Sunday, January 27, 2008

هما عايزين مننا ايه؟؟؟؟؟؟

بقالي دلوقتي بالظبط اسبوع مخلصة امتحانات........ يا ساااااااااااااتر الواحد كان حاسس انه مخنوق وخنقته اتفكت
بس لسة في حاجة ثقيلة علي القلب اسمها نتيجة وربنا يعدي اليوم ده علي خير
للاسف الشديد بعد انتهاء الامتحانات شعرت شعور غريب لاول مرة في حياتي اشعر به ..حسيت ان الترم ده اسوا ترم في حياتي
سبحان الله السنة اللي فاتت الترم الاول مكنتش بذاكر قوي او بمعني اصح مكنتش عارفة اذاكر ازاي ولا منين لكن والحمد لله جبت تقدير حلوووووووو قوي (جيد جدا) ومكنتش مصدقة اصلا...الترم التاني بقي كنت بذاكر عن الترم الاول لكني فوجئت بان تقديري قل عن الترم الاول بمراحل ...الترم ده بقي مش عارفة ايه اللي هيحصل بالظبط
................................................................................................
لما قعدت حبة صمت مع نفسي افتكرت انه لما كنا الترم الاول السنة اللي فاتت ...الدكاترة كانوا بيحنوا علينا و الدكتور من دول يقولنا ايه انا لما اجيبلك في الامتحان سؤال كذا يبقي تجاوب عليه بكذا...ولما اقولك كذا يبقي تقوللي كذا .... عشان كده انا كنت بدخل الامتحان اكتب اللي الدكتور عاوزه مش اللي انا عايزة اكتبه
..............................................................................................
طب ولما الدكتور يقوللي اكتب ايه في الامتحان ...لازمته ايه بقي اني اتعلم واهري في نفسي ....افتكر انه اللي بدرسه ده علم يعني انا بادرس عشان انتفع بالعلم ده مش عشان ادخل اكتب في الامتحان
بس للاسف مطلوب مني اني اعرف الدكتور عايز ايه عشان اجيب في مادة حضرته تقدير
..............................................................................................
وطول ما انا قاعدة في حبة صمت بسال نفسي سؤال .....حضرات السادة الدكاترة والممتحنين والمصححين(وكلهم شخص واحد)انتوا عايزين مننا ايييييييييييه؟؟؟؟؟؟؟؟

3 comments:

الأستاذ said...

يااه إيه ده أنا أول واحد؟
م هي كمان أول مرة آجي هنا أنا بايني توهت
محدش موجود خالص
المهم
فعلاً الدكاترة دول والله ربنا هينتقم منهم بيطلعوا عينا دراسة وفي الآخر يجيبلك إمتحان تبقى عارف اللي فيه لكن مش قادر تكتبه أو مش لاقي وقت أصلاً
يلا ربنا على المفتري وربنا يوفقك
تحياتي

frake_ghost said...

إذا أردت أن تكون غيرك ..فلن تكون لا نفسك ولا غيرك
بجد حاولى تبقى انتى مش حد تانى
اصرخى وقولى لا
اوعى تصمتى وتنساقى مع التيار
اكتبى إجابتك انتى
ابقى خلاقه ومبدعه للأفكار والحلول
الكتب مليانه هما عايزين كتب ناطقه ولا ايه!! بجد هما عايزين منا ايه فعلا
جيتى ع الجرح يا دكتوره ك العاده
بس بلاش كل شويه اللبانه بتاعه (فى لحظه صمت ..بسجل صمت ) عرفنا ان المووضع ليه علاقه بالمدونه
وان كنت أرى إن سكوب لو ادتيها اهتمامك كله احسن ما يتوزع على 2
انتى عندك مهارات حلوه قوى ..وإراده قويه..ربنا يعينك ويوفقك ويرزقك من فضله ويرزقك على قد نيتك (دعوه تيته اللى بحبها موت) سلام بقه كل ده رغى فى لحظه صمت
هشششششش
سلام

تامر الحسيني said...

قاعده اساسيه
-----------------
ليس للجهد صله بالمذاكره
ولليس للمذاكره صله بالامتحان
وليس للامتحان صله بالنتيجه
وليس للنتيجه صله بالتوفيق في العمل
لكن
الجهد له صله اساسيه بالعمل
اجتهد الان لا لتنجح في الامتحان
لا بل لتنجح في حياتك
وفي تخصصك

ربنا يوفقك ومع خالص امنياتي بالتقدير الكبير
الذي ليس له صله باي شيء

تامر الحسيني
انسان عاشق حر