Tuesday, June 17, 2008

واختلف العلماء ...نياهاهاهاها

ههههههههههههههههههههههههههههههههههههههه

معلش لازم نبدأها كده..اصل اللي بيحصل ده بجد يخلي اي واحد عاقل زي سعادتي كده يتجنن وتجيله هيستيريا من الضحك المتواصل ...وبلغة الشباب يلسع واسلاك دماغه تضرب

قولتولي بقي ايه اللي حصل؟؟؟؟؟

اصل عقبال امالتكم العلماااااااااااء اختلفوا يا كتاكيت

علماء مين دول يا بت يا سفروتة

دكاترة الكلية طبعا هو فيه غيرهم

لما يجيبوا في امتحان الديدان سؤال سطرين وعليه خمس عشرة درجة...ها واخدين بالكم...ويطلعوا في الاخر مختلفين علي اجابته

يبقي ده اسمه ايه؟؟؟؟؟؟؟؟

الترجمة العربية للسؤال

اذكر الديدان(جميع الديدان اللي اخدتها يا موكوس في المنهج من الجلدة للجلدة)التي تعيش في الامعاء الدقيقة للكلاب..واذكر الدودة التي يمكن ان تنتقل للانسان مع وصفها وكتابة دورة حياتها

كل ده سؤال

حرام عليكوا

الامتحان اصلا كان طويل بغباااااااااااااااااء ..ولسة هجيب دودة من الشرق ودودة من الغرب؟

المصيبة الكبري ان جميع دكاترة القسم كانوا مختلفين علي الدودة اياها اللي بتنتقل للغلبان الانسان

واصلا اصلا احنا كل واحد فينا طالع كاتب دودة غير اللي التاني كاتبها

يا حلاوة يا اولاد

مش بقولكم واختلف العلماء

بس كان فيه اجماع من بعض الدكاترة علي الدودة اللي كتبتها

بس ده برضه ميخليش الواحد ينام ويحط في بطنه بطيخة صيفي ولا حتي شتوي

اصل كل دكتور بيعلم بمزاااااااااااااااااااااااااااجه

شفتم الوكسة يا حلوين

والمصيبة ان الكلام ده اتكرر في امتحان الفسيولوجي برضه

بس مش سؤال واحد لااااااااا ..ازاي ودي تيجي برضه....ده تقريبا مايقرب من نص الامتحان كان عليه اختلاف

ومين اللي بينضر في النهاية

الطالب المسكين اللي تعب دماغه في الامتحان وفكر عشان يجاوب وفي الاخر

يقولك اختلف العلماء

طب يعني هو انتم بتتلذذوا وانتوا بتعملوا فينا كده؟؟؟

جايين تختلفوا علي شئ وقت الامتحان؟؟؟


مش حرام ده يا اخوااااااااااتي

اااااااااااااه

هيجننونييييييييي

50 comments:

s@gi said...

كانت محتاجه اسكوب دي يا نوري
-------
قوليك ايه حوار حزب السفاريت
وبجد انا اتخنقت من خيشه وشحيبر دول
أصل ف نوعيات كده عندنا
يخربيت ام القرف
ناس ملزقه كده
واله بسيب السكشن واقول بلاها
وف الاخر العملي عندي كان طين
------
سيبك
انا وحشنى مربع تعليقاتك
بس هو مود رخم كده
بردو سيبك
-------
بجد هعمل سكوب على
لسعت ودماغي طرقعت دي
اوبس
من المتحدث يا قوم
إنها نوري حامله لواء
لا ضد اللغه الشبابيه الأكروباتيه
بس سيبك
----------
الدوده
diphylidum caniunm
شايفه الاسم ازاي رومانتيكي
السؤال ده كومن اوي ف الامتحانات
اللى هو التجميعه
والمفروض يبقى متذاكر اولريدي
وعليه درجه كبيره فعلا
الاختلاف عاده بيحسبوا كلو صح
بيبقى رحمه فعلا
----------
الفسيلووجي بقه ربنا يعوضك فيه
هتخلصي امتي وحشتنا سكوباتك
المدونه بقت مهجوره أصلا
------
الفيلم بتاع أحلم معانا
شفته من مده
بس ترتيتب الصور محتاج شويه دقه كمان
في علاقات مش متناسقه
بس في حبه تناسق كده ف النص
تحفه
بجد كوليكشن هايل
وشغل حرفي عالي أوي
سمارت فيتس دي شكلها بورفيشنال
----------
سيبك
يابر تكوني بخير
سلام

سفروتة said...

s@gi
........

ازيك يا مصطفي

هي فعلا محتاجة اسكوووب ..بس شكلها ككده الامتحانات كلها عايزة اسكوب تجميعي محترم

اصلك متعرفش ان الترم ده الكلية اعتمدوها من لجنة الجودة يعني كليتنا بقت عااالمية

وزغردي يا ام فاروق

قوم ايه بقي ...عشان الجودة دي لازم يبهدلونا احنا في الامتحانات

احنا متعودين وكل حاجة علي سؤال التجميعات ده

لكن اللي مضايقني ان اصلا الامتحان من اوله كان دش ورغي علي عكس امتحانات السنين اللي فاتت كلها

وعلي ماتوصل لسؤال التجميعات دماغك تكون خلاص قول عليها يا رحمن يا رحيم

وفي الاخر يقولولك مختلفين علي الدودة

ده اصلا طلع في بلاوي غير

dipylidium caninum

انا عملتها

Echinococcus granulosus

وناس كتير عملتها كده

وناس عملتها الدايبليديم كانينم

ودكتور تاني بقي قال لااااااا هي

Strongyloides stercoralis

يعني الحمد لله

ربنا يلطف بينا
...........

اما بخصوص حزب السفاريت

فانا فعلا اتخنقت من الولاد دول بجد ومبقتش اطيق اشوفهم كده قدامي

ربنا يهديهم ياااااااااااارب

.............

معلش بقي ي امصطفي لما تنقشع السوداوية اللي عندك
هتلاقيني اول واحدة جات تعلق عندك
لان بجد والله انا زعلانة علي الحالة اللي انت فيها
ومش هقدر اخرجك منها مهما قلت من كلام ومهما اي حد قال من كلام برضه
لانك انت نفسك اللي هتقدر تخرج منها
لما تبقي عايز تخرج
بس انا متابعة كل حاجة بتنشرها وبقراها اول باول

...........

متشكرة اوي علي ثناءك علي الفيلم والاسرة

...........

علي فكرة

مستنية سكوبك علي لسعت وطرقعت
هههههههههههههههههههههههه
معلش بقي انا كسرت القاعدة لمدة ثواني
...........

اتمني انك تكون بخير

في اقرب وقت

سلام

:)

نعكشة said...

ابتسمي فانتي في الجامعات المصرية
..

هوه انتي في طب يا اوختي ؟؟؟
سنة 3؟؟؟

....

دكتور الكوميونتي عندنا كان بيقولنا لازم شوية اسئلة كدة تبقي غلط

سيبك انتي و حطي في بطنك بطيخة صيفي
ومش هيجيلك إلا نصيبك

و اجازة سعيدة

ربنا يكرمك يا رب

سلامون عليكي

سفروتة said...

نعكشة
........

اهيه ابتساااااااااااااااااامة كبييييييييييييييييييرة

اوووووووووووووووووووووووووووووووووي

انا في طب بيطري سنة تانية يا اوختشي

وطالع عونيا والله

بس ايه اوكازيون كلمة سيبك اللي نازل ع المدونيين ده

يللا سيبك

:)))))))

ربنا يسمع منك يارب

تحياتي

ونورتي المدونة

شفقة هانم واحسان بك said...

معلش بالتوفيق هو ده حال الجامعات كلها
شفقة

حنين.. said...

هههههههههه ربنا معاكى. بصى والله انا اول ماده كانت عندى كان اسمها نقد ادبى. والماده دى من كاتبين + دكتورين, دكتور تمام اوى, ودكتور مفووووووف, ودخلت الامتحان, كتبت فى الدكتور التمام, والدكتور المفوت والله ما جاب حاجه من الكتاب ولا حاجه من اى حاجه خالص.... لدوجة انى سالت المراقب وقولتله هو حضرتك متاكد من الورقه دى...... هههههه ضحك وقالى اه. يعنى كبرى دماغك من العلماء وخدى الرأى الراجح

مواطن مصري said...

يبقى انتي اكيد اكيد اكيد في مصر

كاتب مصري said...

>>هل يمكنني دعوتك لزبارة مدونتي المتواضعة جدا والمشاركة غيها بتعليقاتك ولمساتك
أتمنى تليبة الدعوة
في انتظارك
مدونتي هنا
http://kanyatklam.blogspot.com/

نعكشة said...

برضو ربنا يعينك

إن شاء الله خير
متحافيش متخافيش

هما الدكاترة كدة

اومال لو العلماء مختلفوش مين هيختلف

دمتي سالمة

زى الهوا said...

الامتحان اصلا كان طويل بغباااااااااااااااااء


كلمة بغباء دى باشبه عليها هههههههههههه , معلشى يابنتى عادى انا اختى لسة مخلصة طب بيطرى السنادى وشافت منه رقات ورقات يعنى اطمنى انتى لسة ماشفتيش حاجة كدة خالص , يارب يتمها بس على خير وتعدوا كدة صافى وزى الفل

أية الشقية الشعنونة said...

ربنا معاكى يا سفروتة
حتى بعد الثانوية العامة بيعذبوكوا
انا اول مرة ازورك ومش اخر مرة ان شاء الله
تحياتى

دكتور بهــدوء said...

طب
طــــــــــب أكيد طب
الكلام ده مايحصلش إلا ف كليه الطب
زيىىىىى
بس انا بشري
بس الاختلاف هوه هوه
مابيفرقش البشري م البطري م البتنجان الاسود
عشان كده انا كمان بعمل اللي مقتنع بيه اشمعني هما يقتنعوا يعني هما كان ع راسهم ريشه
ع ما اعتقد الدوده دي
هيداتيد سيست
اكينوكوككس جرانيلوزس
او
توكساكارا كانيس او ديبليديم كانينم
الحاجات دي كانت عليا السنه اللي فاتت مش فاكرها اوي بس يمكن تضرب معايا صح

سفروتة said...

شفقة هانم واحسان بك
.....................

ربنا يخليكي يا شفقة

امتي بس الحال ده هينصلح؟؟؟

نورتي المدونة

:)

سفروتة said...

حنين
.......

هههههههههههههههههههههههههههه

والله انتي عسل

انا يا بنتي خلاص سبتها علي ربنا

هو اللي عالم بحالنا

نورتيني

:)

سفروتة said...

مواطن مصري
............

ما هو انا فعلا بعد الي حصل ده ايقنت تماما اني عايشة في مصر

هو احنا لينا بلد غيرها

شرفت بمرورك

تحياتي

سفروتة said...

نعكشة ...كلاكيت تاني مرة
.........................

علي رايك

مين هيختلف غير العلماء

والله ناس تاعبين دماغهم اوووووي

ربنا يهديهم

سفروتة said...

زي الهوااااااااا
...................

ازيك يا موووووحا عاملة ايه

ربنا يكون في عون اختك والله..كويس انها خلصت وعدت منها علي خير

انا حاسة اني علي ما اوصل سنة خامسة هتكون دماغي خالية من الشعر

يا عيني هو شعري اللي متعذب معايا والله

منورة يا قمرايا

:)

سفروتة said...

اية الشقية الشعنونة
........................

والله يا بنتي دي الثانوية العامة دي طلعت ملاك بالنسبة للي بنشوفه في الكلية

ان شاء الله متكونش اخر زيارة

منورة يا اية

:)

سفروتة said...

دكتور بهدوء
...............

شكلك كده مش هادي خاااااالص ،ده انت اتنرفزت عليهم جااااااااااااامد

بصراحة هما ينرفزوا فعلاااااااا ويخنقوا بجد بجد

كل الديدان اللي انت قلتها الناس كلها فكرت فيها

بس هما قالوا اصح واحد اكينوكوككس جرانيولوزس

معظمهم طبعا مش كلهم

والباقي كل دكتور يقول دوة شكل

ربنا يهديهم

شرفتني بمرورك يا دوك

تحياتي

انا said...

التوكسوكارا كاني و إكينوكوكس دي عدوي باللارفا ومابتكملش..يبأة أكيد الديبيليديام كانينم..هذا والله أعلم..مادام العلماء إختلفو ناخد بالأيسر اللي هوا طبعا يديك الصفر المتين..

انا said...
This comment has been removed by the author.
فارس بلا جواد said...

سعيد بمروري الاول بمدونتك
بصراحة الموضوع شدني أني اتفاعل معاه عشان أنا طبيب بشري
اجابة سؤالك هي
dipylidium caninum
لان دي النوع الوحيد اللي بيعيش في الامعاء عشان كده بيسموه
intestinal cestoda
أما باقي الأسماء اللي ذكرتيها زي echinococcus
دي بتعيش في الأنسجة وبيسموها
tissue cestoda
معلش الموضوع بجد شدني .. بس برده ربنا يكون في عونك من الدكاترة .. احنا كمان كان بيحصل معانا كده في الامتحانات
بالتوفيق دايما

سفروتة said...

انا
.......

منورة يا أنا
:)

هي فعلا الانسان بيتعدي بالهيداتيد سيست بتاعة الاكينوكوككس بس هي بتسبب مشاكل كبيرة في الانسان هو مطلبش انها تكون دودة كاملة في الانسان

وبرضه ايضا الدايبليديم كان متوافق عليها

بس خير خير

ربنا يستر علينا

نورتييا أنا

:)

سفروتة said...

فارس بلا جواد
...................

والله حضرتك نورت المدونة بجد

يظهر كده ان في اجماع من جميع الدكاترة البشريين علي الدايبليديم كانينم

:))

بس هو في السؤال مش اشترط ان الدودة اللي ليها ZOONOTIC IMPORTANCE
انها تكون بتعيش في الامعاء الدقيقة للانسان

فانا كتبت
Echinococcus granulosus

عشان هيا بتصيب الانسان بالاحتكاك المباشر مع الكلاب والهايداتيد سيست بتصيب احشاء كتير جداااااا وبتعمل بلاوي

ده حتي انا كاتبة عليها في كشكول المحاضرات دي بلوووووووووووووووي

انا بجد من كتر اللي حصلي من قرف الدكاترة دخلت ع النت وعملت سيرش وكان فيه بحث اتعمل بيؤكد انه فيه تلات انواع من ال
Echinococcus
اعتبروهم
Parasite of man

ومن ضمنها
granulosus

معلش انا طولت في تعليقي بس لان انا بجد الدكاترة دول خنقوني جداااااااااا
والواحد بقي مش عارف يعمل لهم ايه

شرفت جدااا جداااا بمرور حضرتك

امتني انها متكونش الزيارة الاخيرة

تحياتي
:)

blue-wave said...

والله انتى عسل وبعدين تعالى هنا
وايه اللى يخليكى تدخلى الكليه دى اصلا؟
هما خلاص لغو الأداب والألسن؟
بهرج طبعا
تحياتى

سفروتة said...

blue-wave
............

منور يا دكتور عمر والله

بس ايه ده حضرتك عرفت منين اني عسل؟؟؟

:))))))))))

والله يا دوك انا كنت بفكر في السن دي بس الواحد برضه مهناش عليه مجموعة في الثانوية العامة ودخلت اللي قدامي

بس بجد دي احلي كلية في الدنيا بالرغم من كل السلبيات وكل القرف اللي انا فيه

بحـــــــــــــــــــــــــــبها قوي

نورت يا فندم

بس انا ملاحظة حاجة غريبة قوي غالبية اللي علقوا هنا كانوا دكاترة

هههههههههههههههههههههههههههههه

خير خير

حزب الدكاترة

:)

enjy said...

نياهاهاهاهاها......... معلش يا بنتى ربنا معانا كلنا

مدحت محمد said...

هو انتى فى كلية الديدان ولا ايههههههه

ليكوريكا said...

فكرتيني بامتحان الفارما بتاع الترم التاني

40 درجه ام سي كيو

منهم 30 جميله

لا من الكتاب

ولا من المحاضرات

ومحدش عارف ليهم اي اجابه

الدفعه كانت كلها طالعه من الامتحان

(مذبهله)

والعلماء اختلفوا برضو في مصدر الامتحان

بس الاجماع كان علي انه مش من المنهم

:))

في بلدنا كل شيء ممكن

الحمد لله :)

عمرو وجيه said...

بصى يا نورى


نظااااااااام التعليم عندنا نظام كتااااااااااااااتيب ....



اقعد يا بنى ..... احفظ .......... سمع ............

قول ورايا .......

راجع ........


مش مهم تفهم .... بس حطلى الكلمتين دول فى الورقة وامشى



و يقولوك الدكترة البيطرين مش عارفين حاجة






طبعا لان النظام خاطئ من الاول ...




على العموم خير ...



على فكرة انا عملت السؤال خطأ ...


بس مش زعلان بجد من الامتحان لانى عملت اللى على وكل حاجة على الله ....

bota said...

السلام عليكم

فعلا حاجه غريبه وبتحصل في المواد اللي ليها اكتر من دكتور
بس المفروض ان الاجابه تبقى على حسب الدكتور اللي كان بيشرح وحط الامتحان ولا هما بيعملو حفله في الامتحان ويشتركو فيه دكاتره الكليه كلها
وربنا يعينك ويبعد جنان الدكاتره عنك

انا said...

أنا "نوّرت" -بصيغة المذكر- وليس "نوّرتي" ..
"أنا" ضمير المتكلم وليس إسم بنت بتشديد النون!!

سفروتة said...

enjy
.......

يااااااااااااااااااااااااااااااااااااااااااااااارب

ربنا مع الجميع

تحياتي

:)

سفروتة said...

مدحت محمد
...........

ههههههههههههههههههههههههههههههه

لالالالالالالالالالالالا

ديدان ايه بس

انا في كلية العلماء المختلفين

:)

سفروتة said...

ليكوريكا
...........

ااااااااااااااااااااااااه

برضه عندكم بيختلفوا؟؟؟

معلش كلنا لهااااااااا

الحمد لله

سفروتة said...

عمرو وجيه
............

فشل نظام التعليم

دي نفس النقطة اللي كنت بتكلم فيها مع واحدة صاحبتي من كام يوم

للاسف كل دكتور عايزك تحفظ كلامه صم وتدخل تدلقه في ورقة الاجابة

زماااااااااااان كنت فاكرة ان الكلية دي هي بجد الانطلاقة الحقيقية لفكر الواحد وهدخل بقي معامل ومختبرات ومش عارف ايه طبعا كلها كانت اوهام واحلام يقظة لحد اما صحيت علي الوقع المرير

للاسف في حاجات كتير لازم تتغير مش بس طريقة التدريس ...كمان العلاقة بين الطالب والدكتور ...لازم تبقي اقوي من كده ...لازم يعرف اني في يوم من الايام هبقي زميلته في المجال واني دلوقتي لازم استفيد من خبرته

مش احفظ كلامه عشان احطه في الامتحان

الموضوع كبير قوي ولو هيتناقش يبقي محتاج بوستات وبوستات

متشكرة جداااااااا علي مرورك يا عمرو

واجازة سعيدة

:)

سفروتة said...

bota
.........

ايه الغيبة الطويلة دي

حمد الله علي السلامة

لا هما مش بيعملوا حفلة ولا حاجة

بس المشكلة انه مفيش نموذج اجابة للامتحان بتاع الديدان

خير خير

منورة يا بوتا
:)

سفروتة said...

انا
.......

يا خبر بجد والله آسفة جداااا جدااااا

بس انا والله مش عارفة كلمة انا دي اوحت الي انه اللي بتتكلم بنت

عموما انا اسفة جدااا للمرة التانية

و

منوّر يا أنا

متزعلش بقي

:)

bar2ash said...

ربنا يكون في العون انا بجد مقدر تعبكم في الامتحانات

وربنا يرحمنا من ذكاء الذهابج (جهابذ)اللي اسمهم دكاتره


وان شاء الله بالتوفيق
تحياتي

سفروتة said...

برقش
.......

هههههههههههههههههههههه

جهابذ؟؟؟؟؟؟

حلو الاسم ده تصدق

ربنا يخليك يا برقش

احنا خلاص انتهينا من الامتحانات امبارح بس

وربنا يستر

تحياتي

CAIROCOMPUTER said...

يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
http://dear.to/cairo

mohamed hesham said...

حسبي الله ونعم الوكيل في كل واحد مش بيراعي ربنا في شغله ...

safa7_karmooz said...

yaaa3

doood wa 3ak

yaaa3 :p

سفروتة said...

mohamed hesham
.................

والله مش عارفة اقول ايه

ربنا يهديهم علينا يارب

شكرا علي المرور

:)

سفروتة said...

Safa7_Karmooz
...............

اوبااااااااااااا انا قرفت مين؟؟؟؟؟؟

عمو السفاح

السماح والعفو يا حضرة السفاح مش هعمل كده تاني

:))

يع ايه بس

طب دي كانت الذ مادة عندي الترم ده

كنت مستمتعة بيها جدااااااااا

هي والغدد الصماء

قال يع قال

:)))

زى الهوا said...

عايزة بوست جديد

amal said...

على فكره طمنى نفسك
بدل اختلفوا هم نفسهم ممكن يتفقوا على انهم يصححوا اى دوده صح
ههههههههههههههه

وبعدين حطى فى بطنك بطيخه صيفى فعلا وعيشى حياتك وانسى النتيجه
المهم انك تركزى وقت الامتحانات

لكن القلق عشان النتيجه ملوش داعى
كدا كدا خلاص انتى عملتى اللى عليكى خلاص ونصيبك هتاخديه

انا ايام الامتحانات بيجيلى قلق وتوتر جامد جدا
اعصابى مبتتحملش

لكن عمرى عمرى ما قلقت على نتيجه بعد كدا
انا بس تعدى معايا ايام الامتحانات على خير او على شر برتاح نفسيا بعدها

ومتسالنيش اذاى
هههههههههههههههه

سفروتة said...

زي الهوااااااا
................

يا فندم انتي تؤمري

والله انا كان في نيتي انزل بوست جديد النهاردة

بس انا لسة راجعة من الكلية دلوقتي وهنزله كمان شوية باذن الله

:)

سفروتة said...

amal
..........

علي فكرة انا والله النتيجة ما فارقة معايا

تيجي زي ما تيجي الواحد عمل اللي عليه وسايب الباقي علي ربنا

انا بس كل اللي خانقني انهم يدوخونا معاهم الدوخة دي وكل دكتور يكون برأي

والله انا معاهم في نقطة الاختلاف لان ده علم ،بس مش يختلفوا وقت الامتحان وقدامنا كمان

يللا ربنا يهديهم

نورتي حبة صمت

:)

will said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍