Sunday, September 14, 2008

كنت طيبة والله

ايها السادة
وردنا الان نبأ عاجل من مملكة السفاريت


تم اغتيال مليكتكم ملكة مملكة السفاريت (سفروتة هانم) وذلك بعد ان اطلقوا عليها الرصاص وأودوا بحياتها في الحال،وقد افاد مراسلونا من موقع الحدث بان السبب وراء وذلك هو ذلك الشئ المسمي بالتاج والذي تلقته مليكتنا المعظمة من ايمي بيبي والمبرمج المحترف وتامر الحسيني،وقد افادت مصادر البحث الاولية بان الذي اطلق الرصاص علي السفروتة هو المدعو تامر الحسيني وجار البحث عنه لاستكمال التحقيقات ،وقد عثر رجال الشرطة علي التاج المدمم وبجواره اجابات الملكة المعظمة قبل ان تعلنها للجميع

وتنفرد محطة
Safrota TV

بعرض اجابات التاج -والذي اكتشفنا انهما تاجان- علي السادة المشاهدين

التاج الاول
كان من ايمي بيبي وتامر الحسيني


بدأت تدوين امتي؟ ودخلت العالم ده ازاي؟

بدأت تدوين في شهر يوليو 2007 ،اما دخلته ازاي فده هتلاقوه في بوست السنوية بتاع المدونة
:)



ايه كان انطباعك في البداية؟

اول لما عملت مدونة "سكوب" كنت فرحانة اوي لاني حسيت اني بمتلك شئ خاص بيا علي الشبكة العنكبوتية وهعمل فيه اللي انا عاوزاه،وعرفت بعدها اني واجب برضه اشقر علي جيراني المدونين عشان يعرفوا مدونتي ...وهذا ما كان



مين اكتر واحد بتهتم بتعليقه علي بوستك الجديد؟
كل الناس اللي بتدخل عندي وتسيب بصمة جيدة في مربع التعليقات بستني انها تكرر زيارتها في البوستات اللي بعد كده
لكن حقيقي بستني دايما زيارة ايمي وليكو وابو صلاح وزي الهوا وعمرو وجيه ودكتور بهدوء
وبنشكح اوي وبفرح جداااااااااااااا لما بلاقي الاتنين اللي بيفصفصوا مواضيعي تامر وساجي
ايه اهم حاجة اتعلمتها من عالم التدوين؟
عرفت يعني ايه حب بجد...لما تكون في اسوأ حالاتك النفسية وتلاقي جنبك ناس خايفة عليك وعايزة تطمن عليك وتفرح لرجوعك تاني
اتعلمت اني احترم وجهة نظر الاخر لان كل واحد له فكره وثقافته المختلفة اللي المفروض اتفهمها واعبر انا كمان عن وجهة نظري وكل ده في اطار الاحترام
ايه اكتر حاجة كرهتها؟
الناس اللي تدخل وتسيب كومينت ملوش علاقة بالموضوع اللي انت كاتبه نهائي
الناس اللي بتدخل تشتم وتصرح بالفاظ بذيئة ، بس الحمد لله ده محصلش معايا
الناس اللي بتسيب كومينت وتقول فيه زوروا مدونتي،مبحبش كده خالص خالص
حاسس ان التدوين له اثر؟
علي المستوي الشخصي: يمكن اكون اتأثرت شوية لاني عرفت افكار مختلفة واساليب مختلفة ،بالاضافة الي اني اكتسبت ناس زي العسل وبجد روحهم حلوة وجميلة
اما المستوي العام: كنت قريت في مرة ان رئيس الوزاء علق في احدي المدونات في مرة ودي كانت فعلا حقيقة وده معناه ان المدونات لها صدي عند المسؤولين ،ويمكن في يوم من الايام نسمع عن ثورة كان اساسها المدونين
كمان سلسلة مدونات مصرية للجيب اعتقد انها هيبقي ليها تأثير قوي علي الناس بعد اما يبقي كل مواطن في ايده مدونات مش مدونة واحدة
التاج التاني
كان من المبرمج المحترف وكمان تامر الحسيني
اذكر خمسة احلام علي الاقل تحص ماضيك وتحلم فيها بتغيير اشياء ماذا ستعدل وماذا ستترك؟
حلمت اني اكون دكتورة اطفال واملي العيادة بتاعتي صور كارتون وبيبيهات ولعب جميلة وشيكولاتة وبنبوني عشان الاولاد الصغيرين يحبوني
حلمت اني اقدم برنامج طبق اليوم ....ههههههههههههههههههههههههههههههههه...كنت بجيب مواعين المطبخ كلها واحطها قدامي واتخيل نفسي بقدم البرنامج وساعات كنت بستعين بفوانيس رمضان بعد اما افها 100 حتة
حلمت اني امسك البيبت في المعمل زي ما كنت بشوف الدكاترة في معمال التحاليل في التلفزيون ....ومسكتها فعلا
كنت هموت والبس النضارة ..هههههههههههههههههههههههههههههههههههه .. واديني لبستها ومبقيتش اقدر من غيرها
حلمت اني الف الفضاء كله والف ع الكواكب كوكب كوكب واعيش في كل واحد شوية.....من كتر ما كنت بتمني الحلم ده كنت وانا نايمة بحلم بالشهب والنيازك...اه والله ...وفي مرة حلمت ان المريخ والارض اصطدموا ببعض وحصل انفجار رهيب...يمكن تستغربوا لو قلت اني لسة بحلم اني اروح الفضاء وبحرص كل شهر اني اقرأ مجلة العربي عشان الملحق بتاعها لازم بيبقي فيه مقالة او اتنين عن الفضاء واخر اخباره
اذكر خمسة احلام علي الاقل تخص مستقبلك
بحلم اني اكون اشهر واكبر باحثة في علم الجينات والهندسة الوراثية....ويبقي عندي اكبر مركز لابحاث الجينات في العالم
نفسي اوي اوي اوي اروح احج وازور قبر الرسول الكريم...حلمت بيه قبل كده بس مشفتوش شفت نور جاي من بعيد
اجيب عربية عشان اخلص من قرف المواصلات واللي بيحصل فيها، واجيب لاب توب
اكتب اول كتاب ساخر ليا....واول صفحة هتكون اهداء لاعز مخلوق عندي في الدنيا دي كلها
بحلم بالبيت الجميل الهادي اللي هيضمني انا والانسان اللي قلبي اختاره ويبقي عندنا بنوتة عسولة هسميها افنان وولد امور باباه بقي هو اللي يسميه
:)
اذكر شخصين علي الاقل متواجدين في حياتك حاليا كنت تود وجودهم قبل الان بزمن
حبيبة قلبي ايمي ....وتامر الحسيني
الاتنين دول اثروا في حياتي جاااااااااااااااااااااامد
اذكر شخصين علي الاقل غير متواجدين في حياتك كنت تود وجودهم الان او في حياة اولادك مستقبلا
هو واحد بس ... سيدنا محمد
بجد كان نفسي اوي اكون عايشة معاه وفي بيته وافضل اتعلم منه كل حاجة كان بيعملها
لمن تهدي هذا التاج
انا هكون رحيمة بيكم يا جيراني المدونين ومش هرخم عليكم ومش همرره لحد عشان متدعوش عليا
بس اللي يعجبه ياخده بالف هنا وشفا
اهئ اهئ اهئ
كأنها كانت حاسة انها هتموت ومحبتش تتعب حد وتخليه يجاوب عليه...نتي طيبة والله يا جلالة الملكة
نحيطكم علما ايها السادة ان الجنازة ستشيع من مسجد النور بالعباسية (ده في كوكب السفاريت مش هنا في مصر) بعد صلاة الظهر

30 comments:

smilyrose said...

ياااااااااااااااه

أخيرا أول تعليق

smilyrose said...

الله عليكى يا نوران بجد اجاباتك رائعة
ادعيلى عشان اتعمل فيه المقلب دا

ومش عارفة أعمل ايه

المهم بجد عجبتنى اعجاباتك على الأسئلة

وفعلا تستحقى هذا التاج

وانا اليه راجعون

يالا كلنا لها

smilyrose

روح الحب الصادق

شفقة هانم واحسان بك said...

مبروك التاج يا قمر
كل سنة وانتى طيبة

EMMY BABY said...

لاااااااااااااااااااااااااااااااااااااااااااااااااااااااااااااااااااااااااااا

حطيت كومنت طويل عريض عريض طويل وبعد كدة ضاع اه يا ويلتى

نعيد من الاول

سفرووووووووووووووووووووتة مش مصدقة عنيا نزلتى بوست جديد بس والله اتخضيت اول ماشفت العنوان وقلت خير دخلت لاقت رصاص وضرب وناس وحشة ههههههههه تامر طبعا مش انا

بجد المقدمة هايلة كالعادة تموتى انتى فى اسلوب الاثارة والتشويق

بجد اسلوبك ممتع جدا وبيشوقنى

كل مرة يابنتى بتاكديلى من كلامك انك حد انالتيكال ولوجيستيك ويحب يعرف الحاجات الغريبة ويدخل مجالات جديدة ويكره الروتين موووووووت

طالعة لمامتك


بجد ربنا يخليكى ليا اخجلتم تواضعنا عندما ذكرتى اسمى فى بوستك

ربنا ميحرمناش من بعض ابدا


وربنا يحققلك احلامك كلها

حنين.. said...

ايه يا بنتى ضرب النار دا
شكللك كدا عليكى تار
هههههههههه
المهم
وحشتينى يا سفروتى
يا ترى ايه اخبارك فى الصيام
المهم يا رب يا رب من كل قلبى واحنا فى رمضان يتقبل دعوتى( ويحقللك كل احلالالالالالالامك)
بس احلام جامده بجد
انا بحب البنات اللى زيك كدا
هههههههههههههه
وعجيتنى اوى اوى المقدمه بتاعتك
هههههههههههههههههه دخلت فى المخيخ
وعقبال تاجات كمان
فى انتظار المزيد
حنين
وخاللك باللك من الصوايخ

ليكوريكا said...

ليكوريكا من الجمهوريه الليكوريكيه يتحدث الينا علي الهواء مباشرة (لايف يعني) ...

ليكو افندي رايك مين اللي قتل سفروته؟

سفروته ماتت موتت ربنا (قضاء وقدر)... معندناش حد في البلد بيتقتل !

طب تفسر بايه الاتهامات الموجهه لايمي بيبي وتامر الحسيني لتا ؟

احنا كده شعب يحب يرمي اتهامات وخلاص ... مقلنا ماتت موتت ربنا

طب وشريط الفيديو اللي نزل فيه ضرب النار اللي اتضرب علي مسفرته ؟

متفبرك ... متفبرك ... متفبرك
الفوتوشوب والموفي ماكر مخلوش للحكومه حاجه

طب ايه رد فعل الحكومه لاسرة الضحيه ؟

عادي عادي ... احنا قررنا صرف الفين سفروت تعويض لاهل المرحومه

وبعدين سفروته شوهدت بتتسفرت في اكتر من موضع ... وكانت بتعاني من خلل سفروتي من زمان ... انا بستبعد اي شبهه جنائيه تماما ... وبعدين اعتبروها سفروته وراحت ... خلااااث :)

وبعدين سفروته تي في بتتمول من امريكا ومش كل حاجه نسمعها ونشوفها ونتأكد منها نصدقها
وان مكنش الشعب يبقي اهبل ... مين اللي هيبقي اهبل ؟

الحكومه مثلا ؟

كان معكم ليكوريكا من اما مسرح الجريمه ... مملكة السفاريت ... الدقي :)

كل تاج وانتي طيبه

Tamer Alhosiny said...

عزيزتي الغالية سفروتة
البقاء لله
انا مكنتش اعرف ان الرصاصة هتموتك
ربنا يرجعك للشعب بالسلامة يا سيادة الملكة
انا والله كنت بضرب وعامل حسابي علي عاهة مستديمة تريح الشعب مش اكتر

هههههههههههههههههه

بجد اجاباتك كانت اكتر من رائعة
عجبتني جدا
بالذات برنامج الطبخ بتاع حضرتك
ياريت تبقي تديني المعاد بتاع عرضه علشان ادمر التلفزيون ومش اشوفه
ههههههههههههههههه
والله شكلك كدة اصلا مش ليكي في الطبخ
وبتضحكي علي المشاهدين

وبجد كنت سعيد قوي لما لاقيت اسمي في وسط الناس الاي بتهتمي بتعليقاتهم
لدرجة اني بصيت بصة سريعة
مش لاقيت اسمي اتخضيت
ههههههههههههه

اما عن حلمك باصطدام الارض والمريخ فا انا شفت الحلم ده انا كمان بس مش في المنام
في السينما
ههههههههههههههه
اصله قصة جت في 20 فلم امريكي
ههههههههههههههههه

اما عن احلامك الاي تخص مستقبلك
اتمني ليكي تحققيها
وتجيبي الاب توب والموبايل
بس متنسيناش برنة
ههههههههههههههههههه

اما الشيء الاي بجد حسيت بسعادة عليه
واحب اشكرك عنه فعلا

شخصين علي الاقل متواجدين في حياتك حاليا كنت تود وجودهم قبل الان بزمن
حبيبة قلبي ايمي ....وتامر الحسيني
الاتنين دول اثروا في حياتي جاااااااااااااااااااااامد

انا سعيد جدا بالكلام ده وشي يخليني اشعر بالفخر واتمني ان التاثير ده يكون تاثير ايجابي
ومش يكون قتل ورصاص بس
وكفاية انك طلعتي طيبة ومش اطلقتي الرصاص علي حد قبل ما تنتقلي لرحمة الله
بس علي فكرة انتي مش طيبة قوي
يعني علشان يبقا عنوان البوست

كنت طيبة والله

تحياتي
وان شاء الله هركب المركبة الفضائية
والحق العزاء في ميدان العباسية

تحياتي
تامر الحسيني
انسان عاشق حر
وقاتل محترف احيانا

elsha3er said...

السلام عليكم بجد اجاباتك جميلة وربنا يحققلك كل الحلامك يارب


احمد الشاعر

فارس بلا جواد said...

اجاباتك جميله علي التاجات
ربنا يحقق كل احلامك اللي ذكرتيها
وانا ملاحظ حاجه غريبة في التدوين .. ان معظم المدونيين يا اما دكاترة يا اما كان نفسهم يبقوا دكاترة
بس كنت حاسس انك هتكوني دكتورة اطفال شاطرة
علي العموم اكيد ربنا رايد ليكي الخير في مكان تاني .. المهم تكوني ناجحة فيه باذن الله
بالتوفيق دايما
تحياتي

blue-wave said...

الف بعد الشر عليكى
وبعدين انا اسف بجد بقالى فترة مازورتكيش
بس انتى كمان وحشه ومش بتسألى
عموما بجد تسلم ايدك على الإجابات اللى اغلبها كان متوقع
ومستنى زيارتك بقى
كل سنه وانتى طيبه

كلام على بلاطة said...

كل عام وانت بخير

romansy said...

اولا ايه اخبارك بعد الرصاتين اللى وصلولك من تامر الحسينى وايمى
اهم حاجه انتى بخير
تانيا بقى انا برضه بعتلك رصاصه
بس الحمد لله النشان خاب
اظاهر انا مش بعرف انشن كويس
ممكن اكون علشان مدخلتش الجيش
بس خلاص بقى اللى كنت عاوز اعرفه منك ادينى عرفته
اجاباتك ممتازه
تحياتى وحمد الله ع السلامه

Eman Eltaher said...

ياااااااااا
عجبتنى اوى المقدمة
لفتتنى جدا

برافو عليكى

و إلى الأمام بإذن الله

دى أول زيارة فعلا

و ان شاء الله تدوم زياراتنا التدوينية
:)

المبرمج المحترف said...

يااااااااااارب يحققلك كل امانيييكى يا نوران

وكويس انك جاوبتى التاج


كل سنه وانتى طيبة

تحياتى

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة ) فى هذا الرابط:

http://www.ouregypt.us/culture/main.html

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

بنوتة said...

دي أول زيارة لي في المدونة وهحطها في المفضلة عندي
بعد اذنك يعني
والبوست جميل واجاباتك حلوة ومش هقولك زوري مدونتي عشان متضايقيش بس انتي افهميها لوحدك

ساجي said...

كل سنه وانتي طيبه
البوست قريته من زمااااااان
حبيت بس أقولك كل سنه وانتي بخير
سلام

Dr.A.S. black armor said...

كل مرة اقرا تاج لحد من المدونين باتعلم منه كتييير وباعرف عنهم حاجات كتير بجد تشرفت بمعرفتك من التاج
كل سنة وانتى طيبة
وعيد سعييييييييد

نهر الحب said...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

Tamer Alhosiny said...

كل سنة وانتي طيبة يا نوري
وعيد سعيد

يارب تبقي بخير وسعادة

اتمني ليكي يارب ولمملكتك السفروتية اجمل عيد

ويارب العيديو منغير بندق تكون عجبتك

تامر الحسيني
انسان عاشق حر

فارس بلا جواد said...

ليه الغيبه الطويلة دي
يارب تكوني بخير وترجعي بالسلامة
وكل سنه وانتي طيبه

romansy said...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

الازهرى said...

برقية عاجلة
البقاء لله فى الملكة المحبوبة من شعبها والعادلة فى حكمها والمتولية شئون طبخها
والدبلوماسية فى ردها
رزق الله المملكة الصبر والسلوان وابدلها من يقوم مقام الفقيدة وجعلها الله اخر الاحزان

وتفضلوا بقبول وافر الاحترام

كيارا said...

اولا

اول مره ازور العسل ده كله بجد فرحت وانا في مدونتك
-------
ثانيا

كووووووول سنه وانتي طيبه ياقمرايا وعيد سعيد عليكي

----------
ثالثا بقي

مجلة العربي عشان الملحق بتاعها لازم بيبقي فيه مقالة او اتنين عن الفضاء واخر اخباره

**********

ههههههههههههههه انتي كمان بتقري العربي عارفه كل اما اقول لاصحابي عليها ولا يسمعوا عنها العربي اصلا بيبقي فيها شويه معلومات واخبار وغرائب تهوس بجد ببقي مبسوطه وانا بقراها وفرحت اوي انك بتقريها

-------
الناس اللي تدخل وتسيب كومينت ملوش علاقة بالموضوع اللي انت كاتبه نهائي؟

--- دي بالفعل بتجبلي ضغط وسكر وكل الامراض بحس ان الموضوع مفهوش اي تقدير للي عمل بوست وتعب فيه

--------

حلمت اني اقدم برنامج طبق اليوم ....ههههههههههههههههههههههههههههههههه...كنت بجيب مواعين المطبخ كلها واحطها قدامي واتخيل نفسي بقدم البرنامج وساعات كنت بستعين بفوانيس رمضان بعد اما افها 100 حتة

------

هههههههههههههههههههههههه

المهم قدمتيه ولا لسه

----------

فسي اوي اوي اوي اروح احج وازور قبر الرسول الكريم...حلمت بيه قبل كده بس مشفتوش شفت نور جاي من بعيد
----

احلي حلم بجد

ربنا يحميكي يارب

كل سنه وانتي طيبه مره تانيه

تحياتي

كيارا

L0vElYGh0sT14 said...

ابووووووس ايدك بلاش الألوان الكتيرة دي
اووووووف
قسم بالله معرفتش اقرا غير مقدمة النبأ والباقي زغللت عنيا فيه
كل سنة وانتي طيب يا سفروتة
تحياتي لكي بالعطور الفرنسية

dalia said...

كل سنة وانت طيبة يا نوران على فكرة التاج ده انت ظلماه بالعكس هو بيقربنا منك وبيعرفنا بيكي دمت بخير

دمعاتي said...

مجموعه لينكات ورا بعضها
من مدونه لمدونه
وصفحات تشيلني
ومدونات تحطني
وهوب اذا فجأة بيه
الاقيني هنا
بقرأ الكلام الجميل اللي لقيت حاجات منه انا متفق معاها
على كل

ربنا يكرمك
ويوفقك في حياتك
ويجققلك كل ما تتمني

Hossam said...

ٍلام عليكم
مدونتك لذيذة اوى
اسلوبك كمان مشوق انك تكمل قراية
تقبلى مرورى
سلام

will said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品