday, February 19, 2009

براعة من نوع خاص


ان تكون بارعا في مجال عملك ... شئ جميل

ان تكون بارعا في التحدث الي الاخرين ... عظيم جدا

ان تكون بارعا في جذبهم اليك ... عظيم ايضا

ان تكون بارعا في القيام بشئ ما اجمع الاخرون علي انك الاقدر علي فعله ... امر ممتاز


ولكن ... ماذا عنها هي؟؟


لقد وجدت نفسها الي جانب هذا كله .. انها الابرع في شئ لم يره عليها الاخرون قط

فهي بارعة في ذرف الدموع


بررت لنفسها تلك البراعة .. حين وجدت ان كل من عرفتهم طيلة حياتها كانوا يذرفون دموعهم .. اما علي هؤلاء الذين طويت صفحاتهم في الدنيا وذهبوا الي العالم الاخر .. او علي جرح غائر داخل قلوبهم تركه من كانوا يحبونهم ... او علي فشل في امر من امور الحياة ظل يلاحقهم اينما كانوا


ولكنها تبكي لانها تعلم تمام العلم
انها احبته بصدق

تحتفظ له بكل مشاعر التقدير والاحترام

وهذا ما يجعل من نسيانه امرا صعبا

ولماذا هو تحديدا من احترمته بهذا القدر؟؟؟


بكت ... حينما علمت انه لم يعد هناك من يسألها عند اي جزء من القرآن قد توقفت قراءتها

بكت ... حينما حاول هؤلاء الذئاب ان يهاجموها ..كم تمنت ان يكون معها في تلك اللحظة .. حتما كان سيحميها منهم

بكت ... حينما تذكرت انها لم تقدر علي مساعدته كما كان ينتظر منها

بكت ... حينما فقدت الامان الكامل .. الامان المطلق .. الذي كانت تشعر به من قبل

بكت ... لانه لن يعود لها ثانية


اسندت ظهرها الي وسادتها .. تناولت المصحف .. وقعت عيناها صدفة علي سورة يحبها .. فانهمرت مجددا في البكاء

29 comments:

المبرمج المحترف said...

بجدالبوست مؤثر جدا

بس الاهم ان مش كل شء الانسان يبرره بالبكاء
لكن لازم نواجه

تحياتى

EMMY BABY said...

مش عارف ارد دلوقتى بجد

طوبة ذهب وطوبة فضة said...

بجد الموضوع صعب اوى ربنا يصبرها ويلهمها السلوان

EMMY BABY said...

بصى يا نورى الدنيا مبتتوقفشى عند شخص واحد ولا عمرها هتتوقف

مهما كان الحب ساعات كتير بيملا قلوب ويسيطر عليها زى ما نفس الحب ده مع الايام ممكن يضيع ويختفى بسهولة

الانسان ربنا اداله عقل يميز بيه الامور ويعرف كويس انه فى الدنيا دى مهما عمل ومهما بكى ومهما لف ودار هو مش هياخد اكتر من اللى ربنا كاتبوهوله


عارفة والله يا نوررى ساعات كتير بنقف عند شخص ونعتبر انه من غيره هتقف الحياة لكن ربنا بيبعتلنا الشخص ده علشان نتعلم من الحياة

هى مقدرتش تساعده زى ماقلتى فى القصة وهو مقدرشى يتقبلها على كدة

تفتكرى لو كانوا كملوا كانوا هيفضلوا فاهمين بعض

لازم تكسر الرابط اللى فى دماغها مابين اى حاجة بتعملها ومابين انها بتفتكره

لازم تكون اقوى من اى رابط اكون فى دماغها

وعلشان تكسر الرابط لازم تفهم ايه قيمة اللى فى ايده لو مكنشى الشخص ده موجود

فاهمنى يا نوران

نورااااااااااااااااااان انا بحبك جدااااااا ولو الزمن فى اى يوم فرق مابينا لاى سبب مش هنساكى ابداااا يا نوران

صوت من مصر said...

بوست رائع جدا


بس كئيب شويه

تحياتى من اقل بنى ادم علق عندك لكن عجبه الكلام وقال عليه جميل

smilyrose said...

حبيبتى نورى

ما أكثر الدموع التى تذرفها قلوبنا

ما اكثر الامنيات التى

تضيع من بين ايدينا

وما اكثره من شوق الى لحظة آمان

يحسها القلب وتنعم بها النفس

فلتجعل آمانه بكتاب الله

ولتحلم بلقاء فى زمن جميل

خالى من الذئاب مع من يحبها

وتقدر ويقدر ان يكونا يوما

انسان واحد فا للدموع من توقف

وردشان

smilyrose

روح الحب الصادق

Dr.A.S. black armor said...

البوست بجد فياض بالمشاعر وذلك الحنين الذى يسكن قلوبنا بعد الفراق .. ذلك الاحساس بانعدام الامان والوحدة والفراغ وكانك تقف فى وسط البحر وحدك ... صدقينى احس بكل كلمة لانى مازلت احمل ذلك الحنين
دمتى مبدعة

محاولة لكسر الصمت said...

سيدتي هي لم تبرع في البكاء فقط, بل كانت أكثر براعة في الحزن, قد رحل لكنه لا زال في قلبها باق..

المحارب المتيم said...

السلام عليكم

كلمات بحق مؤثرة ربما لأننا نعيشها فأحسسنا بها وربما لأننا شعب به بعض بقايا العواطف القديمة

ولكن لا أتخذ البكاء سبيلا وان كان يقهرنى أحيانا أنا الذى شهد لى الجميع بقسوة القلب والشدة ولكن ما بيننا وبين نفوسنا شئ وما يراه الآخرين شئ آخر
تحياتى

dodda said...

لما حد بيمشى من حياتنا بشكل مؤلم

بيفضل الالم موجود معانا لفتره
وشويه والحياه او القدر بيحطلنا حجات تخلى الحد ده بحلوه والامه يرجع لورا شويه
وتبقى الصوره سوفت والوانها افتح..
وبتراكم الحاجات يتبقى بس ذكريات
لما نفتكرها مش حندمع بقى لا الذكرت حنحط على الشفايف بسمه مش حلوه اوى بس حتبقى موجوده....
بس

هى الحياه كده ليه بقى ليها لون تانى؟!

amy said...

دموع من اجل ذكرى تائهة..من اجل امان غائب..من اجل حياة مضت ..
ولكن ما اكثر اللحظات التى نقضيها فى صفحات الماضى..اليس امامنا حياة تنتظرنا..واحلام منتظرة ان نحققها..قيل ذات يوم..من يعمل ليس لدية وقت للدموع..لعل الايام يكون بين سطورها ما يمحو اثار الماضى ويضع مكانها حلم رقيق جميل..يفوح عبيرة على ايامنا الحاضرة والقادمة.والى لقاء قريب...لك تحياتى.

romansy said...

لماذا البكاء
كفى وكفى وكفى
لا تبكى يا عزيزتى لاتبكى
فان ليس للدموع نهايه اسكبى دموعا ولكن لتحيى بها ازهار جديده تجعل حياتك ذات جمال خاص

hasona said...
This comment has been removed by the author.
نعكشة said...

:(

البؤساء

ربنا يصبرها و يصبرنا جميعاً
اوحش حاجة فقدان الناس اللي بنحبهم
بس هيا دية الحياة بقة نعمل اية

مفيش غير اننا نستحمل

اسلوبك جميل قوي علي فكرة

سلام عليكِ

سفروتة said...

المبرمج المحترف
...........
البكاء هنا يا عمر كان مسكن ليها
هي شافت راحتها في انها تخرج دموعها
لكن اكيد مش هتفضل طول عمرها تبكي

نورت يا عمر
دمت بكل ود
:)

سفروتة said...

EMMY BABY
............
عارفة انك مش متوقعة اني ممكن اكتب بوست زي ده

:)

سفروتة said...

طوبة ذهب وطوبة فضة
....................
متقلقيش يا دهب
اكيد هي كويسة دلوقتي
:)

سفروتة said...

EMMY BABY
............
اكيد طبعا يا ايمان محدش هياخد اكتر من نصيبه واللي مكتوب ليه عند ربنا

بس دايما الانسان كده بتيجي عليه اوقات بيفتكر مواقف معينة واحداث معينة كانت في الماضي بالنسبة له شئ جميل ودلوقتي مش موجودة
صحيح الدنيا عمرها ما هتتوقف والمطلوب مننا اننا نسعي ونعمل اللي علينا ومنخليش اي حاجة مهما كانت تكون عقبة في طريقنا
بالعكس ممكن الماضي ده يكون هو الوقود اللي بيدفعنا دايما اننا نعمل افضل ما لدينا عشان نثبت اننا اقوياء مهما كانت الظروف

متقلقيش
هي بس كانت عايزة تنفس عن نفسها شوية
:)
يارب يا ايمي نفضل دايما اصحاب ومفيش حاجة تفرقنا عن بعض ابدااااااااااااااااااااااااااااااااااااا
وانتي عارفة مكانتك عندي قد ايه
نورتيني بجد
ومعلش لو كنت اكأبتك

سفروتة said...

صوت من مصر
..............
ربنا يخليك
وحضرتك مش اقل واحد ولا حاجة
بالعكس تعليقك اكيد شرف للمدونة
معلش بجد ع الكآبة والجو الحزين ده
بس يمكن فعلا انا قلت في اول بوست للمدونة اني هتكلم عن كل حاجة واي حاجةخلتني افرح او احزن او ارقص او اغني
هههههههههههههههههههههههههههه
معلش بقي انت جيت في الوقت الكئيب
نورت المدونة في اول زيارة واتمني انها تتكرر
كل التحية
:)

سفروتة said...

Smily Rose
.............
ما أكثر الدموع التى تذرفها قلوبنا

ما اكثر الامنيات التى

تضيع من بين ايدينا
ــــــــــــــــــــ
عندك حق يا روز
هي بتبقي اوقات الصدمة
بس بعد كده بنرجع لحالنا الطبيعي تاني
وبيبقي عندنا امل جديد في بكرة
تورتيني يا جميلة
ربنا ما يحرمني من زياراتك
دمتي بكل ود
:)

سفروتة said...

Dr.A.S. black armor
......................
اتمني ان يكون ذلك الحنين هو من يدفعك الي الامام وليس من يأخذك الي الوراء

كثيرا ما نشتاق الي ذلك الحنين وربما يضفي علي الشفاة ابتسامة منكسرة ولكن علينا الانتباه من ان نظل منجرفين وراءه ونهمل حاضرنا ومستقبلنا

فقط نتذكر منه ما يعيننا علي تلك الحياة

اشكرك علي ثنائك الطيب
دمت بكل ود
واتمني دوام التواصل
:)

سفروتة said...

محاولة لكسر الصمت
..................
قد رحل لكنه لا زال في قلبها باق
ــــــــــــــــــــــ
معك كل الحق ...باق في قلبها ولكن للذكري فقط ..ليعينها علي تخطي الصعاب كلما تذكرته...لتكون خطوات نجاحه قدوة لها

شرفت بمرورك الكريم
واتمني دوام التواصل
دمتي بكل ود
:)

سفروتة said...

المحارب المتيم
.............
وعليكم السلام

هناك اشياء لا نرغب دائما ان يرانا عليها الاخرون
كدموعها التي لا ترغب ابدا في ان تظهرها امام الاخرين
في شئ خاص بها
لا احد يملكها سواها

شرفت بالمرور الكريم
والزيارة الاولي
واتمني ان تتكرر
كل التحية
:)

سفروتة said...

dodda
........
كلامك ظبوط جدا جدا جدا يا دوددا

اما عن
هى الحياه كده ليه بقى ليها لون تانى؟!
في مقولة بتقول
دوام الحال من الحال
وعمره ما فيه حاجة بتفضل علي حالها
اكيد هيبقي في تغيرات
والوان الحياة هتتغير
بس الاهم اننا منخليش اللون اللي اتغير ده اغمق من اللي قبله
نحاول علي قد ما نقدر نخليه فاتح
ومحب للحياة
صحيح في لحظة صعبة بس اكيد هنقدر نتغلب عليها

نورتيني بجد
ويارب دايما
دمتي بكل ود
:)

سفروتة said...

amy
.....
ايماااااااااااااااااان عندنا هنا
بجد مش مصدقة



من يعمل ليس لدية وقت للدموع
ــــــــــــــــــــ
الدموع هنا كانت بمثابة المتنفس الوحيد ليها
ايضا هي لم تبكِ الا بينها وبين نفسها
لم يكن ذلك البكاء جزءا ثابتا من برنامجها اليومي
فقط للتنفيس



اليس امامنا حياة تنتظرنا..واحلام منتظرة ان نحققها
ــــــــــــــــــــــــ
بلي يا صديقتي ..امامنا تلك الحياة والتي تستعد دائما لمواجهة صعابها وانتي تعلمين ذلك جيدا



لعل الايام يكون بين سطورها ما يمحو اثار الماضى ويضع مكانها حلم رقيق جميل..يفوح عبيرة على ايامنا الحاضرة والقادمة
ــــــــــــــــــــــــ
لعلها..نتمني ذلك

ونتمني ايضا ان تزورينا دائما
ولا تبخلي بكلامك علينا
دمتي بكل ود
:)

سفروتة said...

romansy
........
هي لاتسكب دموعها دائما
ولكن فقط حين تشعر باختناق يملؤها
فتسكب دموعها وتستريح
وتعود لحياتها مجددا


ولكن لتحيى بها ازهار جديده تجعل حياتك ذات جمال خاص
ــــــــــــــــــــــــ
وهذا ما تفعله


نورت يا رومنسي
دمت بكل ود
:)

سفروتة said...

نعكشة
.........
اين انتي يا نعكوشة
وحشتيني جداااااااااااااااااااااااااااااااااااااا

عندك حق يا نعكشة
هي حاجة وحشة انك تفقدي حد عزيز عليكي
بس هي دي الحياة

ربنا يخليكي يارب
انتي اجمل

نورتيني يابنت يا نعكشة
ويارب دايما
دمتي بكل ود
:)

hasona said...

السلام عليكم

من نحبهم بأخلاص
ويبادلونا نفس الاخلاص في نفس الطريق
،،،
وفقدانهم يؤثر علينا وعلي حياتنا وقراراتنا
ويلون حياتنا بألوان مختلفة

تتغير معالم حياتنا
قد لا نجد من يهتم بتلك التفاصيل مرة أخري

نبكي لأمور كثيرة

لعل البكاء يطهرنا من الداخل والخارج
لعلنا نجد بين الدموع ما يرونا ظمئنا لتلك الايام
ليتها تعود
،،،
لكننا دوما نعود مرة اخري الي ما كنا عليه

فتصبح ذكري

وكل فترة نقبل في صفحات ذاكرتنا
ونروي ذكرانا

تحياتي

سفروتة said...

hasona
.............
وكل فترة نقلب في صفحات ذاكرتنا
ونروي ذكرانا
................
فعلا ده بيحصل كتير
ممكن ولو حاجة صغيرة جداااااااااا تفكرك بالماضي وذكراه

نورتني بجد
وسعيدة بتواجدك
دمت بكل ود
:)