Wednesday, February 6, 2008

!!!!!!!!!!!!!!!!

حالة نفسية سيئة جداااا ... امر بها الان
(اصل النتيجة ظهرت)
مش عارفة هرجع اكتب امتي تاني
كان فيه سكوووب عملته عن الشحاتين من شهرين هنزله دلوقتي في المدونة التانية
الهي قسم البايو يولع وميعرفوش يبنوه تاني
قولوا امين
باعتذر لزوار المدونة الكرام عن عدم استطاعتي علي الرد علي تعليقاتهم حاليا
مش فايقة خالص

6 comments:

زى الهوا said...

بصى اى شىء بيحصل خليكى مسلمة تماما إن دا فيه الخير ليكى , انا مريت بحاجات فظيعة وماكنتش مقتنعة بإن اكيد الخير فى دا , وفعلا الحمد لله بعد كدة لما باحسبها بالاقيها فعلا كان فيها خير , يلا ارضى بنصيبك وماتخليش حاجة تزعلك ماكفيانا تعب بقى وزعل الدراسة , كمان هنزعل على النتيجة , ماتزعليش بقى وارجعى للتدوين , انتى عملتى اللى عليكى وإن شاء الله هتتعوض فى حاجة احسن

ابن حـجـر الـعـسـقـلانـى said...

يا ستى ما تزعليش .. كل دة عشان النتيجة .. معلش .. تتعوض فى الامتحانات الجاية

بس و الله فكرتينى بذكرياتى الأليمة مع الامتحانات فى الكلية .. أيام ما كنا بنجيب أنا و اصحابى "أصفار" .. أصفار بجد مش هزار

بس اتخرجنا من كلياتنا و الحمد لله اشتغلنا فى أماكن كويسة و حالتنا حلوة الحمد لله

و الدنيا مش بتقف عند نتيجة واحدة .. أو جولة واحدة ... لسة الدنيا شايلة حاجات كتيييييييييير

s@gi l'ombre said...

السلام عليكم
أسأل الله الكريم رب العرش العظيم ان يفرج كربتك وينير قلبك ودربك
ولعل كبوه ..هى سبب انتفاضه ونجاح
وأذكرك بالبيت ..بتاع مودنتك
مين منا مش بيعدى عليه وقت..مش فاكره علشان مش عايز أعلك
بس صحيح كتير بنضايق ونحس ان خلاص هنموت م الغيظ والقرف والخنقه بس بمجرد ما بتعدى ونفتكر الأيام دى بعد كده بنضحك على نفسنا وتبقى ذكرى حلوه
بصى على اى تجربه على إنها خبره مضافه لرصيدك الحالى المتزايد مش انها فشل تقف عنده الحياه
ايه يا استاذه ..انتى بتاعه التنميه البشريه
ودايما اقول ان الحياه مش مذاكره بس
دى مجموع حاجات كتير
يعنى ممكن تكونى نجحتى اجتماعيا ودينيا ونص نص دراسيا
يبقى متوسط حلو
نقول الحمد لله ونحاول نحسن
وبعدين البايو ده كخه والقسم بتاعه نيله..وربنا يولع فى الماده الغبيه دى ..وحسبنا الله ونعم الوكيل فى الظالم
بس ما تزعليش نفسك ..إن شاء الله خير وإنا مستبشر خير كتير
بقه كده ..دا انتو كنتوا بتاخدوا قشور عن البايو ..يلا ربنا يعوضك خير ويلهمك الصبر
..ان شاء الله الجيد جداجايه الترم التانى
وربنا معاكى يا دكتوره
معلهشى كسرت قاعده الصمت
بس نعمل ايه ؟؟ ربنا معاكى
سلام
اه صحيح لو الكتابه هتضايقك بلاش
وما تعتذريش احنا اللى نعتذر عن تأخيرنا فى الوقوف جنبك فى محنتك

تامر الحسيني said...

حبة صمت

noury said...

السلام عليكم

زي الهوا..موووحة
ابو العساقيل
ساجي باشا
باشمهندس تامر

متشكرة جدااااااا جدااااااا ليكم يا جماعة والله

احب اطمنكم اني خلاص رجعت نوران تاني واحسن من الاول كمان

وفعلا دي تاني مرة تتحقق المقولة بتاعتي
من منا لا تاتي عليه لحظة يكره فيها
الحياة ولكن بعد تلك اللحظة نحب الحياة

حقيقي انا رجعت احسن من الاول

اشكركم بجد يا جماعة

norahaty said...

السلام عليكم ورحمة الله وبركاته.اسمحى لى اكتب لك اول مره.اصل انا لسه جديده على البلوجات (وياريتنى كنت ما عرفت الانترنت خالص كان زمانى قاعده دلوقت اشرب شاى واقزقز لب و اتفرج على بانوراما الدرما على حلقات الحاج متولى للمره ال300 ,مش حبآ فيها ده انا باكرها عمىّ لكن كنت حاأعمل ايه تانى .المهم عايزه اقولك زى كل اللى قبلى ما قالولك شدى حيلك .بحكم سنى ياد.كل شىء يتعوض الا الانسان واسالينى انا عن الزعل وسنينه وياريت بيجيب حاجه الا لا.ده بالعكس بيشوشرعلى تفكير الانسان ويخللى نظرته قصيره للمواضيع.مش حاقولك ما تزعليش بس (حبه صغنين.طولت عليك انا لكن فعلا حسيت ان كلامك صادق وانها ازمة ما بعد ظهور النتيجه.اقولك كفايه كده وان شاء الله مستنيه منك تطمنى اهل البلوجات كلهم عليكى ودمتى بخير.