Friday, April 25, 2008

حلم 2008 التاني




مكنتش متصورة انه في يوم من الايام يسيطر علي دماغي اوي وبالشكل الفظيع ده الحلزون المزدوج اللي في الصورة الي فوق دي


بقيت مولعة بتجميع كل المقالات اللي تقع تحت ايدي عن الحامض النووي الرايبي منقوص الاكسجين


DNA


سبحان الله ....بقي الحلزون ده هو اللي بيملك بين طياته سر الحياة


مكنتش مصدقة نفسي لما شفت صورة جيمس واطسون وفرانسيس كريك اللي اكتشفوا تركيب الحامض النووي...وقتها كنت في تالتة ثانوي


ومصدقتش نفسي اكتر لما شفت الرسومات الاولي اللي خطها كريك وهو كان بيضع تصوره لشكل الحامض النووي..كانت منشورة في ملحق مجلة العربي ..العربي العلمي


لما دخلت الكلية درسنا مادة اسمها


Molecular Biology


قد ايه اشبعت رغبتي في معرفة حاجات كتيرة عن الحامض النووي...وكان فيه دكتور من احد الدكاترة الي كانوا بيدرسولنا المادة


اسمه د/حسين علي حسين


الدكتور ده اثر فيا جامد ،وخلاني افكر اني لازم لما اموت اسيب بصمتي في عالم البيولوجيا الجزيئية


ولما سالني حد عزيز عليا اوووووووووووووووووووي وقاللي ايه احلامك في 2008


كان من ضمنها اني قولت


نفسي اطلع معمل البيوتكنولوجي اللي عندنا في الكلية واعزل الحامض النووي بايدي


الحمد لله الحلم ده هيتحقق في شهر يوليو اللي جاي


المركز عندنا عمل دورة للطلاب بس العدد محدود ...طالبين عشرين طالب بس


من ضمن الحاجات اللي هنتعلمها اننا هنعزل الحامض النووي ده غير اننا هنعمل تفاعل الPCR


وكمان هنعمل مضادات مسببات الامراض وحاجات كده كتير كلها بتخدمها تقنية الPCR


النهاردة رحت حجزت ودفعت الفلوس وكنت هطير من الفرح


لان نفسي سفروتة يبقي عندها اكبر مركز لابحاث الجينات في العالم


ياتري ممكن يحصل؟؟؟؟؟؟؟


كريك و واطسون

اكيد لازم نشكرهم علي الانجاز اللي عملوه اللي فتح مجالات كتير كشفت عن اسرار الحامض النووي

15 comments:

s@gi said...

واااو
بسم الله ما شاء الله
أكيد هيحصل نورى
أكيد بجد ... طول ما انتى مؤمنه بأنك تقدرى .. بالمره انا مش عايز أحبطك
بس الموليكولار بيولوجى اللى بناده ف الطب وكذلك أنتم
نقطه ف بحر كبيــر مالوش قرار
فعلا ده علم القرن القادم بلا منازع مع حبه هندسه وراثيه
عجبنى ف بوستك قوه الاراده والإيمان بالهدف
حسيتك شايفه نفسك .. جديره بنوبل
عندها أحلام جميله بتحقيق خير للبشريه
كنت أشترك ف الحلم ده
ورحت بالفعل جبت مرجع كبير 2005
كان جديد أوى وكان وصايه
كله لولب حلزونى عن منقوص الاوكسجين
واللى فيه اوكسجين
العربى بتاعك حلو " منقوص " شغاال والله
الكتاب حسيت انو طلاسم ومش قادر أفهمه
رغم انى أجلت بايو علشان انقنق فيه براحتى
ورغم انى قفلت المتحان تقريبا
بس يادوب فهمت اللى مطلوب منى
وما توغلت ف العلم اوى
بس ربنا معاكى
روحى وسر الازبكيه
واقرى اكتر
وحاولى ما تقتصريش على كتب المدرسه
علشان تبقى الاولى ف ال 20
صدقينى انا فرحانلك اوى
بجد دى أول خطوه ف سلم طويـــل
بسم الله ماشاء الله
أكيد ربنا بيحبك
معمل بالإمكانيات دى وف كليتكم
واتقبلتى
يبقى اوعى تضيعى الفرصه دى
PCR
بيفكرنى
PSA
PROFISSONAL SH7ATEN ACADEMY
بس واضح انك لعلعتى فوووق
واتخليتى عن مبادئ حزبنا
فلتحيا الشحاته
والفشل
سلام

TheRiddle said...

انا مبسوط جدا اني بسمع الكلام ده يا دكتورة سفروته
بجد لأني كمان بحب الحاجات دي
وانتى اكيد هتقدري
بس فيه الاول 3 خطوات لازم تاخديها

1 - النية انا ناوية
2 - القدرة انا هقدر
3 - انك فعلا تبدأي لكده

واكيد ربنا هيوفقك
الى الامام دائما

mohamed hesham said...

طبعا ممكن يحصل ...

بس حبة صبر وحبة حماس

el_assel said...

ربنا يوفقك باذن الله
وتكونوا واحد من اكبر علماء
molecular biology

في علم جديد بقي اسمه
bioinformatics
كنت لسه عامله
presentation

العلم ده حيفيدك جدا


سلاماتي

حابس نمله و بعذبها said...

ازيك يا دكتوره
مبروك
وجميل جدا ان فى حد فى بلدنا دى بيفكر زيك
وياريت تبقى تيجى تسألى على النمله لانها مصابه باصابات خطيره

شاب نفسة يحقق حلمة said...

ان شاء الله يا دكتورة هتقدري
وباذن الله نسمع بقي اخبار كويسة انك فعلا قدرتي
تحياتي ليكي

سفروتة said...

ساجي
.......

دايما منورني بتعليقاتك

بس لا مش احباط ولا حاجة

انا عارفة الكلام اللي انت بتقوله ده كويس

بس هي محاولة مني لاني اخترق العالم ده

ميرسي كتير علي كلامك

بس مين قالك اني هسيب الشحاتة دي هي اللي ماكلانا العيش
هههههههههههههههههههههههههههههههه

تحياتي

ممكن تبقي تقولي علي اسم المرجع؟

سفروتة said...

theriddle
............
شكرا علي كلامك

والتلات حاجات دول اكيد موجودين باذن الله

تحياتي

:)

سفروتة said...

mohamed hesham
.................

ان شاء الله

الصبر موجود والحماس كمان

وكلامكم ده فعلا بيزود حماسي

منور المدونة

تحياتي

سفروتة said...

elassel
..........

ازيك يادكتور

عامل ايه

ربنا يسمع منك يارب

وعارفاه البيوانفورماتكس ده

سمعت عنه كتير

وكان ليا زميل بيجمع عنه معلومات كتير وهو كمان مهووس بيه جدااا

ودايما بيكلمنا عنه


شكرا علي مرورك

تحياتي

سفروتة said...

حابس نملة وبعذبها
................

ياااااااااااااااااااااااااه

حمدالله علي السلامة يا دكتور

ايه اخبارك وايه اخبار النملة

واكيد في كتير في بلدنا بيفكروا كده مش انا بس

هبقي ازور النملة ان شاء الله عن قريب

تحياتي

سفروتة said...

شاب نفسه يحقق حلمه
....................

متشكرة جداااااااا علي كلامك يا طارق

منور المدونة

تحياتي لك

bar2ash said...

السلام عليكم
عارفه احلي حاجه في مدونتك ايه
انها مرحه وفيها نوع من التفاؤل
وده مميز عن باقي المدونات اللي جلبتلي احباط

اول زياره لمدونتك وان شاء الله متكونش الاخيره

ويارب يحققلك حلمك

تحياتي

سفروتة said...

bar2ash
............

متشكرة جدااااا جدااااا علي اطرائك ده

وان شاء الله متكونش الزيارة الاخيرة

وربنا يسمع منك يارب

شكرا علي مرورك يا دكتور

تحياتي

:)

will said...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍