Thursday, January 31, 2008

ممكن ده يحصل؟؟؟؟


يا تري ممكن نجرح حد من غير ما يكون قصدنا اننا نجرحه؟؟




ولو ده حصل





ايه اللي ممكن نعمله عشان نصلح اللي فات؟؟

5 comments:

ابن حـجـر الـعـسـقـلانـى said...

بصراحة .. سؤال صعب .. يا ريتنى أعرف الإجابة

samo said...

دى اول مره ليا هنا حسب ما اعتقد

بس سؤالك يجذب انتباه اى شخص

........ الجرح.........

كتير جدا بنجرح وننجرح من غير قصد

وكتير اوى ما بنعرف نصلح ده

بس

ممكن اوى نداوى الجرح بكلمه بسيطه

اشرحى للى جرحتيه

فهميه ان العمر صغير اوى مش مستاهل انه يضيع فى الحزن او الزعل

وصدقينى

الاقرب دايما للقلب هو السماح مش الجرح

مدونه جميله وعذرا على التطويل

نيمو said...

بصى بجد يا نوران


انا هقول راى و امرى لله


لو اتنين بينهم علاقة حب واقصد الحب الشامل

اكره جدا الحساسية فى التعامل اكره ان حد يزعل من حد عشان حجات تافهه لا منعى لها



جرح ايه اللى ممكن حد يجرحه لواحد عزيز عليه اكيد اكيد هيكون ميقصدش
اساسا
ولازم يفترضلوا النية الصالحة

اما الجرح بين ولد بنت

ده وهم بيسومه حب و هجر وكلام مالوش لزمة


***************************

تامر الحسيني said...

يعني ايه نجرح حد؟
في الغالب الكلمه دي بتعني
اننا نعمل عكس توقعات الحد ده
ولما نعمل كده منغير قصدنا
يبقا اكيد
السبب هو اننا بنجرح شيء خفي مش ظاهر لينا
يعني مثلا
ممكن اجرح حد بكلمه دون قصد لما تكون الكلمه دي ليها حساسيه خاصه عند الشخص ده
وده مش عيب في الشخص المجروح او عيب في الانسان الاي بيجرح
فكلاهم لا يقصد

لكن نعمل ايه لما نلاقي نفسنا في الوضع ده
واذاي نصلح الاي فات
اولا بالحوار
اعرف انا جرحته في ايه
هو ايه جرحه بالضبط
واحاول اوصل له كلامي بشكل لا يخل بمعناه وفي نفس الوقت بعيد عن
موضع الحساسيه لديه

وفي الغالب في رايي ده شيء مش بيحصل بين الناس القريبه قوي من بعض لانهم بيبقوا فاهمين بعض
وعارفين اذاي يوصلو لبعض كويس

خالص تحياتي
تامر الحسيني

زى الهوا said...

اه ممكن اوى , وانا بالذات بجرح ناس كتير لأنى زى مابيقولوا عليا مطب فى الكلام , اللى فى قلبى على لسانى بدون ما اراعى اللى ادامى , بس زيى مابقولك كدة بنجرح باللسان يبقى بنفس اللسان اللى جرح نداوى الجرح ونعتذر بعشم , هاقولك يعنى ايه بعشم , يعنى انا اسفة انا متأكدة إنى غلطت اصلا , بس اللى متأكدة منه اكتر انك خلاص سامحتينى , وخلاص اللسان برده حل الموضوع بكلمتين حلوين , وثقى إن طالما اللى ادامك دى بتحبك يبقى اكيد هتسامحك , بعد ماتحفظى الكلمتين دول وتضحكى عليها بيهم ( وش بيضحك) ههههههههه