Thursday, July 3, 2008

هو احنا ايه؟؟؟

احم احم
انتباه ايها السادة
بعد الابحاث والدراسات والتحليلات والاستنتاجات السفروتية
وجدنا الاتي
المشكلة : معظمنا كشباب بنعاني من عدم اهتمام الجيل القديم بينا وانهم بيعتبرونا مثال للفشل والاهمال وعدم الاهتمام بما علينا من مسؤوليات ....الخ الخ الخ ، وانه فيه قلة قليلة هي اللي ممكن تحتضنا او تسمعنا وتعترف بينا
السفروتة تعاملت مع قطاع كبير من الشباب سواء بقي في الكلية او في الحياة العامة او الخاصة واستنتجت ايــــــه؟
الاستنتاج : تم تقسيم قطاع الشباب الي ثلاث جهات
اولا : شباب عارف هدفه ايه ..وقدر انه يلاقي المقومات اللي تساعده علي تحقيق الهدف ده... وماشي في طريقه
ثانيا : شباب حاطط هدف قدامه ونفسه يحققه بس مش لاقي المقومات اللي تساعده علي كده وبدأ اليأس يتسرب ليه
ثالثا : شباب محاولش انه يحط هدف في حياته لان من خلال تجارب سابقة شافها قدامه لقي ان الموضوع مش مجزي وانها مش طالبة ولا اهداف ولا احلام وفضل انه ياخدها من قصيرها وميحطش اي هدف قدامه...وسايبها بالبركة
يا تري بقي حضرتك يا اللي معدي هنا
شايف نفسك انهه واحد في التلاتة ولو فيه نوع رابع ...مفيش مشكلة
بس لو انت كنت النوع التالت ليه سايب نفسك كده وليه حطيت اللي فشلوا قدام عينيك ومحاولتش تحط اللي نجحوا قدام عينيك
ياريت الناس متستسهلش الكلام اللي بقوله ده
لانه لو استسهلناه يبقي بجد نستاهل كل اللي بيتقال علينا من الجيل القديم
اعتبروها مجرد دردشة في كوفي شوب يمكن نقدر نوصل لحل
ـــــــــــــــــــــــــــــــــــــــــــــــــــــــــــــــــــــــــــــــــــ
ملحوظة : النهاردة كان عندنا اجتماع مع دكتور وحيد موسي مدير مركز البيوتكنولوجي عندنا في الكلية عشان كنا بنحدد الميعاد بتاع الكورس ،، هو هيتأجل شوية يعني هيبقي يوم 26 بدل يوم 6 عشان معانا طلبة من رابعة وخامسة وهما عندهم تدريب في الوقت الحالي
ادعولي بقي اننا نستفيد اكبر استفادة من الكورس
:)

27 comments:

المبرمج المحترف said...

اها ..اول تعليق كويس ثوانى بس اقرا الموضوع واجى اعلق حاجز الاول ها...

المبرمج المحترف said...

ان شاء الله تستفيدى اكبر استفاده فى الكورس ...

حستناكى تنورينى على مدونتى ان شاء الله

نعكشة said...

اعتقد والله اعلم

اني لحد دلوقتي من النوع الاول
لحد ما اخلص دراستي
هسعي و اشوف
احتمال افضل من النوع الاول او اتحول للنوع الثاني او ايأس ( يا رب ما يحصل) و اتحول للنوع الثالث

ربنا يجعلنا من النوع الاول دايماً


و ربنا يستر

دمتي سالمة

سلامون عليكي

دكتور بهــدوء said...

انهي نوع ياواد يا دكتور بهدوء انهي نوع يا وااااد انهي نوع
؟؟؟؟؟
افتكر الاولاني
بس ساعات كده بحود ع التاني استهبال مش اكتر
لكن التالت ولو ان مهم جداااا تاخد خبره بس التجارب الهدامه قلتها احسن عن جد
ممكن اللي تنجح فيه يفشل فيه غيرك او العكس
عاتشي جدا
جرب بنفسك واسأل وجرب ولا تسأل طبيب

زى الهوا said...

تصدقى مش عارفة احدد انا انهى نوع , ساعات بيبقى طموحى بيعدى جبال , بس اجى ابص الاقى مافيش حاجة بتساعدنى رغم انى بعمل كل اللى عليا , هدفى متحدد بس لما فشلت فى تحقيقه بعد محاولات جامدة , حودت على هدف جديد وتفوقت فيه , ورغم التفوق والانجاز فى الهدف الجديد إلا انى حاسة انى تايهة ومش سعيدة بنجاحى , لأنه من الاول ماكنش هدفى , يعنى كان مجرد بديل عن الهدف اللى معرفتش احققه , شوفينى بقى انا ابقى تبع انهى نوع , ممكن اكون قاعدة شاذة متهيألى

زى الهوا said...

اه نسيت اقولك ربنا يوفقك وتحققى اكبر استفادة من الكورس دا , بس هوه كورس ايه ؟؟ اسعافات اوليه؟؟

blue-wave said...

اكيد كلنا نتمنى نكون النوع الأول
وربنا يكرمنا ونفضل كدا
بوست رائع على فكرة
تحياتى

Tamer Alhosiny said...

عزيزتي سفروته
عجبني قوي التقسيم وشايف انه مناسب وان مفيش انواع تانيه ممكن تاخد تصنيف رقم 4

اما للتصنيف الاي بنتمي اليه
فالحمد لله فممكن نقول ان التصنيف الاول منتمي ليه
مش انا الاي منتمي ليه
لان النجاح ثمه والنجاح ارادة
والنجاح خطه والنجاح خطوات لتنفيز الخطه
والنجاح ادارة للخطة
والنجاح رقابه للتاكد من سير الخطه وتحقيقها للهدف
والنجاح هو تقييم النتيجه النهائيه
ومدي مطابقتها للصورة المخططة اليها وتحديد نقاط التميز في التنفيز او نقاط الضعف
ومراعات التغير في الخطه الجديده لتحقيق الهدف الجديد

دي حياتي
انا النجاح
عيازيني انضم لنوع من التصنيفات ولا اضم التصنيف نفسه ليه

ههههههههههههههههه

علشان منتوهش كتير

الحياة ادارة

فكن مدير متميز لتستطيع لعبها بتمكن

تحياتي

تامر الحسيني
انسان عاشق حر

ليكوريكا said...

امممممممممممممممم

اقولك
في نوع رابع

شباب عنده هدف في الحياه

بس بيعمل اللي عليه وسايب الباقي علي ربنا

اعتقد المقومات وغيره بقي مش هتفرق معاه

ليكوركيا

ليكوريكا said...

معلشي مضيت غلط :)

ليكوريكا

:))

أجدع واحد في الشارع said...

اولا

يشرفنى انى اشوف البلوج بتاعك وده عن طريق طارق

وبجد كلامك جميل جدا جدا

ثانيا ان شاء الله تستفيدى اكبر استفاده فى الكورس وتبقى فيه الاوله كمان عشان الكلام اللى انتى قولتية
بس ياريت متكنيش الاختيار التالت تكون لاول وتحققي كل احلامك

تحياتى

S@G! said...

اممم
التاني
---
ربنا معاكي فالبيو تكنولوجي
بس ارزعينا بوستين كده قبل ما تنشغلي
سلاااام

عيله مفتريه سابقا said...

بصى يا كميله

انا هقولك الخلاصه

احنا كلنا بنحب نكون النوع الاول

بس للاسف احنا قاعدين فى النوع التانى

واللى بييأس بيبقى النوع التالت


مدونتك حلوة

سلامى يا سكرة

MATRIX said...

على فكرة دى اول زيارة لمدونتك الرائعة ..جميل جدا اننى لقيتها ..
شكرا لحضرتك على الكلامات الرائعة..برغم من انها بسيطة ..ولكن شديدة التاثير ..

MawgoooD said...

اولا صباحو ابيض
ثانيا العيب مش فى الجيل القديم بس
ده العيب فى النظام كله
وكمان الاجيال كلها
لاننا عبارة عن خلاصة لكل الاجيال اللى فاتت
واللى هما زرعوه احنا حصدناه
ومافيش فايدة فينا
انما المشكلة اننا نمشى على نفس النهج بس للاسوء لاننا معقدين من اللى فاتوا وبكده بالصلاة على النبى هانطلع اجيال اسوء واسوء
المهم انا مش فاكر انا بدأت بايه
واسف انى صدعتك
سلاموز

عمرو وجيه said...

الاولانى

اينعم كنت التالت لغاية اخر سنة اولى بعدين انطلقت


بوست حلو اوى يا سفروتة وبعدين ده كورس ايه ده

موناليزا said...

لو الانسان محدتش هدفه ازاى هيحس بقيمة حياته!!
ربنا يوفقك فى هذا الكورس

مجرد انسانة said...

اولا ياسفروتة مرسي جدا علي الكومنت الجميل ده والصفحة نورت بيكي
موضوعك حلو اوووي
اعتقد انا من النوع اللي محدد هدفة وبسعي وربنا يستر واقدر اغتير
هو فيه شوية خوف من الفشل بس ربنا يسهل
بس علي انواع ناس عامتا انا سمعتها من ابرهيم الفقي
منهم الانواع اللي انتي قلتيها
وانواع تانية
زي واحد عنده هدف وعارف يحققه ازاي وبيسعي لده بس مش معتقد في قدراته
ونوع تاني عنده هدف وعارف يحققه ازاي وبيسعي لده ومعتقد في قدراته بس بيتأثر بالناس جدا واي حد ممكن يغيرله رايه
ونوع تالت عنده هدف وعارف يحققه ازاي ومعتقد في قدراته ومش بيتأثر بالناس الا ايجابيا وبينجح بس بيحطم بنجاحه بنفسه يعني مثلا زي لما بنلاقي لاعب كورة ناجح اووي وتلاقيه اهمل في التدريب مثلا فيحطم نجاحه

amal said...

انا تقريبا من الناس اللى ماشيه بالبركه

بس مش احباط

انا فعلا مش حاسه انى عايزه اعمل حاجه معينه

او يمكن الحالجات اللى بتمناها تحصل فى حياتى مش مطلوب منى غير انى اقول يارب

مفيش حاجه مفترض انى اعملها عشانها

Darsh said...

اللي بيحط هدف قدامه لازم هيحققة يا سفروته

المشكلة انه يحدد هدف مش يتوهم انه بيسعى لهدف

و مشكلتنا مع الجيل الأكبر على فكرة احنا السبب فيها

هما لما بيلاقوا حد فينا فيه أمل بيساعدوه و يحتووه و يحتضنوه

imagine said...

سلام
أحييكي على طرح هذا الموضوع، ولكن هنا في تعليق بسيط، وهو أن الجيل القديم يتكلذم علينا وكأنهم همّ في صغرهم ما كانوش كده،في الحقيقة ،لأّ على شان همّ كانوا كده، بس لما كبروا إتغيّروا،بل على العكس في رأي شباب اليوم بيتحمل حجات ما كانوش جدودنا أدرين على إنهم يتحمّلوها، مثال على ذلك: قضية التلوث اللي إحنا مفروض علينا"أي الجيل الجديد" بحلها والتعايش معها بل البحث الحد من مخاطرهاا، الوضع الإقتصادي حيث لم يعملواسابقاً على التنمية الشاملة والمستدامة فها نحن اليوم ندفع ثمن هذا الإهمال، كل هذا وغيره من الأشياء، يجعل المسألة علينا أصعب فأصعب، فكيف لنا أن نضع عدة أهداف أمامنا، في ظل هذه الأمور كلها........حبّة حبّة علينا يا جيل زمااننننننننن.
عذراً على الإطالةن لكن إقتضى التوضيح.
سلام
إسراء:)

سفروتة said...

بشكركم كلكـــــــــــــــــــــم يا جماعة علي تجاوبكم مع الموضوع

انا كنت متابعة الردود اول بأول بس مكنتش برد لان دي كانت وجهات نظر وكل واحد فينا شايف الموضوع ازاي

كمان بشكر كل اللي وضح هو اي نوع من التلاتة

تعليقي انا بقي

الحمد لله من فترة كده حددت هدفي ايه وقدرت الاقي اللي يساعدوني في اني اقف علي اول الطريق ،فبعتبر نفسي من النوع الاول

اما عن نظرة الجيل القديم فافتكر ان ده عندهم هما او في عرفهم انه الشباب بقي ضايع والشباب بقي بلا هدف وكل حاجة بقوا ينسبوها للشباب

طب يعني يا جماعة براحة نتناقش الامور متتاخدش قفش كده

ليه دايما بتبصوا للنصف الفارغ من الكوب ، ليه دايما بتبصوا للشباب اللي مش عارف هو رايح فين علي انهم هما دول شباب مصر وانه بعد كده مفيش شباب تاني

افتكر وده واقع انا شفته قدامي في شباب كتير جدااااااااااااااااااا الحمد لله عارف هو عايز ايه من نفسه وبيحاول بكل جهده انه يحقق اللي بيتمناه

ولا هو انتوا بتطلعوا اللي كان بيتعمل فيكم زمان علينا احنا

ياريت نلاقي منكم حضن حنين ....ياريت صدركم يسع لاحلام الشباب ولكلامهم

ياريت تناقشونا ...مش تعارضونا من اول مرة

ياريت تعرفوا اننا قد المسؤولية بس انتوا متكسروش مقاديفنا

عروسة ننوسة said...

مبرحا بكى فى عالم التدوين تحياتى

عروسة ننوسة said...

مبرحا بكى فى عالم التدوين تحياتى

nonni said...

اولا ربنا يكرمك

فى الكورس بتاعك و تستفيدى اروح بقى لموضوع البوست البوست موضوعه حلو اوى اما بالنسبة ليه فانا دلوقتى من النوع الاول و لكن للاسف كنت من النوع التانى فى مرحلة من مراحل حياتى و تسلل الياس الى للاسف بس الحمد لله عدت و يارب لا يعيدها اللهم امين .

"تحياتى"

سفروتة said...

nonni
.........

منورة البلوج يا نوني

ويارب تفضلي دايما من النوع الاول

وتحققي كل ما تتمنيه

تحياتي

:)

will said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍