Thursday, January 31, 2008

ممكن ده يحصل؟؟؟؟


يا تري ممكن نجرح حد من غير ما يكون قصدنا اننا نجرحه؟؟




ولو ده حصل





ايه اللي ممكن نعمله عشان نصلح اللي فات؟؟

Sunday, January 27, 2008

هما عايزين مننا ايه؟؟؟؟؟؟

بقالي دلوقتي بالظبط اسبوع مخلصة امتحانات........ يا ساااااااااااااتر الواحد كان حاسس انه مخنوق وخنقته اتفكت
بس لسة في حاجة ثقيلة علي القلب اسمها نتيجة وربنا يعدي اليوم ده علي خير
للاسف الشديد بعد انتهاء الامتحانات شعرت شعور غريب لاول مرة في حياتي اشعر به ..حسيت ان الترم ده اسوا ترم في حياتي
سبحان الله السنة اللي فاتت الترم الاول مكنتش بذاكر قوي او بمعني اصح مكنتش عارفة اذاكر ازاي ولا منين لكن والحمد لله جبت تقدير حلوووووووو قوي (جيد جدا) ومكنتش مصدقة اصلا...الترم التاني بقي كنت بذاكر عن الترم الاول لكني فوجئت بان تقديري قل عن الترم الاول بمراحل ...الترم ده بقي مش عارفة ايه اللي هيحصل بالظبط
................................................................................................
لما قعدت حبة صمت مع نفسي افتكرت انه لما كنا الترم الاول السنة اللي فاتت ...الدكاترة كانوا بيحنوا علينا و الدكتور من دول يقولنا ايه انا لما اجيبلك في الامتحان سؤال كذا يبقي تجاوب عليه بكذا...ولما اقولك كذا يبقي تقوللي كذا .... عشان كده انا كنت بدخل الامتحان اكتب اللي الدكتور عاوزه مش اللي انا عايزة اكتبه
..............................................................................................
طب ولما الدكتور يقوللي اكتب ايه في الامتحان ...لازمته ايه بقي اني اتعلم واهري في نفسي ....افتكر انه اللي بدرسه ده علم يعني انا بادرس عشان انتفع بالعلم ده مش عشان ادخل اكتب في الامتحان
بس للاسف مطلوب مني اني اعرف الدكتور عايز ايه عشان اجيب في مادة حضرته تقدير
..............................................................................................
وطول ما انا قاعدة في حبة صمت بسال نفسي سؤال .....حضرات السادة الدكاترة والممتحنين والمصححين(وكلهم شخص واحد)انتوا عايزين مننا ايييييييييييه؟؟؟؟؟؟؟؟

Thursday, January 24, 2008

لماذا..حبة صمت؟

حتي لا يختلط علي البعض الامر...وحتي لايدور في اذهانكم افكار ومعتقدات غير صحيحة
سأوضح لكم الامر
لا انكر انه تأتي عليّ كثيرا لحظات اصمت فيها لاوقات طويلة
لكن علي صفحاتي الصامتة هنا ...لن اصمت ابداااا..سأتحدث عن اي شئ لفت انتباهي
ليس فقط عن شئ جعلني اصمت..ربما عن شئ جعلني افرح..احزن...ابتسم..ابكي..ارقص ..اغني
عن اي شئ اي شئ
_____________________________
بمعني اصح يا جماعة انا مش هبطل رغي
بس برضه اكيد فيه
حـــــبــــة صــــمــــت