Saturday, July 19, 2008

والله ولبستي التااااج يا سفروتة




منذ زمن ليس بالبعيد...هبط علينا في كوكب السفاريت...تااااااج عتيد...من ساجي الشديد...واخذ التاج في الاهتزاز....وراح وجاء باعتزاز...وراسه والف سيف انه مش هيتجاوب الا بعد الامتحاناز (الامتحانات يعني) ..وكفاية الف ليلة وليلة لحد كده


المهم يا سادة...من كام يوم كمان ...ادبست في تاج تاني شبيه بدرجة كبيرة لتاج ساجي بس ده بقي من الدكتور عمرو فاروق...ومفيش حجج بقي اتحجج بيها تاني


فقررت بامر سفروتي مني انا اني اجاوب ع التاجين دفعة واحدة بعد ضربهم في الخلاط


استعنا ع الشقا بالله


................


اولا: اذكر اسم من دبسك في هذا الواجب


الدكتور مصطفي (ساجي)..... والدكتور عمرو فاروق



ثانيا :اذكر القوانين المتعلقة بهذا الواجب


قوانين ايه بس ....خلي الطابق مستور....مش تبقوا تحطوا قوانين الاول وبعدين تبقوا تسألوا؟؟؟



ثالثا:اذكر ستة اسرار قد لا يكتشفها من يقابلك للمرة الاولي


ستة مرة واحدة؟؟؟؟؟؟؟؟




طب انا هقول اللي بجد متأكدة منهم






رغاااااااااااااااااااية جداااااااا ودي ميعرفهاش الا المقربين قوي

-





داهية مسيحة ده علي حد قولهم ...ولما حبيت استفسر يعني عن معني الكلمة قالولي انهم لما بيشوفوني في الكلية

ميعرفوش اني بيطلع مني الابداع ده كله...وهذا هو معني الداهية المسيحة






مرحة جداااااااااااا بس الناس للوهلة الاولي بيعتقدوا اني مليش في الضحك والنكت والهزار -





رابعا : اذكر 16 صفة عن نفسك ....وساجي كان بيقول 10 صفات



طيب احنا هنضربهم مع بعض ونقسم البلد نصين ونطرح منمهم التلاتة اللي فوق وبكده يتبقي كااااااااااااااام ؟؟؟


احسبوها انتوا بقي





مستمعة جيدة جدااااا..ايون بحب اسمع للي قدامي كويس اوي..ويمكن ده اللي بيخلي ناس كتير جدااا يحكولي مشاكلهم ويفضفضوا معايا وهما مستريحين

...وكمان متأكدين ان كلامهم ده مش هيخرج بره المجال السفروتي بتاعي






عنيدة ودماغي جذمةٌ قديمةٌ ...لما بصمم علي حاجة يبقي لازم تتعمل وبيبقي الموضوع خلاص غير قابل للنقاش...واوقات الموضوع ده بيسببلي مشاكل كتير ...بس يعني بدأت اتخلص من العندية دي شوية بس مازلت برضه عنيدة






اول انطباع من البشر عني اني هادية جداااااا ..بس بعد كده لما باخد عليهم الشعننة بتظهر

-





بموووووووووووت في حاجة اسمها راديو ...بحب اسمع الراديو قوي وبشغله عندي في الاوضة الاربعة وعشرين ساعة حتي وانا نايمة الراديو بيبقي شغال






خجولة حبتين...ومن فترة كده كنت افتكرت اني تخلصت من الخجل ده وبقيت خلاص سفروتة جريئة ...بس رجعت تاني خجولة ...اينعم البنت لازم يكون عندها حياء بس مش الحياء الزيادة عن اللزوم ده






بحب القراية جداااااااااااااااااااااااااا-






غيورة اوي علي اللغة العربية...لدرجة ان الناس ممكن تتخنق مني من كتر ما انا بحب اوي اصلح الاخطاء النحوية او الاملائية-






فاشلة مطبخيا....ايون وبقولها عادي يعني ...مسيرنا نتعلم الطبيخ يعني مش نهاية الكون لو مش بعرف اطبخ لحد دلوقتي.....يعني مفيش مانع اني اعمل مكرونة ...شوية رز..احمر البطاطس حبيبتي...كده يعني






كتومة اوووووي ..وقليلين جدااا اللي يعرفوا مشاكلي او انا مضايقة من ايه...لاني مش بحب اشغل الناس بهمومي وبحس اني بكده بزود عليهم الهموم...والناس مش ناقصة بصراحة






مش بنسي بسرعة ابداااااااااااااا...يعني بفتكر كل حاجة ...واوقات فيه حاجات بفتكرها بتبقي مفرحة وحاجات مؤلمة اوووووي ...عشان كده بحسد الناس اللي بتنسي بسرعة



كسولة شويتين ..ويشهد علي هذا نضارتي حبيبتي ....فضلت قاعدة شهرين من غير نضارة ..ونظري ضعف خالص...بس الحمد لله عملت واحدة جديدة



كفاية عليكم كده عشان انا ذات نفسي تعبت



ولو حد فيكم عارف حاجة تانية عني يقول عشان نبقي ادينا الواجب حقه






خامسا : مرر هذا الواجب الي ستة مدونين




انا مش فاهمة بس ايه حكاية رقم ستة ده معاكم



يمرر هذا التاج من مملكة السفاريت الي الاتي ذكرهم






دكتور بهدووووء





تامر الحسيني





عمرو وجيه





ايمي بيبي





ليكوريكا





bota






وياويله اللي هيفلفص من التاج





وشكرا لسعة صدركم




رئيسة حزب السفاريت

نوران

40 comments:

EMMY BABY said...
This comment has been removed by the author.
EMMY BABY said...

سفروووووووووووووووووووووووووتى


بقى كدة لبستي التاج يوه قصدى التاجين ده حتى على رأيك تاجين فى الرأس يوجعوا

وكمان لبستيهولى
يابنتى عيب عليك دانا وانتى واحد

يعنى لما تلبيسه كأنى لبسته بالظبط

مع انى فرحت فيكى اوى ههههههه ساعة لما لبستيه

بس عينى عليكى باردة حليتى الواجب بضمير


بس بيقولوا قولى ستة تذكرى ثلاثة كدة خم يانورى

انا لو منك كنت حذفت السؤال مكنوش

خدوا بالهم بس ده بينى وبينك بس

بس يابنتى مانتى بجد عارفة ان انا وانتى صفاتنا شبه بعد فى حاجات كتير

ربنا يستر وميطلعش كوبى من البوست بتاعك ههههههههههه

وفى النهاية

اديكى 9 من عشرة علشان الخم والطبيخ

على اساس انى بعرف اطبخ بقى

تحيااااااااتى ليكى يابنت انتى ياسفروتى

Tamer Alhosiny said...

عزيزتي
الرغاااااااااااااااااااية جداااااااا
الداهية المسيحة
المرحة جداااااااااااا

سفروته

فضلت اضحك قوي وانا بقراء تعليقاتك عن نفسك
يا كسلانه والدليل النظاره
لحد ما جنباي وجعتني

كلها صفات تضحك بس حكاية الدماغ الناشفه دي مش متاكد منها
ياريت نتقابل ونضرب دمغنا في بعض علشان نعرف مين دماغه انشف من التاني
ههههههههههههههههههههه

حلو قوي التاج عليكي
وشكرا علي تمريرك التاج ليه
وانا هقبله منك بصدر رحب

تحياتي
انسان عاشق حر
تامر الحسيني سابقا

حنين.. said...

سفروته..... اجاباتك على التاج زى العثل والثكر والثربات, بجد والله فيكى حاجات كتير منى. تقبلى مرورى اختك حنين... فى انتظار المزيد

bota said...

السلام عليكم

اجاباتك لذيذه وصريحه عكسي خالص كل ما اجاوب على تاج او اقول حاجه يقولولي ردك دبلوماسي مع اني مش كده
سبحان الله

المهم متشكره جدآ على الواجب الدسم ده وبأذن الله هجاوبه في اقرب فرصه :)

smilyrose said...

سفروته يمكن دى اول مرة بس يكفى انها تهنئة بمرور عام على
انشاء مدونتك الجميلة ويكفينى انى وجد جزءا منى بها
الصمت والموسيقى الهادئة وهذان الشيئان هما حياتى التى لا يعرفها أحد
كل سنة وانت طيبة
smilyrose

blue-wave said...

يا نهار ابيض
انا لو اعرف ان التاج دا هايقربك مننا كدا كنت بعته من زماااااااان اوى
يخرب بيت خفة دمك
بجد عسوله موووت واجاباتك صريحه اوى وتجنن
خلاص خلاص انا اختارتك تشاركينى حياتى
يلا هاجى اقابل بابا امتى؟:))

سفروتة said...

emmy baby
...........

شفتي يا بنتي لبست التاجين اهه

وطبعا مش معقول يعني البسه وانتي لأ

اكيد هيبقي في اختلافات يا ايمو

مستنياكي لما تحليه

سلام

سفروتة said...

tamer alhosiny
.................

مش كفاية انا شردت نفسي في البوست

كمان جاي تشردني هنا في التعليقات وتأكد علي الصفات اياها

هههههههههههههههههههههههههههههههههههه

بس بجد انا فضلت اضحك قوي من تعليقك لحد اما جنابي وجعتني

انت كمان جنابك بتوجعك؟؟

يا عيني

معلش ..في واحد بتاع قطع غيار للاجناب هبقي اوديك عنده ..انا بروحله كل اسبوع

ههههههههههههههههههههههههههههههههههه

نورتني يا تامر

:))

سفروتة said...

حنين
.......

ربنا يخليكي يا عثل انتي

منورة يا حنين والله

واتمني تشرفيني علطوووووووووول

ربنا يخليكي يارب

تحياتي

:))

سفروتة said...

bota
.........

ميرسي يا بوتا يا قمر

يللا مستنياكي تجاوبي عليه ..بس بصراحة مش دبلوماسية

:)))

تحياتي

سفروتة said...

smilyrose
..................

ربنا يخليكي يا سمايلي

والحمد لله ان المدونة عجبتك

اتمني ان الزيارة تتكرر

تحياتي

:)

سفروتة said...

blue-wave
............

هههههههههههههههههههههههههههههههههههههههههههههههههههههههههههههههههههه

شفت بقي يا دوك اخرة تاجاتك ايه

اديكم عرفتوا سفروتة علي حقيقتها

اي خدمة

:)

مجرد انسانة said...

معلش ياسفروتة والله كنت مشغولة بقي الايام اللي فاتت انتي عرفة بقي حوارات التنسيق والضيوف والكلام ده
انا ياستي جبت 89 بس مش هينفع ادخل اداب علم نفس عشان الدرجة ولازم 50 فكتبت تجارة...ادعيلي ربنا يوفقني
ومبروك علي التاج ياجميل انا لسة مقرتش الموضوع بس مبروك مقدما
هقراه ان شاء الله واجي اباركلك تاني

the eager said...

مبروك عليك التاج يا سفروتة


أول زيارة لي للمدونة هذه الجميلة

اتمنى لك التوفيق

و السلام عليكم

abo salah said...

بعد السلام عليكم

جميل اوي ان اول زيارة ليا اجي علي تاج

عشان اتعرف عليكي

وأعرف انك شخصية ظريفة

يالا الحمد لله أنك عديتى من التاجين بسلام
هههههههههه

تحياتى

زى الهوا said...

لسة بقرأ , لقيت التعليقات 16 , قولت اخلصها بسرعة من الرقم اللى بيعقدها دا , اغرب صفة انك بتحبى الراديو , اصلى ممكن تقولى كدة مابسمعوش غير يوم لبجمعة الاذان , بس غير كدة ممكن بقى نسمع القرآن فى رمضان قبل الفطار , لكن التليفزيون عندنا قضى على الراديو نهائى , حتى لما بسمع قرآن بسمعه على المجد او اى قناة دينية

سفروتة said...

مجرد انسانة
............

الف مبروك ع النتيجة ...وان شاء الله خير

متقلقيش

مستنياكي تنوريني علطول

تحياتي

:)

سفروتة said...

the eager
...........

ربنا يخليك

ان شاء الله الزيارة تتكرر

نورت حبة صمت

تحياتي

:)

سفروتة said...

abo salah
............

متشكرة اوي علي كلامك الحلو ده يا ابو صلاح

ويارب الزيارة تتكرر دايما

تحياتي

:)

سفروتة said...

زي الهوااااااااا
...................

موحاااااااااا منقذتي من رقم 16

انا بحب الراديو جداااا جدااااا جدااااا يا موحا

بصراحة بحس ان التليفزيون ممل جداااااااااااااااااااااا

ومبيقتش اطيقه

انما الراديو ده حبيبي

:)

ادم المصرى said...

بجد اجبات جميله جدا بجد شيئ ممتاذ سفروته مشاء الله عليكى وعلى ذكائك فى الاجبات

ليكوريكا said...

ليه كده يا سفروووته

ده كله واجب :)))

عموما الموضوع الجاي هيبقي الحل موجوووود

ومش عارف ادعي بايه بس


ربنا ...........

..............

..............

..............

..............

يوفقك يارب

ليكوريكا

آلاء said...

ازيك يا جميل ,ايه اخبارك

اسلوبك تحفه و بجد شخصيتك زي العسل


و تصدقي ان موضوع الراديو ده دخل دماغي و بفكر اشوف هما الناس دول بيقولو فيه ايه

انى احبكم فى الله said...

ممكن تزورى مدونتى واحب ان اشكرك على مدونتك الرائعه

انى احبك فى اله وفى انتظار زيارتك

صالح سعيد said...

مدونتك حلوه يا سفروته
سفروتة ايه بقى
ده انتى استاذه
بجد اسلوبك مميز
ربنا يزيدك

سفروتة said...

ادم المصري
...........

اشكرك يا ادم علي مرورك الكريم

نورت حبة صمت

تحياتي

:)

سفروتة said...

ليكوريكا
..........

معلش يا ليكو انت قدها وقدود

يللا ادعي عليك بايه

ربنا
..............

................

.................

....................

يوفقك في حل التاج

:)

سفروتة said...

الاء
.......

صدقيني يا بنتي مش هتندمي لو سمعتي الراديو

نورتي يا جميل

سفروتة said...

اني احبكم في الله
...............

ان شاء الله هزور مدونة حضرتك يا فندم

تحياتي

:)

سفروتة said...

صالح سعيد
...........

اشكرك جدااااااااا يا فندم

نورتني والله

تحياتي

:)

احلي حياة said...

مرسي ياحبيبة قلبي علي الكومنت الجميل وعلي زوقك بجد انتي عشان عينيكي حلوة شيفة اللي حوليكي حلوين
وانا من قبل ما ادخل مدونتك ....الاسم شدني اوووي لان اسم حلو اووي وبالتالي حسيت انك شخصية جميلة اوووي
وعلفكرة انا في حاجات زيك فيها
الخجل برده شوية عندي وان الناس لما بتشفني بتفتكرني هادية وبشوفوا في الاخر الحقيقة المرة
وبرده مش بحكي لناس كتير مشكلي ويمكن في حاجات كتير اوووي مش بحكيها لاي حد
ربنا يوفقك ياقمر والبلوج حلو اوووي والمفروض بقي تخلي اللي الزمك بالتاج يجبلك التاج اللي في الصورة ده ....اوووعي تسيبي حقك

miada ref3at said...

السلام عليكم..

تقبلى مرورى يا سفروته فى اول زياره ليا فى مدونتك الخاصه..

جميله اجاباتك يا سفروته..بجد زى العسل..


دمتى سالمه..

قلب مصرى said...

هذان التاجان ليسا على رأسك وحدك بل هما على رؤوس المدونين لأنك منهم

سفروتة said...

ميادة رفعت
.............

وعليكم السلام ورحمة الله وبركاته

ربنا يخليكي يا ميادة متشكرة اوووووي

يارب تنوريني علطول

تحياتي

:)

سفروتة said...

احلي حياة
............

ربنا يخليكي يا مومو

مش عارفة اقولك ايه بجد علي كلامك الحلو ده

يللا شدي حيلك بقي عايزين مواضيع جامدة ان شاء الله

نورتي يا جميل

:)

سفروتة said...

قلب مصري
............

شرفت بمرورك الكريم

وان شاء الله الزيارة تتكرر

عمرو وجيه said...

متشكرين يا سفرووووووتة على التاج


مردودالك فى يوم

هههههههههههههه

سفروتة said...

عمرو وجيه
.............

ههههههههههههههههههههههههههه

ماشي يا عمرو

احنا قدها وقدود برضه

will said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍