Wednesday, March 12, 2008

هذا الاسبوع..اضيئت18شمعة في حياة نور

يوم السبت اللي فاااات بقي عندي 18 سنة
كل سنة وانتي طيبة يا نور
معلهش بقي جات متاخرة كام يوم كده
اصل النت كان بعافية شويتين
وانا حصلته واصبت بدور برد شديد جدا
وحرارتي كانت 38.5 امبارح وكنت طريحة الفراش
بس اما فوقت شوية قلت لازم احتفل بالحدث السعيد ده مع جيراني المدونين
يللا بقي مش عايزة حد يدخل وايده فاضية
:)
وبالمرة ياريت كل واحد يجيب معاه برتقان وكام صنف فاكهة كده عشان اخف بسرعة
..........................................................................
شوية ملاحيظ
يعني الواحد يغيب فترة كده عن عالم النت يرجع يلاقي نفسه مخبوط تاج من عمنا ابو العساقيل ،ده العيشة مع نيوتن كانت ارحم والله....عموما اروق كده بس وابقي ارد علي التاج العظيم ده والي هيساهم طبعا في اقامة دولة عسقلانية ديموقراطية حرة مستقلة....قائمة علي حرية الراي والتعبير مشددة علي مدي اهمية الفكر العسقلاني الذي ينتمي اليه جميع ابناء الدولة
احب اشكر حبيبة قلبي سالي (اوشن ايز) علي سؤالها الجميل واحب اطمنها واطمن كل المدونين اني موجودة اهه ومش ناسياكم والله
في موضوع مهم هينزل في المدونة التانية عايزة كل الناس تدخل وتشوفه وانا هبقي اوضح مدي الاهمية بتاعته بس هناك في البيت التاني.......خلاص خلاص مش عايزة حد يحدف طوب هبقي ادفعلكم حق التاكسي
يلاا اشوفكم هناك